John 1:29 - Annaahk John Manistsitsinikatahpi Jesus Manistsipaitapiihpiai 1979

²⁹ O̱ki. A̱nnia mattsiksi̱stsikoyi John itsino̱yiiwa Jesus oto̱ʼtoohsi. Sota̱maniiwa, “O̱o̱mayaoʼka A̱ʼpistotookiwa anniska otsi̱tsipoʼtoayiska ma̱a̱hkitotoisapssi omiiksiska i̱i̱mahkihkinaaikska iʼnita̱i̱kska a̱a̱hkikkitsstsaahsi. A̱kohtsitssiinomoawa o̱tapiʼssini opahtsa̱ʼpssini.

John 1:29 ပူးပေါင်းရင်းမြစ်များ

John 1:35

O̱ki. A̱nniya mattsiksi̱stsikoi oma̱a John iihpoki̱taipoyiimiiwa amo̱ksi na̱tsitapii ota̱i̱sokaissksinima̱atsaaiksi.

John 1:36

Kii sota̱minoyiiwa anniska Jesus omohtawa̱a̱wahkaahsayi. Sota̱maniiwa “O̱o̱mayaoʼka anniska annaahka A̱ʼpistotookiwa otsi̱tsipoʼtoayiska ma̱a̱hkitotoisapssi omi̱i̱ksiska i̱i̱mahkihkinaaikska iʼnita̱i̱kska a̱a̱hkikkitsstsaahsi.”

John 1:43

O̱ki. A̱nnia mattsiksi̱stsikoi Jesus itani̱stsitsiihtaawa ma̱a̱hkitapoohsi Galilee. Itohko̱o̱noyiiwa anniska Philipisk. Itani̱stsiiwayi, “Oki̱h. Po̱ʼkiioot.”

John 2:1

O̱ki a̱nnika po̱o̱hsapiokskaiksistsikoi oma̱yii ni̱naawa a̱yaakitohkiimiwa omiima aka̱i̱tapisskoyi niitsi̱nihkatoohpi Cana. Amo̱o Cana istaka̱i̱tapisskowa omii Galilee. Ki a̱nnimayi itohka̱nooyaawa. Jesus itapa̱mmawa omii otsi̱tohka̱noohpiaawayi, kii omiiksi oma̱nikapiimiksi noohka̱ttsitapammayi. O̱ki. Ki a̱i̱ʼtapooyaawa. Omi̱i oksi̱sstsi i̱i̱kaitaʼpawaawahkaayinai.

John 3:16

A̱ʼpistotookiwa otsska̱a̱ʼkomimmahsi anno̱ksi mata̱piiksi anno̱o ksa̱a̱hkomma iihtoma̱tsskaiwa oni̱ʼtohkoyi. Kii a̱nnihkayii kana̱i̱tapiiwa na̱o̱maiʼtoyiiwa ohko̱yi ma̱takaatsaawa. A̱kohkotawa amoohka a̱i̱sksipaitapiʼsinihka.

John 4:42

Itawa̱a̱nistsiiyaawa omi̱iskaaaki̱i̱yiska, “A̱nnohkayii ni̱tawattomaiʼtoannaana Jesus. Nitsi̱i̱kaohtomaiʼtakihpinnaana kiisto̱wa kita̱a̱niihpi. A̱nnoohk ni̱tawattoohtoannanna, kii no̱mohtssksiniihpinnaana osto̱yi a̱nnahkaoʼka a̱aksikamotsiipiiwa kana̱omiaʼnistsitapiiyi anno̱o ksa̱a̱hkom.”

John 6:51

Niisto̱ahkaoʼka amoohka napayi̱nihka manipa̱i̱tapiʼssini o̱mohtoʼtsstsiihpihka. Iihtohka̱naoyiiksi a̱ksawonoaissiksipaitapiiyaawa. Ki a̱a̱mohk no̱mohtaiʼpoyihpihka napayi̱i̱nihka tanista̱pawaani noosto̱mi. Nita̱kohtsiistapihkahtoohpa nosto̱mi anno̱ksi mata̱piiksi anno̱o ksa̱a̱hkomma ma̱a̱hkohtsipaitapiiʼssaawa.”