Mateus 5:17 - Deus Itaumbyry

¹⁷ Jesus aguely: — “Jesus aguehobyry lelâ iwerâ kyzeinwâne, âdaitoem saguhoem Moisés agâ, tunâry egatuwâni modo agâ warâ, Deus aguehobyry kieinwântaymba kurâ” tâkezeba itaungâ. Deus Moisésram kâzewenry inwenien-hoymby koendâ kuru mâuntuhomoem xirâ kâewyly, mâinmohomoem inkâba.

Mateus 5:17 ပူးပေါင်းရင်းမြစ်များ

Mateus 3:15

Warâ olâ Jesus aguely: — Ize wato aralâ nidâ. Batiza yekâ. Ara ise Deus ize ato aguiendyly — kely. Aituo João âkeá kely. Jesus batiza âieholy myani, Deus eynynonroem tawyly tienehon-hoem.

Mateus 7:12

— Âkelomo agâ koendâ itaungâ, agâmo koendâ awyse matomo ara. Xirâ aguely mawânrâ Moisés inweniby, akaemo Deus wâgâ aguewâni modo konomedâdobyry warâ — kely Jesus.

Lucas 16:17

— Onro, kau warâ adainze. Deus aguiendyse ato Moisés iweniby olâ nâtugugueba. Âdaunloenlâ tokalâ ezewenry iweniby ewy tâtywâduneba ise warâ.

João 8:5

Imeâgâemba kehoem merâ inakanhe aitobyry. Moisés kâzewenryem inweniby wâgâ: “Tuhugue tamytâze xyâwâtaungâ pekodo isoamba kulâ âdynanâoim” kelype. Âmâ-ro, âdara tâkeze âmâ? Tâwâlâ tuhugue xina nhâly? — kelymo.

Atos 18:13

Warâ myani judeu domodo eyam aguely: — Kâzewenke inkâba merâ uguondo kurâdo Deus yan-yam iese kely — kelymo.

Atos 21:28

Aituo myani adaenkelymo judeu tonlo modoram: — Nhaum, etaungâ! Awâkâ uguondo, tâinkâ lelâba inakanhe enomedâni kulâ awâkâ! Judeu domodo eynynâba kulâ aguely. Moisés inweniby eynynâba kulâ aguely. Xirâ Deus ety eynynâba kulâ aguely waunlo. Iwerâ judeu keba modo nhenewyly xarâ kydaseraji. Âji tywykeim ara nhedyly kulâ awâkâ xirâ Deus ety! — kelymo myani.

Atos 6:13

Akaemo kewâdyly kulâ waunlo modo idâwânmomy lâpylâ myarâ. Aituo myani aguelymo: — Xinalâ keankâ awâkâ uguondo Deus nhunâguedyly idani. Deus ety, Moisés inweniby warâ xunâguedyly nimowâbyra awâkâ.

Romanos 10:4

Jesus Cristo iguely myakâwâm, tâzezewenry wâgâpa kydâsemaguely awyly itoem. Mâkâ kieinwândyly-ro watay, Deus xurâem tâwentâzeim mâkeba kurâ. Agui olâ judeu domodo warâ agueim: “Deus xurâem tâwentâguezeba kydawyly, kâzewenry saguhobyry ara aguituo lelâ” keim, iozepa kulâ olâ arâ aguelymo.

Romanos 3:31

Warâ olâ, “Jesus kieinwântuo lelâ kydâsemaguely awylygue, âdyem nitaymba judeu domodo ezewenry Moisésram Deus inwenien-hoymby” kykeba kine. Deus aguehobyry kieinwântuo, Moisés iweniby kiankadyly mâkeba, Deuslâ mawânkâ myakâwândy inwenihoem agueim.

Romanos 8:4

Mâkâ iguely myakâwâm, Deus aguehobyry kiankabyra kitoem. Deus Ispiritury kurutobyry ara lelâ aguidyly iwerâ, ize kydato ara kulâ inkâba. Awylygue Deus aguehobyry adyese lelâ kydawyly. “Aikâ” kehobyry aralâ aguidyly.