Romanos 9:5 - Deus Itaumbyry

⁵ Iweâpa lelâlâ Abraão, Isaque, Jacó (Israelgue tâzekeim lâpylâ) warâ umepa myakâwâm Jesus iazely judeuenlâ akaemo ewypyry awylygue. Uguondo tynrenseim modo iwerypyrylâ mâkâ. Deus mâkâ, idânârâ xuturim, eni, aunlolâ tohoguezeim warâ.

Romanos 9:5 ပူးပေါင်းရင်းမြစ်များ

Mateus 28:20

Amitomoem inomedâdomobyry ara lâpylâ enomedâdaungâmo. Enanâguewâdaungâ, agâmolâ wawyly, koendâ nhetomoem xypyry etaji kehoem — kely Jesus. Alâ kulâ. Mateus

Mateus 6:13

Satanás izepa mato aienehonze keduo, xina agâlâ ikâ, izepa mato xina aniempyra itoem. [Xina iwymâry âmâ. Ton-honre kehoem âmâ, amânhedyse mato aiese. Tynrenseim âmâ. Aunlolâ ise âmâ, typygueim keba. Arâlâ ise”] — warâ aguewâtaungâ Deusram.

Lucas 20:44

Davilâ myakâwândy Messias tywymâryem awyly agueim. Awylygue kiuntuly âdaunlo kulâ uguondo keba awyly. Messias tynrenseim kuru awyly xutuwâdaungâ, Davi takaze — kely Jesus.

João 10:30

Tokalelâ xina Pabai agâ — kely Jesus.

Atos 20:28

Âurudylymolâ xirâ-ro warâ, âmaemo Jesus einwânni iwymâry modo. Deus ize ato ara lelâ aitaungâ. Jesus eynynonro modo tâenselâ itaungâ. Akaemo eniem Deus Ispiritury induakeyby âmaemo. Pastor tâguy kaneru koendâ nhedyly wâne myara Jesus einwânni modo etaungâ. Deus xurâ modo akaemo, inakanhe aitomobyry epywaze myani Jesus iguely.

Atos 3:13

Kydamudo Abraão, Isaque, Jacó warâ iDeusry enra Jesus eon-honrugue kua itoem aieni, koendonro, ton-honreim waunlo Jesus awyly tienehon-hoem. Tâmaryem myani Deus, Jesus ingonodyly. — Alâ olâ keankâ pymâ modoram mâengamelymo, kruz wâgâ iguehoem. Pymâ Pilatos wâne keankâ tienagazenehondyzeba. “Kruz onwa sakâjien-hongâ iguehoem!” myguewâtaundâmo olâ.

Romanos 1:25

Deus idânârâ tâlânro modo xugunipyry tâise nhehogueguylymo. Aypa olâ, tâwâlâ tyngatyby modo kulâ nhehoguedylymo. Iozeno Deus agueho neinwâmpyramo, iozepaom tyeinwântoem. Deus mawânkâ aunloenlâ tohoguezeim kuru.

Romanos 1:3

Jesus Cristo Deus imery kywymâryem idyly wâgâ. Onro anaynlâ iazely karalâ. Davi iwerypyry mâkâ; saguhoem judeu domodo iwymâry tynrenseim myakâwândy Davi.

Romanos 10:12

Tâwâlâ idânârâ nheinwândylymo, judeu, judeu keba alelâ. Idânârâ iwymâry tokalelâ. Koendonro mâkâ tagâ agueim agâ, koendonro lelâlâ.

Romanos 11:28

Tuduery ara Deus judeu domodo ewy nhedyly, unâ iwâkuru Jesus wâgâ agueim inmetomobyry wâgâ. Awylygue mawânrâ âmaemo, judeu keba modo, Deus xurâem mawylymo. Deus olâ judeu domodo izepa nipyra. Kaudyly umelâ myakâwândy Deus, akaemo induakely turâem itoem. Xina ipemugudo iwymâry saguhobyry modoram aguewânmy: “Âmaemo, âmeombyrymo, âweompyrymo warâ yataen-hodo lelâ” kewândymy Deus eyanmo.

1 Coríntios 14:16

Tâdâtâdyguyhodâ, âkelo tâjitanru Deus Ispiriturydâba âenigue Deus agâ amyguelymo watay, amyguehomoam “Âkealâ awârâ” kewâpyramo idataynrim modo, nutuba tawylymogue.

2 Coríntios 11:31

Uguewâdyly kulâ keba awyly, tutuze Deus. Deus lelâlâ mâkâ, Kywymâry Jesus Cristo nhunwym, iDeusry warâ. Aunlolâ koendonroem awyly wâgâ aguykely kinmopa kine.

1 Timóteo 3:16

Imâem kieinwânkyly Deus nhutuen-hoymby Jesus wâgâ âkealonro awyly. Xirâ mawânkâ nhutuen-honly: Jesus kurâem idyly; onro anaxi tâetoem. Deus imerylâ Jesus awyly nhenehonly Deus Ispiritury, igueypyem awyly ume kurâem nhetondobyry wâgâ. Anju domodoram eon-honru, ehogu warâ âzeholy. Mârâ anakâ lelâba eynynonro modo iwâgâ aguelymo. Mârâ anakâ lelâba iwâgâ aguely idanipyry modoram toenzepa âzeinwân-honly. Deus ezaxilâ akâwâm adaholy, pymâem kuru itoem.

1 Timóteo 6:15

Odopâdo odaji ituo, Deus, Jesus odopâdoem aienehonze. Koendonro lelâlâ Deus, ton-honreim, tohoguezeim warâ. Mâkâ kulelâ Kâeni kuru, mâkâ takaze ânguy kâeni lâpeba. Pymâ domodo iwymâry, kuturim modo xutuim warâ mâkâ.

2 Timóteo 2:8

Jesus Cristo Davi ipemugüem awyly wâgâ, ânguy awyly wâgâ warâ âpaunzegâ. Iguewâm lelâlâ, kurâem itonmâ olâ. Igueypyem inkâba mâkâ iwerâ. Mâkâ wâgâlâ unâ koendonro kâengatuly.

Hebreus 7:24

Jesus olâ tâtaybyanoneim keba. Igueypyem, kurâem itonmâ, nigueompyra ise-ro warâ. Awylygue aunloenlâ Deus enado kynynâ aguenrienlâ awyly.

1 João 5:20

Deus imery onro anaxi âemâ; awârâ tutuze kurâ. Mâkâ lelâ Deus wâgâ koendâ kiuntuhoem konomedâni. Aituo Deus agâpa tyetuneba kurâ, imery Jesus Cristo agâpa tyetuneba lâpylâ warâ. Kunwym Deus tokalelâ, ipa eagonro. Mâkâ mawânkâ iweloem kyetoni, kyigueduo typygueba eagâ kitoem.

Apocalipse 1:18

Mâkâ iguedânry urâ! Yiguewâm wâne. Kurâem witonmâ olâ, aunloenlâ witoem. Iguewâtyby modo kurâem kânhetondoem aguehoymbyem urâ. Ânguy igueypyem nâtâzezedaymba ise, kurâem itondoem agânhetuo. Etadâdyby wâne myara akaemo, urâ pylâ xave etaguehomo sodo-ro myara.

Apocalipse 22:16

Aituo keankâ Jesus agueondyly: — Jesus urâ. Anju xigonotai, idânârâ âmaemo ywâgâ âsenomedâze âtâdyguywâni modoram xirâ unâ egatuze. Davi iwerypyry urâ. “Ximukâ Emedyly Umeno” urâ — kely.

Apocalipse 22:20

Jesuslâ keankâ idânârâ xirâ pape wâgâ iweniby, kâindatoem, kâentoem warâ agueim. Mâkâlâ mawânkâ agueim: — Inepa ise kodopâdyly — keim. Aituo keankâ eyam auguely: — Âkeá lelâlâ xirâ auguely. Inepa odopâgâ, pymâ Jesus! — uguely.

Apocalipse 5:14

Alâ pylâ keankâ akaemo quatro ânguydo imeom aguely: — Âwâgâmo aguehomobyry ara lelâlâ âmaemo! — kelymo keankâ. Akaemo vinte e quatro agaityom tynrenseim modo âzeguhoam idylymo keankâ. — Koendonro lelâlâ âmaemo! — kelymo keankâ Deusram, Kordeiruram warâ.