John 1:44 - Annaahk John Manistsitsinikatahpi Jesus Manistsipaitapiihpiai 1979

⁴⁴ (Oma̱a Philip itoko̱yiiwa omii aka̱i̱tapissko i Bethsaida, ni̱ʼtoyi omi̱i Andrew kii Peter.)

John 1:44 ပူးပေါင်းရင်းမြစ်များ

John 1:43

O̱ki. A̱nnia mattsiksi̱stsikoi Jesus itani̱stsitsiihtaawa ma̱a̱hkitapoohsi Galilee. Itohko̱o̱noyiiwa anniska Philipisk. Itani̱stsiiwayi, “Oki̱h. Po̱ʼkiioot.”

John 1:45

Oma̱a Philip itota̱ʼpssammiwa Nathanael. Itohko̱onoyiiwayi. A̱a̱nistsiiwayi, “O̱ki. Annaahka Mosesahk anniska otsi̱kayissiinapsskoayiska, niisto̱nnaana ni̱tohkoissksinoannaaninayi. A̱nniskaoʼkinayi anniska otsi̱kayissiinapsskohkatawawayiska omiiksi a̱waatoyiʼpoyiiksi issko̱o̱htsika. A̱nnaoʼka oma̱a Jesus. Itsista̱waʼsiwa Nazareth. Oma̱a Joseph, ohko̱ayi.”

John 1:46

Nathanaela sota̱msayiʼtakiwa. Itani̱stsiiwa Philipi “Nanistsi̱ksimssta Nazareth a̱a̱hkstaiʼsayikakitsstsiihpa a̱a̱hkohtoʼtsstsii noohkso̱kaʼpii.” Kii Philip itsska̱nistsiiwayi, “Awa̱ttsipoohsotoohkoissksinoosa.”

John 1:48

Nathanael itani̱stsiiwa Jesus, “Tsa̱ kino̱ohkanistohkoissksinookihpa.” Jesus i tani̱i̱wa “Kitsi̱tsinoo anniihka kitsi̱tsitsistaahtaopiihpi omaam miistsi̱sa. Apssi̱yiistsisa. Kitsi̱tsinoo anniihk kitsi̱tsaomainihka̱yihpihka anna̱a Philip.”

John 12:21

Kii, ki ami̱i̱ksi noohki̱i̱tsitapiiksi sota̱mitapo̱oyaawa anniiska Philip, iihto̱ʼtooyiska Bethsaida. Istaka̱i̱tapisskowa Galilee. Sota̱manistsiiyaawayi, “O̱ki. Nita̱i̱sstaahpinnaan na̱a̱hkssitsipssatahsinnaani Jesus.”

John 12:22

O̱ki. Philip ina̱i̱ʼtsitapoowa Andrew, ki itani̱stsiiwayi a̱a̱mohka. O̱ki. Ki Andrew, ki oma̱a Philip ina̱i̱ʼtsitapo̱oyaawa Jesusi. Ki itani̱stsiiyaawayi omiiksi mata̱piiksi ota̱a̱niihpi.

John 6:5

O̱ki. Oma̱a Jesus sota̱mssapiwa. Sota̱minoyiiwa niita̱ʼpakaitapiiyi otsipo̱o̱hsapoohsaawa. Kii itani̱stsiiwa omi̱i Philip, “Ma̱tsitsstsiihpa a̱a̱hkitohpommaaoʼsi ma̱a̱hkitotoisapanistsoohpi a̱a̱hkohtsiisoahpiaawa amo̱o̱ksi. A̱koohksikioʼpa?”

John 6:7

O̱ki Philip itani̱stsiiwayi, “Kii a̱kanistsoohtoohpa aa̱wahsini niʼto̱mahksikiipippiaawa iimaki̱ʼnaksiisoahki manistsi̱ʼtsitapiihpi.”