John 1:31 - Annaahk John Manistsitsinikatahpi Jesus Manistsipaitapiihpiai 1979

³¹ Ina̱i̱ʼtaniiwa John, “Nima̱tssksiniihpa annaahka Jesus ota̱mssi annaahk no̱mohtsikayissiʼpoyiihpahka. Osto̱yi a̱nnaoʼk no̱mohtohtatoaʼpistotaki aohki̱i̱ osto̱yi a̱a̱hkohtoʼtohkoissksinoahsi. Ota̱kitohkoissksinooka omi̱i̱ksi istsitapi̱i̱ksi Israel.” A̱nniai a̱a̱niiwa Johna.

John 1:31 ပူးပေါင်းရင်းမြစ်များ

John 1:30

Osto̱yi a̱nnahkaoʼka no̱mohtaiʼpoyiihpahka. Kita̱a̱nistohpoaawa osto̱yi oʼtsi̱tskoʼtotamaʼpssiwa niisto̱yi ki̱i̱iwa nitsi̱i̱toomomatapokakiaaniihpi. Osto̱yi oʼtsi̱tskoʼtotamaʼpssiiwa takaa anniihka tsi̱tsaomaipokaayihpihka osto̱yi a̱i̱ssksitaisstsiiwa.”

John 1:32

O̱ki. Oma̱a John, ma̱ttsiʼpoatomoyiiwa Jesus, moka̱moʼtsi̱ʼpoyiiwa. Itani̱i̱wa “Nitaanikka A̱ʼpistotookiwa na̱a̱hkohtawaatoaʼpistakssi aohki̱i̱yi. Nima̱ttanikka naanista̱akoonoahpi annaahka no̱mohta̱i̱kayissiʼpoyiihpahka. A̱a̱niiwa, ‘A̱kitsstsiihpa natowo̱ttaka ota̱yakita̱psainniso̱o̱hpi ni̱naayi. A̱a̱mohka aiʼnimi̱niki, aaʼnistsi̱i̱si kita̱kstamssksiniihpa a̱nnaoʼka annaahka ni̱naawahka. A̱nnahkaoʼka annaahka a̱kohtawa̱a̱toaʼpistotakiwahka Natowo̱ttaki. Anniihka nima̱tssksiniihpa oto̱mssi Jesus. Ki a̱nnohka nita̱i̱ʼnoawa Natowo̱ttaka otsi̱tapssainnisoohsi Jesusi. Ika̱nistsinamma a̱nni kakko̱i̱. Iihto̱ʼtsainnisoowa ispo̱o̱htsi ma̱a̱hkito̱manistohpokaʼpaissiimahsi Jesus. A̱nnohka a̱a̱mohka nitsini̱ssi a̱nnihkayii ko̱mohtanistohpoaawa Jesus a̱nniskaoʼkinai Aʼpistotookiwa ohkoyi.’ A̱nniayii niito̱manistooma John mani̱stssksinoahpi Jesus.”

John 1:7

Osto̱yi ota̱ʼpoʼtakssinayi ma̱a̱hkitaokakianistahsi mata̱piiyi. Iihtoka̱moʼtsiʼpoyiwa anniska iihko̱kkiiyiska a̱a̱hkitaʼpawaawahkaaoʼsi ksiistsiko̱i̱nattsi. Ki a̱nnihkayii o̱tapiʼssina a̱yaakomaiʼtakiiksi ma̱a̱hkitomaiʼtakssi.