Mateus 6:6 - Deus Itaumbyry

⁶ Koendonro lelâlâ Deus agâ agueze kydâtâdyguyly. Koendonro lâpylâ olâ kurâ kulelâ eagâ aguykely. Awylygue âji ânguy âynanâbyramo atodâ eagâ aguewâtaungâ. Kunwym Deus awâtârâlâ ise agâmolâ. Mâempyra lelâlâ wâne âmaemo, alâ olâ eagâ aguewâtaungâ. Âmaemo kulelâ eagâ amyguelymo tydase mâkâ. Arâ amituomo koendonro âyanmo xuduze.

Mateus 6:6 ပူးပေါင်းရင်းမြစ်များ

Mateus 14:23

Tonlo modoram tâsedaengubygueduo Jesus iwy onwa âkuly, mâkâ kulelâ Deus agâ adâkehoem. Iguampygueduo, mâkâ kulelâ ani Jesus târâ awyly.

Mateus 6:4

Awylygue kaikâ modo emawyadâdaungâ, ânguy nutubalâ. Kunwym Deus olâ idânârâ aguienkyly tâense. Koendonro amânhekylymo tâense, ipywazemo-ro warâ — kely Jesus.

João 1:48

Jesus aguely tindatuo, Natanael, Jesus nhapâiguely: — Âdaraka utuly? Waunroem kydoxiodylylâma xirâ! — kely. Aituo Jesus in-hoguly: — Kâenkylyemba lelâlâ wâne enra iwague mawyly, Filipe. Âgâsedyly iraylâ olâ enra se figueira iay ekadybyem mawyly kâendyly — kely.

João 20:17

Jesus aguely: — Yawâdâ. Pabairam kodopâdaymba lelâ urâ. Ynynonro modoram idâ, akaemo konodo ara kehoem kâinwyneguyly modoram. Warâ eyanmo aguekâ: “ ‘Pabairam ise kodopâdyly, mâkâ Pabai myguehomo, âDeusrymo warâam’ keanry Jesus” kera eyanmo — kely.

Atos 10:30

Aituo myani Cornélio in-hoguly: — Três iguandyly sakadyby kâtunâguedyly keankâ tarâ ietydâ, três horas kogoneyam, awito ara. Eagâ unâgu ume keankâ anju ydâ âepanâguely. Uguondo keankâ, tapekeingue âzetydâdybyem.

Atos 10:9

Aguepygueduolâ myani târâpa âxiguelymo. Ânwa oze tuguantobyrydâlâ myani xykylymo. Kopaelâgâem myani idâondylymo. Kuotatay myani saindylymo. Saintaymo, Pedro âkuly myani âtâ kaynonro idaseraji, Deus agâ agueze.

Atos 9:40

Aituo myani Pedro aguely: — Idânârâ âmaemo tarâpa âxiguewâdaungâ wao — kely. Idânârâ egasebygueduomo myani Pedro âzeguhoam idyly, Deus agâ adâkehoem. Aguenripyryem myani âguedyram MYK idyly, eyam aguely: — Tabita, aukâ! — kely. Agueduo myani MOK âzenutaiguely idyly.

Romanos 8:5

Ize tato aralâ adâidysedo modoma mârâanlâ âdutuolymo. Deus Ispiritury aguehobyry ara aini modo olâ mâkâranlâ âdutuolymo.

Efésios 3:14

Deus anhetyby modo wâgâ kâpaunzeduo, Kunwym enado âzeguhoam tâise urâ, eagâ auguehoem.