John 1:41 - Annaahk John Manistsitsinikatahpi Jesus Manistsipaitapiihpiai 1979

⁴¹ I̱i̱tomotaʼpssammiiwa o̱mohpapiʼihpi Peteri. Itohko̱o̱noyiiwayi. Itani̱stsiiwayi, “Nika̱o̱hkoissksinoannaanini A̱ʼpistotookiwa anniska o̱mohtakohkoikiihpiska ma̱a̱hksikamotsi̱i̱piookssi.” (O̱ki, amoohka ota̱a̱niihpihka, A̱ʼpistotookiwa o̱mohtakohkoikiihpiska, ni̱ʼtoi anista̱panioʼsina “Christ”).

John 1:41 ပူးပေါင်းရင်းမြစ်များ

John 1:45

Oma̱a Philip itota̱ʼpssammiwa Nathanael. Itohko̱onoyiiwayi. A̱a̱nistsiiwayi, “O̱ki. Annaahka Mosesahk anniska otsi̱kayissiinapsskoayiska, niisto̱nnaana ni̱tohkoissksinoannaaninayi. A̱nniskaoʼkinayi anniska otsi̱kayissiinapsskohkatawawayiska omiiksi a̱waatoyiʼpoyiiksi issko̱o̱htsika. A̱nnaoʼka oma̱a Jesus. Itsista̱waʼsiwa Nazareth. Oma̱a Joseph, ohko̱ayi.”

John 4:25

O̱ki. Oma̱a aaki̱i̱wa sota̱maniiwa. “Ki ni̱tssksiniihpa A̱ʼpistotookiwa anniisk o̱mohtakohkoikiihpiska a̱akoʼto̱oyinai.” (O̱ki oma̱a aaki̱i̱wa a̱a̱niiwa, A̱ʼpistotookiwa anniiska o̱mohtakohkoikiihpiska, ki a̱amo niʼtoi anistapanioʼsina “Christ”.) Itani̱i̱wa oma̱a aaki̱i̱wa, “Osto̱yi a̱koʼtooyinai, kii aa̱o̱ʼto̱osayi a̱kohtsitohkanaissksinima̱atsookiyinai ka̱taiʼssksiniihpistsi natoa̱ʼpistsi.”