John 1:19 - Annaahk John Manistsitsinikatahpi Jesus Manistsipaitapiihpiai 1979

¹⁹ O̱ki. A̱a̱moksayi mata̱piiksi iihto̱ʼto̱oyaawa Jerusalem. Itsita̱pooyaawa John. Anni̱i̱ksi anista̱pssiiyi naato̱yaapiikoani ki anni̱i̱ksi anista̱pssiiyi omi̱i̱ksiska a̱o̱toiʼtsikatoomikska o̱mahkitawaatsi̱moihkaaoʼpi. Omi̱i̱ksi isto̱ʼtotamaʼpssiiksi Jews ita̱psskoyiiyaawa amokska mata̱piikska John ma̱a̱hksopoahtsiisatahsaawayi tsika̱a̱hta osto̱yi.

John 1:19 ပူးပေါင်းရင်းမြစ်များ

John 1:7

Osto̱yi ota̱ʼpoʼtakssinayi ma̱a̱hkitaokakianistahsi mata̱piiyi. Iihtoka̱moʼtsiʼpoyiwa anniska iihko̱kkiiyiska a̱a̱hkitaʼpawaawahkaaoʼsi ksiistsiko̱i̱nattsi. Ki a̱nnihkayii o̱tapiʼssina a̱yaakomaiʼtakiiksi ma̱a̱hkitomaiʼtakssi.

John 10:24

O̱ki. Ki oso̱tamoʼtaksipoyiimoka omi̱i̱ksi isto̱ʼtotamaʼpssiiksi Jews. Oso̱tamanikkaiksi, “Kiisto̱wa kika̱taaʼmi A̱ʼpistotookiwa anniiska o̱mohtakohkoikiihpiska? Ikkama̱a̱miiniki sota̱manikkinnaan. Nita̱yikohtsisamakohkoohspinnaan.”

John 10:31

Ki a̱nniayii omi̱i̱ksi isto̱ʼtotamaʼpssiiksi Jews, sta̱mattssiikoʼtakiiyaawa o̱o̱hkotoki ma̱a̱kohtsisskaiʼtatahsaawa Jesusi, ma̱a̱hkohtsiʼnitahsaawayi.

John 11:19

Ki a̱nniksayii itaka̱i̱tapiiyi omi̱i̱ksi isto̱ʼtotamaʼpssiiksi Jews. I̱kayistapitoʼto̱oyaawa. Ita̱a̱piiwanistotoyiiyaawa ami̱i̱ksi Martha ki Mary, ostsi̱ʼnssayi o̱mohpapiʼihpoaawayi.

John 2:18

O̱ki. Ki a̱nnihkayii omi̱i̱ksi isto̱ʼtotamaʼpssiksi Jews itani̱stsiiyaawa Jesus, “Sota̱mipisataistamaatstohkit ikkama̱nistatoapssiniki ka̱a̱hkohkottohtsitsaiskoahsi anni̱i̱ksiska ki̱tsaisskoaiksi.”

John 2:20

Omi̱i̱ksi ni̱naaiksi itani̱i̱yaawa, “Niisi̱ppo na̱a̱tsikopotoisstoyii itohko̱ttaʼpistotsiiʼpa anno̱o o̱mahkitawaatsimoihkaaoʼpi. Kima̱takohkottsitaʼpistotsiihpa amo̱o niyo̱kskaiksistsikoi.”

John 5:10

Ki a̱nnihkayi omiiksi isto̱ʼtotamaʼpssiiksi Jews iihtani̱stsiiyaawa omi̱iska iihko̱ttotoayiska, “O̱ki. Issiko̱piiksistsikowa a̱nnohka. Aka̱kihtsimaani iihtawa̱a̱nioʼpa a̱kohkottsaitohpaatakioʼpa siʼka̱a̱ni.” Kii itsipo̱ʼtanistsiiwaiksi,

John 5:15

O̱ki. Oma̱a ni̱nawa itsi̱i̱stapoowa. Iito̱i̱sopoatomoyiiwa Jesusi a̱nniskaoʼkini anniska o̱tohkottotookiska issiko̱piiksistsikoi. Itani̱stsiiwa omi̱i̱ksi isto̱ʼtotamaʼpssiiksi Jews, “Anna̱a̱hka ni̱tohkottotooka a̱a̱nistawa Jesus.”

John 5:16

Ki a̱nnihkayii omi̱i̱ksi oʼtota̱maʼpssiiksi iihtoma̱tapoksistotoyiiyaawa Jesus takaa itawa̱nisttotosim a̱a̱mostska a̱nna a̱nistapaʼpiistska issiko̱piiksistsikosi.

John 5:18

A̱nnyayii a̱a̱niiwa Jesusa. Kii a̱nnihkayii omi̱i̱ksi isto̱ʼtotamaʼpssiiksi Jews iihtsi̱i̱taʼpayiikaʼkimaayaiksi ma̱a̱hksiʼniyissaiksi. A̱waaniiyaawa omiiksi ni̱naaiksi, “Jesus a̱i̱ssinnima omi̱i̱stsi issiko̱piiksistsikookakihtsimaanistsi. Ki ma̱ttsitsspiaiʼtaniiwa oto̱nnimmahsayi A̱ʼpistotookiiyi, ki a̱nniayii mi̱i̱ksistaniwa osto̱yi ota̱i̱ʼtoomanistssayi A̱ʼpistotookiiyi.” A̱nniayii iihtoki̱mmiiyaawa omiiksi isto̱ʼtotamaʼpssiksi Jews anniiska Jesusiska.

John 6:41

O̱ki. Amiiksi isto̱ʼtotamaʼpssiiksi Jews iihta̱i̱sataiʼpoyiiyaawa omi̱i Jesus ota̱a̱nissayi, “Niisto̱ahkaoʼka omiihka napayi̱nihka iihto̱ʼtsainniihkahtooʼpihka isspo̱o̱htsi.”

John 6:52

O̱ki. A̱nnika omi̱i̱ksi isto̱ʼtotamaʼpssiiksi Jews itoma̱tapakohkootsiiyaawa. “A̱a̱mohka ni̱naawahka tsa̱a̱htaa a̱a̱hkayaakanistohkottsiisookiwahtaoʼtsi oosto̱mi.”

John 7:1

O̱ki ki a̱nnika oma̱a Jesus ita̱ʼpawaawahkaawa omiim Galilee. Ma̱taahsiʼtakiwa ma̱a̱hkitaʼpaissii omiim Judea takaa omi̱i̱ksi isto̱ʼtotamaʼpssiiksi Jews iiksi̱i̱kaʼkimaayaiksi ma̱a̱hksiʼni̱yissaiksi.

John 7:11

O̱ki. Omi̱i̱ksi isto̱ʼtotamaʼpssiiksi Jews ita̱ʼpaissammiiyaawa Jesus omiim otsi̱taohkanaʼpssatoohpiaawa o̱mahksiksistsikoi. A̱a̱niiyi, “Tsima̱a̱hta a̱a̱hkitaʼpaitapiiwahtaoʼtsiksi.”

John 7:15

Ki Omi̱i̱ksi isto̱ʼtotamaʼpssiiksi Jews iksi̱pisatsimmiiyaawa Jesus. A̱a̱niiyaawa, “Haa! Ma̱tssksinima̱atsaawa oma̱a ni̱naawa. Tsa̱a̱hta a̱a̱hkanistaohkottssksinimaatstohkiwahta a̱nni.”

John 8:22

Ki omi̱i̱ksi isto̱ʼtotamaʼpssiiksi Jews ki a̱nniksayii a̱waaniiyaawa, “Ma̱ʼkawaaniiwa ‘Omiim nita̱yakitapoohpim kiisto̱a̱awa kima̱takohkottsitoʼtoohpoaawa.’ Ika̱nistohtako a̱nni a̱waaniiwa ma̱a̱hksiʼnitohsi. Ma̱ʼkanistaiʼpoyiiwa.”

John 8:48

Ki amo̱ksi isto̱ʼtotamaʼpssiksi Jews a̱a̱nistsiiyaawa Jesusi, “Ni̱niita̱ʼpo̱manistoohpinnaana anniihka kita̱a̱ʼnistohsi kitsi̱totoisapokaʼpitapiiyi anni̱i̱ksiska Samaritans, ki a̱a̱hkitsstsiihpa maka̱ʼpatoʼsi kitsi̱i̱stomatai.”

John 8:52

Oso̱tamanikka omi̱i̱ksi isto̱ʼtotamaʼpssiksi Jews, “A̱nnohka a̱a̱mohka kita̱a̱niihpihka nino̱o̱hkohtoʼtssksiniihpinnaan otsi̱tsstsissi maka̱ʼpatoʼsi kitsi̱i̱stomatai. Annaahka Abrahamahk, aka̱i̱ʼniiwa. Ki o̱o̱miksika issko̱o̱htsiksika a̱waatoyiʼpoyiiksika a̱kaohkanaiʼniiyaawa. Kiisto̱wa kita̱waani ki̱tohkananistaiʼtookiksi kita̱a̱niihpistsi ma̱taksiʼni̱i̱waiksi.

John 8:57

O̱ki. Jesus otsi̱tanikka omi̱i̱ksi isto̱ʼtotamaʼpssiiksi Jews, “Kiisto̱wa kima̱tomayisitsippoisstoyiimihpa, kii kita̱waanii kitsino̱ahsi annaahka a̱kaisamiʼniwahka Abraham.”