Tiago 2:23 - Deus Itaumbyry

²³ Deus itaumbyry awo wâgâ iwenibyem: “Deus aguely Abraãoram: ‘Pymâ Deus tâinwânse lelâlâ âmâ. Awylygue âdy iwentâdo lâpeba âmâ’ kely.” Aituo myakâwândy Abraão “Deus eataen-ho” kehonly.

Tiago 2:23 ပူးပေါင်းရင်းမြစ်များ

Marcos 12:10

Deus itaumbyry awo wâgâ iweniby mâintaimbymo enanâguewâdaungâ: “Tâlâ myani tuhu imeâgâkeba, âtâ itâdo. Idânârâ itâdaynrim modo mârâ tuhu tâensemo, mârâgue âtâ tintâdyzebamo olâ. Deus xurâem olâ mârâ tuhu tywyneim kuru!

Lucas 4:21

Aituo myani Jesus aguely: — Iwelo keba xirâ mâindakylymo; iwerâ olâ ise xirâ aidyly adaguly — kely.

Atos 1:16

— Nhaum, ydataungâ, Cristo eynynâ ypemugudo. Davi iweniwânmy iweâpa mâkâ Judas aitobyry wâgâ. Deus Ispiritury, Daviram inwenien-hoymby ara kehoem keankâ aidyly. Mâkâ Judas keankâ Jesus egamenri.

Romanos 11:2

Adaguly iraynâlâ myakâwândy Deus xina induakely. Iwerâ xina agâpa nipyra mâkâ-ro warâ. Tutuzelâ âmaemo, Deus itaumbyry awo wâgâ iweniby Elias aguehobyry typemugudo wâgâ. Enanaji myakâwândy idânârâ israelita domodo Deus neinwâmpyra itybyem. Typemugudo tâwentâze myakâwândy, Deus agâ adâkeday wakely:

Romanos 9:17

Deus itaumbyry awo wâgâ iwenibyem mâkâ lelâlâ Faraóram aguehobyry: “Urâlâ akâwâm âduakenri, tarâ Egitodâ pymâem mitoem, aitaynrim modo wâgâ won-honru kâenehohoem. Arâ awidyly, tâinkâ lelâba urâ lelâ Deus awyly nhutuhomoem” kewândymy Deus.

Gálatas 3:22

Deus itaumbyry awo wâgâ inweniby watâkeze. Deus izepa ato aguiendyse lelâ kurâ idânârâ. Etadâdyby emyenro kurâ, korentygue ekâjibyem waunlo ara. Deus izepa ato aguiendyseba lelâlâ wâne kurâ, âwâlâ inakanhe aguidyly kinmoly kipyra olâ kurâ. Jesus Cristo kieinwântuo “Xirâ amaymba kâmakely” aguewâm olâ Deus.

Gálatas 3:6

Saguhoem Abraão emakehobyry aralâ iwerâ mâzemakeolymo. Arâ mawânrâ Deus itaumbyry awo wâgâ iwenibyem awyly: “Deus tâinwânse myakâwândy Abraão. Nheinwândylygue âdygue tâwentâzeba myakâwândy Deus nhutuly.”

2 Timóteo 3:16

Deuslâ myakâwândy tytaumbyry iweninri modo nhangahu odaji inwenilymo ieni. Idânârâ Deus Itaumbyry awo wogonro Deus Ispiriturylâ iweniehorim. Mârâ mawânrâ Deus wâgâ kydâsenomedâdo; Deus wâgâ iozepa kulâ kieinwântuo, kuruni; Deus izepa ato aguientuo kydadagâikeho; Deus ize ato ara lelâ kitoem konomedâni warâ.

Tiago 2:24

Arâma kieinwândyly kienehonly, “Aiekâ” kehobyry aguiendylygue. Arâpa watay, kieinwândyly âdyem nitaymba, Deus xurâem tâwentâguezenry keba kurâ-ro warâ.

1 Pedro 2:6

Warâ myakâwândy Jesus Cristo wâgâ Isaías inwenily: “ ‘Âtâ itâni tuhu imâsedo iaxi tyese, ipery nihugueba itoem myara, mâkâ kâinwyneguyly kâingonodyly. Siãodâ ise mâkâ, eydâ watodâ. Idânârâ iwymâryem itoem augue. Auguehobyry modo aiese lelâ urâ. Mâkâ kâingonokyly einwânni nâpybazedaymba ise tinwânwântyby wâgâ’ kely Deus.” Warâ iwenibyem awyly Deus itaumbyry awo wâgâ.