Romanos 1:7 - Deus Itaumbyry

⁷ Awylygue xirâ kata âyanmo kâinwenily. Toenzepa âwynedylymogue, Deus âduakelymo xurâem mitomoem. Âynynâmo Kunwym Deusram, Kywymâry Jesus Cristoram warâ kâenkadyly koendâ nhetomoem, akaladânimo peba nhetoem warâ.

Romanos 1:7 ပူးပေါင်းရင်းမြစ်များ

Mateus 5:16

Lamparina kaynâ ekanâdyby ara ise koendâ amidylymo âzeholy idânârâam, Deus mâinwândylymo warâ. Koendâ amidylymo tientuo: “Koendonroem unwânmo Deus kaynonro awyly” aguehonze — kely Jesus.

João 20:17

Jesus aguely: — Yawâdâ. Pabairam kodopâdaymba lelâ urâ. Ynynonro modoram idâ, akaemo konodo ara kehoem kâinwyneguyly modoram. Warâ eyanmo aguekâ: “ ‘Pabairam ise kodopâdyly, mâkâ Pabai myguehomo, âDeusrymo warâam’ keanry Jesus” kera eyanmo — kely.

Atos 15:23

Warâ kely myani pape inwenilymo: “Âmaemo judeu keba modoram xirâ pape xina inwenily. Âdapa lâwâne âmaemo idânârâ? Xinaem, xina ipemugu âmaemo, xina ara Jesus einwânni mawylymogue. Antioquiadâ, Síria eynynâ, Cilícia eynynâ warâ mâintain-homoem keankâ xirâ xina inwenily.

Atos 9:13

Jesus aguely tindatuo myani Ananias aguely: — Pymâ, toenzepa kurâdo aguely tydase urâ mâkâ uguondo Saulo wâgâ. Toenzepa âinwânni modo Jerusalémdâ tânagazeze, tâkezemo.

Romanos 1:6

Âmaemo Roma donro modo myakâwândy Deus ingâseguyly, Jesus Cristo xurâem mitomoem.

Romanos 5:1

Tâwentâgueduneba Deus kâendyly iwerâ, Kywymâry Jesus Cristo tâinwânse kydawylygue. Saguhoem inakanhe kulâ kydawylygue Deusram kaintaymba akâwâm kurâ. Inakanhe kydawyly xygakeze Cristo kruz wâgâ aitobyry wâgâ olâ, Deus agâ iwaguepa ietybyem kydawyly; âdapa lelâ mâkâ agâ kydawyly.

Romanos 5:5

Awârâ wâgâ kytynwâdaymba ise kurâ, adâkehobyry adyese lelâlâ mawânkâ Deus. Tyispiriturylâ Deus ingonokyly kagonroem, Deus toenzepa kywynedâ tutuen-honze mâkâ Ispiritury.

Romanos 8:28

Idânârâ tinwyneguyly modo xurâem koendonro modo, inakai modo alelâ koendâ itoenlâ Deus anhenehonly, ize ato anhentomoem ingâsedyby awylygue.

Romanos 8:39

Kau wogonro modo, onwogonro modo warâ Deus kywynebyra itoem anienehonwâbyramo. Deus nhugutyby ewy, Deus kywynedyly nekuâdâdaymba. Kywymâry Cristo Jesus wâgâlâ mâkâ kywynedyly nhenehonly, mâkâ agâlâ kydawylygue.

Romanos 9:25

Saguhoem Deus aguewâm tytaumbyry iweninribyry Oséias iwapery wâgâ: “ ‘Ynynâbaombyry modo ynynonroem isemo. Kâinwynedânrybyry modo toenzepa ise kâinwynedylymo’ kely Deus.”

1 Coríntios 1:24

Deus turâem ingâsedaymby modo olâ tutuze unâ iwâkuru lelâlâ awyly, judeu, judeu keba alelâ. Cristo kruz wâgâ iguehobyry wâgâ myakâwâm, Deus ton-honru, tonomery warâ nhenehonly.

1 Coríntios 16:23

Kywymâry Jesus koendâ nhetomoem kâenkadyly.

Gálatas 6:18

Kywymâry Jesus Cristoram âynynâmo kâenkadyly, koendâ mâzehohomoem. Alâ kulâ ise âyanmo kâinwenily. Paulo

Efésios 1:2

Kunwym Deusram, Kywymâry Jesus Cristoram warâ kâenkadyly koendâ mâzehohomoem, akaladânimo peba itoem warâ.

Efésios 6:23

Âynynâmo Kunwym Deusram, Kywymâry Jesus Cristoram warâ kâenkadyly akaladânimo peba itoem, âjigue mâpynedomoem, Jesus imâem mâinwânsezedoem warâ.

Filipenses 1:2

Âynynâmo Kunwym Deusram, Kywymâry Jesus Cristoram warâ kâenkadyly koendâ mâzehohomoem, akaladânimo peba mitomoem warâ.

Filipenses 4:13

Idânârâ emaenze lelâ urâ, yagâlâ mawânkâ Cristo. Won-honru xuduze kâenmaen-hoem.

Filipenses 4:20

Kunwym Deus koendonro awyly wâgâ, eon-honru wâgâ warâ aunlolâ aguykenre. Aguykeba kipyra kine. Âkeá lelâlâ xirâ.

Filipenses 4:23

Kywymâry Jesus Cristoram koendâ agâmo itoem kâenkadyly. Alâ kulâ xirâ kâinwenily. Alâ. Paulo

Colossenses 1:2

Âmaemo Colossos donro modoram xirâ kata kâinwenily, Deus eynynonro modoram. Cristo tâinwânse âmaemo; awylygue mâkâ eynynâ xina ipemugüem mawylymo. Âynynâmo Kunwym Deusram warâ kâenkadyly koendâ mâzehohomoem, akaladânimo peba mitomoem warâ.

Colossenses 3:12

Deus xurâ âmaemo. Âwynedylymogue myakâwândy âduakelymo turâem. Awylygue kaikâ kewâtaungâ. Ânguydoempa, koendonroem tâdutuzeba, tyewiâpazeba warâ itaungâ.

Colossenses 3:15

Cristo wâgâ mawânrâ agonromo agâ âdapa lelâ mawylymo. Agâmolâ mâkâ; mâkâlâ inakanhe amidyse matomo xygakerim. Koendâ lelâ mitomoem, mâpynedomoem, mâseinwândomoem warâ Deus âgâsedylymo. Awylygue koendonroem awyly wâgâ anhekyly wâgâ warâ amyguepa tâiseba itaungâ Deusram.

1 Tessalonicenses 1:1

Urâ Paulo xirâ âyanmo iweninri. Âmaemo Tessalonicadâ alâ Jesus wâgâ agueze, ehogueze, iomaenze warâ âtâdyguynri modoram xirâ kâinwenily. Kunwym Deus eynynonro modoma kurâ, Kywymâry Jesus Cristo eynynonro warâ. Xirâ kâinweniday tarâ yagâlâ asaemo Silas, Timóteo warâ. Âynynâmo Deusram xina nhekadyly, koendâ mâzehohomoem, akaladânimo peba itoem warâ.

1 Tessalonicenses 1:3

Aunlolâ inanry xina âmaemoem eyam nhekadyly: “Pabai, Tessalonicadâ âynynonro modo Jesus tâinwânsemo. Awylygue Jesus eynynâ toenzepa ewanumo. Toenzepa âpynedylymo tagonro modo agâ. Awylygue ton-honre kehoem âsemawyadâdylymo warâ. Jesus odopâniem awyly nhutulymo, aguehobyry awylygue. Awylygue saguhoem adâitobyry ara anitombyra awylymo, tâwâlâ lelâlâ wâne Kywymâry Jesus Cristo nheinwândylygue âzenagazeolymo. Alâ olâ toenzepa kehoem nheinwândylymo” tâkeze inanry xina Deusram.

1 Tessalonicenses 1:4

Cristo eynynâ ypemugudo, Deus âwynedâmo awyly, turâenlâ induakeyby mawylymo warâ, tutuze xina.

1 Tessalonicenses 4:7

Deus kuduakely izepa ato aguientoem inkâba, turâem lelâ kyize tawylygue. Kydohogüin-hobyry keba kulâ kiynanâdyzeba mâkâ. Turâ modo aito ara lelâ aguidyse awyly.

1 Tessalonicenses 5:28

Kywymâry Jesus Cristoram koendâ mâzehohomoem kâenkadyly. Alâ kulâ ise âyanmo kâinwenily. Paulo

2 Tessalonicenses 1:2

Âynynâmo Kunwym Deusram, Kywymâry Jesus Cristoram warâ xina nhekadyly, koendâ mâzehohomoem, akaladânimo peba mitomoem warâ.

2 Tessalonicenses 3:16

Warâ inanry âwâgâmo auguely Kywymâry Jesusram: “Âmâlâ inanry xina takalagueba itoem aienehonrim. Tessalonicadâ âynynonro modo koendâ itomoem aiekâ, tynynâ inakanhe atay, koendâ atay alelâ” uguely inanry.

2 Tessalonicenses 3:18

Kywymâry Jesus Cristoram koendâ mâzehohomoem kâenkadyly. Alâ kulâ ise âyanmo kâinwenily. Paulo

1 Timóteo 1:2

Xirâ âyam kâinwenily, Timóteo, Jesus mâinwântobyry wâgâ ymery ara kâenkyly mawylygue. Âynynâ Kunwym Deusram, Kywymâry Cristo Jesusram warâ kâenkadyly, koendâ mâzehohoem, âtyendâlâ itoem, akaladâni peba itoem warâ.

1 Timóteo 6:2

Tâwanuneim modo Jesus einwânnigue tywymâguneim modoram warâ aguekâ: “Cristo eynynâ âpemugumo mâinwyneguyly xurâem iwanumo; awylygue lâkuru koendâ kuru xurâem âsewaniwâdaungâ, einwântaungâ, âwankuem kâietaundâ warâ” kekâ. Timóteo, xirâ kâinweniby modogue Jesus einwânni modo enomedâgâmo, xurukâmo warâ, nhutuhomoem.

2 Timóteo 1:2

Xirâ âyam kâinwenily, Timóteo, Jesus mâinwântobyry wâgâ ymery kâinwyneguyly ara kâenkyly mawylygue. Âynynâ Kunwym Deusram, Kywymâry Cristo Jesusram warâ kâenkadyly, koendâ mâzehohoem, âtyendâlâ itoem, akaladâni peba itoem warâ.

2 Timóteo 4:22

Kywymâry Jesus agâ auguely: “Timóteo agâlâ ikâ, eon-hondâzelâ” uguely. Xirâ kata wâgâ kâinweniby itainrim modo, idani modo warâ Deusram koendâ mâzehohomoem kâenkadyly. Paulo

Tito 1:4

Idaenkuho xirâ kata, Tito. Ymery ara kâenkyly âmâ, Jesus wâgâ augueduo mâinwântobyry wâgâ. Âynynâ Kunwym Deusram, Kâmakerim Cristo Jesusram warâ kâenkadyly, koendâ mâzehohoem, akaladâni peba itoem warâ.

Filemom 1:25

Kywymâry Jesus Cristoram koendâ mâzehohomoem kâenkadyly lâpylâ. Alâ kulâ âyam augueho. Paulo

Filemom 1:3

Kunwym Deusram, Kywymâry Jesusram warâ kâenkadyly, koendâ mâzehohomoem, akaladânimo peba itoem warâ.

Tiago 1:1

Urâ Tiago xirâ iweninri. Deus, Kywymâry Jesus Cristo warâ emary urâ. Idânârâ Deus eynynonro modo kâendaenkuly tâinkonro modo lelâba.

1 Pedro 1:15

Deus mawânkâ âgâsenimo, xurâem mitomoem; awylygue mâkâ ara lâpylâ aitaungâ. Âdaunloenlâ inakai akâiedaundâ, inakai aniempyra ato ara.

1 João 3:1

Angahumo odaylâ Kunwym Deus toenzepa kywynedyly awyly nidâ. Toenzepa kywynedylygue “Ymeombyry” kely kyam. Mâkâ imeom lelâlâ kurâ. Deus eynynâbaom modo olâ nutubamo Deus imeryem kydawyly, eynynonro keba tawylymogue.

2 João 1:3

Kunwym Deusram, imery Jesus Cristoram warâ kâenkadyly, kytyendomoem, koendâ kâentomoem, kydadahuliba kyetomoem warâ. “Xina agâlâ itaungâ, amyguehomobyry xina nheinwântay, tagonrodo agâ xina âpyneday warâ” uguely inanry eyanmo.

Apocalipse 2:1

Aituo keankâ Jesus yam aguely: — Xirâ iwenigâ Efesodâ ynynonro modoram unâry egaturin-am. “Sete ximukâ tâmary aho eynynâ sawâni, sete candelabru modo duay adakobâni warâ urâ. Ytaumbyry xirâ âmaemo Éfeso donro modoram:

Apocalipse 2:12

Aituo keankâ Jesus agueondyly: — Xirâ iwenigâ Pergamodâ ynynonro modoram unâry egaturin-am. “Espada tuosebileim taynâ, tâynâ warâ iewipy sodo urâ. Ytaumbyry xirâ âmaemo Pérgamo donro modoram:

Apocalipse 2:18

Aituo keankâ Jesus agueondyly: — Xirâ iwenigâ Tiatiradâ ynynonro modoram unâry egaturin-am. “Deus imery urâ. Peto iatygu ara ienu ehozelu. Uhuru ehozelu bronze ehozeliby ara. Ytaumbyry xirâ âmaemo Tiatira donro modoram:

Apocalipse 2:29

“Awylygue auguely mâuntudyze mataymo, idataungâ Deus Ispiritury aguely idânârâ yeinwânni modoram” — kely keankâ Jesus Tiatiradâ tynynonro modoram.

Apocalipse 2:8

Aituo keankâ Jesus agueondyly: — Xirâ iwenigâ Esmirnadâ ynynonro modoram unâry egaturin-am. “Idânârâ adaguho urâ. Idânârâ adaimpygueduo, ipa witaymba ise urâ. Yiguewâm wâne, kurâem witonmâ olâ. Ytaumbyry xirâ âmaemo Esmirna donro modoram:

Apocalipse 22:21

Ize wato kuru olâ Kywymâry Jesus koendâ lelâ idânârâ tynynonro modo agâ awyly. Alâ kulâ. João

Apocalipse 3:14

Aituo keankâ Jesus agueondyly: — Xirâ iwenigâ Laodiceiadâ ynynonro modoram unâry egaturin-am. “ ‘Aiese urâ’ uguehobyry aieni urâ. Âkeá lelâlâ Deus eynynâ aguenri urâ; uguewâdyly kulâ waunlo mâkeba urâ. Idânârâ tâlânro modo âtugudobyrylâ urâ warâ. Ytaumbyry xirâ âmaemo Laodicéia donro modoram:

Apocalipse 3:22

“Awylygue auguely mâuntudyze mataymo, idataungâ Deus Ispiritury aguely idânârâ yeinwânni modoram” — kely keankâ Jesus Laodiceiadâ tynynonro modoram.

Apocalipse 3:7

Aituo keankâ Jesus agueondyly: — Xirâ iwenigâ Filadelfiadâ ynynonro modoram unâry egaturin-am. “Deus izepa ato âdykâ aieni keba urâ. ‘Aiese urâ’ uguehobyry aieni urâ. Tako Davi Deus eynynonro modo iwymâryem awyly myakâwândy, myara pymâem witoem aguehoymbyem urâ. Agueze urâ, ânguy Deus eydâ atoam idâim awyly, ânguy idâdânry awyly warâ, xave kâenahungueho, kâenahun-ho warâgue iematu-ro waunlo ara. Kâenahungueyby, ânguy nenahunwâbyra. Kâenahuymby, ânguy nenahungueba warâ. Urâ kulelâ ise enahuim, enahungueim warâ. Ytaumbyry xirâ âmaemo Filadélfia donro modoram: