Romanos 3:12 - Deus Itaumbyry

¹² Idânârâ Deus tânanânehonzemo, mâkâ ânwa iozeno imyimbyry xuzatyby ara, arâ lâpylâ idânârâ Deus ize ato tiuntudyzeba awylymo. Ânguy koendonro aieni lâpeba, ipa lelâlâ.

Romanos 3:12 ပူးပေါင်းရင်းမြစ်များ

Mateus 25:30

Iamu odaxi awâkâ tâwaneim inakai samewâdaungâ, toenzepa âsenagazedoem. Ohogüenze, tyery saguze warâ awâkâ târâ tâsenagazedylygue” kely myani iwymârymo tonlo modoram. Warâ myani akaemo azagâ tokalâ warâ tâwaneim aidylymo — kely Jesus.

Romanos 3:11

Ânguy âdy koendonro, inakai warâ awyly xutuim lâpeba kurâ. Ânguy Deus koendâ tiuntudyzedonro lâpeba warâ.

Romanos 3:13

Tâzeguepybyry etadâdyby enahungueduo, inwânry inakanhe kulâ, kywilupanâdâ kehoem, ânguy nhemaenlyemba, myara kehoem aguehomo inakanhe awyly. Tâdâsenogudyly nimopamo. Âgâu kâtobyry inakanhe kyetâ kyiguehoem kehoem, myara aguehomo inakanhe kyedyly.

Efésios 2:3

Jesus kieinwândyly iraynâlâ inakai aguiendyse kydato adyese akâwâm kurâ. Deus ize ato mâkeba kâinane aguienkyly, kyangahu oday kunâgo warâ. Jesus kieinwâmpyra kurâ watay, kânagazenehondâ tâise Deus, tynynâbaom modo nhenagazedyly ise myara. Izepa ato adyese kâinane kurâ, anhetomo ara.

Filemom 1:11

Âdy keba wâne keankâ itydâ âsewanily ume. Iwerâ olâ iemawyadâniem itybyem. Ityam odopâduo, imawyadâze lâpylâ warâ.

1 Pedro 2:25

Kaneru ânwa oze xuzatyby ara ani âmaemo. Kaneru eni emyenro pylâ Jesus Cristo-ro. Xurâempa ani âmaemo saguhoem, iwerâ olâ xurâem midâmo; nhetâmo mâkâ aunlolâ.