Romanos 10:4 - Deus Itaumbyry

⁴ Jesus Cristo iguely myakâwâm, tâzezewenry wâgâpa kydâsemaguely awyly itoem. Mâkâ kieinwândyly-ro watay, Deus xurâem tâwentâzeim mâkeba kurâ. Agui olâ judeu domodo warâ agueim: “Deus xurâem tâwentâguezeba kydawyly, kâzewenry saguhobyry ara aguituo lelâ” keim, iozepa kulâ olâ arâ aguelymo.

Romanos 10:4 ပူးပေါင်းရင်းမြစ်များ

Mateus 3:15

Warâ olâ Jesus aguely: — Ize wato aralâ nidâ. Batiza yekâ. Ara ise Deus ize ato aguiendyly — kely. Aituo João âkeá kely. Jesus batiza âieholy myani, Deus eynynonroem tawyly tienehon-hoem.

João 1:17

Saguhoem kuru Moisésram myakâwândy Deus kâzewenry nhegatuen-honly, kydamudo judeu domodo ezewenry. Jesus Cristo wâgâ olâ iwerâ Deus koendonroem tawyly, ton-honre tawyly warâ nhenehonly. Jesus Cristo wâgâ mawânrâ âdaunlo Deus awyly kiuntuly.

1 Coríntios 1:30

Cristo agâ on-hoam lelâ mawylymo, Deus induakeyby mawylymogue. Cristo wâgâma Deus xurâem koendonroem kydawyly, xurâem kydawyly, idânârâ inakanhe aguitobyry xygakely warâ.

Gálatas 3:24

Egâ wâneam iamimeom eniranlâ âzeholy. Iamudoem atay, enimobe, xurunimobe warâ. Xutuduo olâ, eni kehoemba. Arâ lâpylâ akâwâm tâzezewenryam xina judeu domodo âduruholy, Cristo âewyly ara. Mâkâ xina nheinwântuo olâ, Deus xurâem, tâwentâzeba xina.

Colossenses 2:10

Cristo agâlâ mawylymogue, Deus aralâ lâpylâ âmaemo, Deus Ispiritury agâmo awylygue. Idânârâ tozohonru kaynonro, onwogonro alelâ takaze kehoem mawânkâ Cristo eon-honru.

Colossenses 2:17

Pyni tâinzenry modo, âty adyeseim modo warâ judeu domodo ezewenry agueho; Messias âeni wâgâ nhutuhomo kulâ myakâwâm âewyly ara. Iweâma awârâ modo kulâ kâmakerin-em kieinwâmpyra kurâ, Cristo mawânkâ âemâlâ; kâmakeze iguewâm warâ.

Hebreus 10:14

Tokalelâ myakâwâm mâkâ iguely, inakanhe aguitobyry xygakehoem, tywykeba kitoem warâ. Tyigueduo, Deus eynynonro modo aunloenlâ tâwentâguezein-emba ienehonwâm.