Tiago 3:12 - Deus Itaumbyry

¹² Cristo eynynâ ypemugudo, figu lelâ figueira ewily, azeitonague pylâ ewitu nitaymba. Uva lelâ uva edy wogonro, uva, figu warâ inkâba. Paru tânyzenry egasehodâ, paru tânyzeim negasewâbyra. Awylygue kytarygue koendonro wâgâ lelâ aguykenre, inakai modo wâgâ lâpylâ waypa.

Tiago 3:12 ပူးပေါင်းရင်းမြစ်များ

Mateus 12:33

Jesus aguely: — Se takyguenry koendâ lelâ ewisely; kiein-hoem tuduze. Se takygueim inakanhe kulâ ewisely; kiein-hoem nudupa. Ewily wâgâlâ se âdaunlo awyly xutuly, koendonro, inakai warâ awyly — kely Jesus. {Koendâ aguidyly, aguykely wâgâlâ koendonro kydawyly âdutuoly. Inakanhe aguidyly, aguykely warâ wâgâlâ inakai kydawyly âdutuoly. Warâ Jesus konomedâze aguely.}

Mateus 21:19

Awylygue figueira ânwa edazekânro toenzepa saryum tientuo, ago iopaji saindyly. Tâwise-ro waunlo ara, enanaji, tarysely agâlâ ewiseim mawânrâ figueira. Tâwiseba olâ ani mârâ, toenzepa saryun-em lelâ. Aituo Jesus figueiraram aguely: — Iwiseondaymba olâ ise âmâ — kely. Aguepygueduolâ kehoem figueira iladyly.

Tiago 3:11

Paru tânyzeim, paru tânyzenry warâ âzetay lelâ inkâba iazely!