John 1:38 - Annaahk John Manistsitsinikatahpi Jesus Manistsipaitapiihpiai 1979

³⁸ Ki oma̱a Jesus ito̱ʼtakaoowa. Itsino̱yiiwaiksi otohpo̱ʼkiawaawahkaanaiksi. Itani̱stsiiwaiksi, “O̱ki tsa̱ anista̱piwa kita̱ʼpaissapihpoaawa?” Sota̱maniiyaawa “O̱ki Rabbi. Ta̱i̱sstaahpinnaan na̱a̱hkssksinissinnaani kitsi̱taopiihpi.” (O̱ki a̱a̱mohka “Rabbi” anista̱panioʼsina “a̱i̱ssksinimaatstohki.”)

John 1:38 ပူးပေါင်းရင်းမြစ်များ

John 1:37

Kii ki omi̱i̱kska John ota̱i̱ssksinimaatsaaiksi otsi̱toohtookaiksi, ki a̱nnihkayii iihtohpo̱ʼkiisapooyaawa Jesus ma̱a̱hkanistapssaawa ota̱i̱ssksinimaatsaaiksi.

John 1:39

Jesus itanistsiiwaiksi, “Okih. Ka̱a̱hkitohkoissksiniʼpoaawa tsi̱taopiihpi.” Kii sota̱mitohpoʼkiio̱oyaawa. Sota̱mitssksinimiaawa Jesus ooko̱o̱wayi. Iihpitsi̱toʼtoowa niiso̱o̱yi ki a̱nnihkayii itohpo̱ksikoʼkomiimiiyaawayi.

John 1:49

Nathanael ota̱ʼyoohtoahsi sota̱mipisatsiʼtakiwa. Ka̱a̱tanistsiiwa Jesusi “A̱i̱ssksinimaatstohki. Kiisto̱wa a̱nniskaoʼkinayi A̱ʼpistotookiwa ohko̱yi. Kiisto a̱nnayii kita̱kitsinawaʼsi Israel.”

John 12:21

Kii, ki ami̱i̱ksi noohki̱i̱tsitapiiksi sota̱mitapo̱oyaawa anniiska Philip, iihto̱ʼtooyiska Bethsaida. Istaka̱i̱tapisskowa Galilee. Sota̱manistsiiyaawayi, “O̱ki. Nita̱i̱sstaahpinnaan na̱a̱hkssitsipssatahsinnaani Jesus.”

John 18:4

Jesus a̱kaohkanaissksinima manista̱kohkoyiʼpi. Ki sota̱mitsi̱ssipoyiwa, ki sota̱manistsiiwa omi̱i̱ksi iihpo̱ʼkistsso̱oiksi a̱wawahkaoʼtsiiksi, “Taka̱a kita̱ʼpaissammawaawa?”

John 18:7

Ki a̱nniayii Jesus sota̱mattanistsiiwaiksi “Taka̱a kita̱ʼpaissammawaawa?” Oso̱tamattanikkaiksi, “Ki Jesus, iihto̱ʼtoowa Nazareth.”

John 3:2

Si̱i̱pioksisawa̱aatsiiwa ami̱i Jesus. Sota̱manistsiiwa̱yi “O̱ki a̱i̱ssksinimaatstohki. Ni̱tssksiniʼpinnaan kito̱ʼtssko̱yissi A̱ʼpistotookiwa ka̱ahkitssksinimaatstohkssi. Taka̱a kika̱taiʼsspommo̱yihtopi A̱ʼpistotookiwa kima̱takohkottanisttotsiihpa a̱a̱mostsi kipisa̱taistamatstohkssiistsi.”

John 3:26

Sota̱mitapo̱oyaawa Johni. Sota̱manistsiiyaawa̱yi omohtsawa̱a̱hsiʼtakssi anniska Jesus. Itani̱i̱yaawa, “O̱ki. Anna̱a̱hka ni̱naawahka kitsi̱tohpoksipoyiimokahka omii mi̱i̱stapinnaapoohtsi omii niyi̱tahtai, Jordan, a̱nnahkaoʼka annaahka kitsi̱ʼpoatomoawahka. Osto̱yi a̱nnoohka noohka̱ttawaatoaʼpistotakiwa kii kana̱i̱tapiiyi ai̱tapo̱oyinai.”

John 4:31

O̱ki. O̱o̱miksimaoʼkiawa Jesus oma̱nikapiimiksi ota̱waanikkaiksi, “A̱i̱ssksinimaatstohki, kita̱koohki̱i̱tsoyi.”

John 6:25

O̱ki. Ki a̱ʼohkonoyiiyaawayi. A̱nnimai apa̱moohtsi omii o̱mahksikimi itohko̱onoyiiyaawayi ki a̱a̱ʼnistsiiyaawayi “Oma̱a a̱i̱ssksinimaatstohki tsa̱ anistsi̱i kitsi̱toʼtoohpa.”