Tiago 1:10 - Deus Itaumbyry

¹⁰ Alâ pylâ âmaemo âdypeom modo, Deus tâlâ matomo nhainly-ro watay, tuomare lelâ itaungâ, Jesus tâinwânse mawylymogue. Igueze âmaemo, nady sawanku adakâdybyem âdiempa kulâ ehogu, inepa iguely myara.

Tiago 1:10 ပူးပေါင်းရင်းမြစ်များ

Mateus 5:3

Aituo Jesus aguely kurâ domodoram: — Tuomareim kuru mâkâ, Deuslâ idânârâ tâlâ tato xuduim awyly xuturim. Imâemba lelâlâ wâne, Deus kaynonro olâ iwymâry, eni warâ.

Mateus 6:30

Iweâpa nipyra olâ awârâ poji anano sawanku. Iwerâ koendâ, tywâkure warâ, kopaelâgâem ipa, iladybyem lelâ, peto emanâdoem âieholy lelâ warâ. Awârâ sawanku tâense Deus; nhesemo lâpylâ. Itymo owogonromo xuduze. Mâinwâmpyra olâ âmaemo!

1 Coríntios 7:31

Tâwâlâ lelâlâ wâne toenzepa iwanumo; amânhetomoem Deus aguehobyry olâ amânhepyra tâiseba itaungâ. Idânârâ âdydo imeom adainze mawânrâ. Xirâ onro inepa ise adainly, iwogonro modo alelâ.

Filipenses 3:8

Iwerâ Cristo lelâ kâinwânkyly, Deus xurâem, koendâ witoem. Cristo kâinwândyly iraynâ Deus iomazeânze uguewâtay, idânârâ agânhetaymby modo kâendyly iwerâ saxium tamuinzeim ara kulâ. Iwerâ urâem Kywymâry Cristo Jesus xurâem tâjidyly, iwâgâ koendâ xutuly warâ koendonro kuru, saguhoem agânhetaymby modo takaze kehoem.

1 Timóteo 6:17

Warâ aguekâ Cristo einwânni modo âdypeom modoram: “Sawoem tâiseba itaungâ. ‘Âdykâ âdawitaymba ise urâ, âdypeom wawylygue’ tâkezeba itaungâ. Enanâguewâdaungâ, âdinherurumo, âsejiguymo warâ inepa adainrim kulâ awyly; xirâ anano kulâ mawânrâ, aunloenlâ ini keba. Deus einwântaungâ kuru, agâmolâ itoem. Kyam tâwânreim mâkeba Deus; mâkâlâ tâlâ kydato xudunri, kuomazehoem.

Tiago 4:14

Âdy kopaelâgâ agâmo aini mâuntuba olâ âmaemo, âiguelymo atay, âiguepamo atay warâ. Ikamu emyenro kulâ âmaemo, âewyly, sakadyly waunlo.

1 Pedro 1:24

Saguhoem Deus, Isaías inwenihoem aguehobyry ara kehoem kagâ aidyly: “Egâ wâneam nady poji anano modo. Tywâkure lelâlâ wâne sawanku, aunloenlâ nipyra olâ. Inepa kehoem nady iladyly; sawanku onro onwa ihuguely warâ. Arâ lâpylâ idânârâ kurâ domodo xirâ onro anaym iguein-em awylymo. Idânârâ eon-honrumo adainze, imâsedoem awylymo warâ.

1 João 2:17

Idânârâ Deus kieinwâmpyra kyenehorim modo âdypygueânze; idânârâ inakanhe tadawyly âdypygueânze warâ. Kurâ Deus ize ato ara aini modo olâ ise kydadaimpa. Aunloenlâ ise tâlâ kydawyly.