Mateus 7:28 - Deus Itaumbyry

²⁸ Jesus aguepygueduo, toenzepa myani kurâ domodo âsewânily, arâ tâzenomedâoduomo.

Mateus 7:28 ပူးပေါင်းရင်းမြစ်များ

Mateus 11:1

Jesus xina doze lelâ tinduakeyby modo xurudyly ewanikeimbyryem, târâpa idâly, xidadâ modo anakâ Deus wâgâ unâ iwâkuru egatuze.

Mateus 19:1

Agueypyem Jesus xina agâ idâly Galileiadâpa. Judéia yan-yam xina odopâdyly ânwa oze, paru Jordão kuynâ, xixi egaseho eynynâ.

Mateus 22:33

Jesus aguely tindatuo toenzeim keba gâlâ kurâdo âsewânily, arâ kurâdo nhenomedâduo.

Mateus 26:1

Waunroem aini modogue xina tienomedâbygueduo, Jesus xinaram agueondyly:

Mateus 7:27

Toenzepa kopâ ihugueduo, paru inwenly. Ton-honre kehoem adapezeinly âtâ onwa. Aituo âtâ ihuguely. Idânârâ kehoem adakalaguely, tâhuganeba itâdyby awylygue — kely Jesus.

Mateus 7:29

Aguelymo: — Adâkeho tutuze lelâlâ awâkâ uguondo! Ton-honruguelâ awâkâ aguely, akaemo Moisés inweniby wâgâ enomedâni modo ara inkâba — kelymo.

Marcos 1:22

Aituo idataynrim modo aguely: — Koendâ lelâlâ wânkâ merâ konomedâdyly uguely! — kelymo. Ton-honre kehoem mawânkâ aguely, adâkely tutuze tawylygue, tâzewenry ara kulâ kurâ domodo enomedâni modo arapa.

Marcos 11:18

Kurâdo eynynâ Deus agâ aguewâni modo iwymârydo, Moisés inweniby wâgâ enomedâni modo warâ Jesus aguely idamâmy. Jesus agâ iewiâpadylymo myani. Jesus anhekyly lelâ kurâdo nhehogueguyly, aguely lelâ inwantagueguylymo warâ awylygue. Awylygue âdara Jesus tyâly awyly wâgâ tyangahu oday xunâzelymo.

Marcos 6:2

Tâzekobyzegueho oday âtâ tâdâtâdyguyho odaji idâly. Târâ Deus wâgâ aguely, kurâdo enomedâze. Toenzepa aguely idani modo âseguâdâdylymo. Aituo aguelymo: — Koendâ Deus wâgâ tutuze lelâlâ awâkâ uguondo; kiuntuba olâ kurâ âdykâ awârâ nhutuhobyry awyly. Toenzepa awâkâ enomegu, kiuntuba olâ kurâ ânguy enomedânibyry awyly. Adyesenry modo adyese lelâlâ; kiuntuba olâ kurâ âdara awârâ modo anhedyly awyly.

Lucas 19:48

Âdara adiendyly awyly nutubamo olâ. Tyanemo myani Jesus sawânehonze; kurâ domodo tyizepa idyly tyntadylymogue. Kurâ domodo mawânkâ myani Jesus aguely tohoguezemo.

Lucas 2:47

Toenzepa myakâwâm târâ idataynrim modo âsewânily. — Aekuru wânkâ merâ iamudo enomegu! Tutuze lelâlâ merâ koendâ kehoem kunâry in-hoguly! — kelymo.

Lucas 4:22

Idânârâ tonlo modo aguely myani: — Idataungâ! Koendonro kehoem awâkâ uguondo! Âdydo imeom koendâ kehoem aguely, âdykâ kindatânry kehoem. José imery kulâ wâne, tonomegueim olâ — kelymo âjigue.

Lucas 4:32

Arâ nhenomedâdyly tindatuo myani toenzepa kehoem kurâdo âsewânilymo. Aguelymo: — Pymâ ara kehoem aguely. Adâkely tutuze, âkeá lelâlâ aguely warâ merâ — kelymo.

Lucas 7:1

Akaemo kurâdo agâ agueypyem Jesus idâly xidadâ Cafarnaumram.

João 7:15

Pymâdo Jesus aguely tindatuo âsewânilymo; warâ aguelymo: — Kydâsenomedâdobyry ara nâsenomedâdaymba awâkâ, toenzepa olâ enomegu! Âdaraka awâkâ enomegu? — kelymo.

João 7:46

Aituo in-hogulymo: — Ânguy mâkâ agueho ara kehoem aguewâpyra — kelymo.