Mateus 22:24 - Deus Itaumbyry

²⁴ Aguelymo: — Idakâ, Pymâ. Moisés ezewenry tutuzelâ âmâ, iweâpa kydamudoem inweniby: “Uguondo tywydy namypalâ iguely-ro watay, iukonobyrylâ nohogüim iwydypyry agâ, imezeândoem. Aituo iamudo iazeypy, igueypy imeryenlâ âdutuoly” kelype.

Mateus 22:24 ပူးပေါင်းရင်းမြစ်များ

Mateus 22:16

Âtunâguedybyem tynynonro modo ewy, Herodes eynynonro modo ewy warâ Jesus agâ agueze ingonodylymo. Saintybyem, ingonotaymby modo Jesusram aguelymo: — Pymâ, konokuni keba mawyly, tutuze xina. Deus ize ato wâgâ âkealâ xina mâenomedâdyly. Iozeno lelâ amygueho, ânguy izepa awyly umelâ. Pymâdo tynrenseim modo ize ato amânhetoem kulâ amygueho mâungukewâbyra âmâ.

Mateus 22:25

Xina olâ ise warâ nhegatuly. Tâlâ myakâwâm sete uguondo modo âjiwaigoruem, âjiukonoem waunlo. Iwaigoru ohogüinly myakâwâm. Tywydy namypalâ iguely. Iukonobyrylâ myakâwâm ohogüinrim pypâ agâ.

Mateus 22:36

— Toenzepa Moisés kâzewenryem inweniby modo. Âdaunloka koendonro kuru? Âdaunloka awârâ modo takazeno kuru? — kely.

Mateus 7:21

Jesus aguely: — Deus aguehobyry ara aini modo lelâ ise Deus eydâ atoram idânri. Toenzepa kurâ domodo yam, “Pymâ, pymâ” kewâni modo, kewâdylymo kulâ olâ. Pabai kaynonro eydâ atoram nâtâwâbyramo ise, Deus aguehobyry ara anipyra awylymogue.

Marcos 12:19

— Idakâ, Pymâ. Moisés ezewenry tutuzelâ âmâ, iweâpa kydamudoram inweniby: “Uguondo tywydy namypalâ iguely-ro watay, iukonobyrylâ nohogüim iwydypyry agâ, imezeândoem. Aituo iamudo iazeypy, igueypy imeryenlâ âdutuoly” kelype.

Lucas 20:28

Aguelymo: — Idakâ, Pymâ. Moisés ezewenry tutuzelâ âmâ iweâpa kydamudoram inweniby: “Uguondo tywydy namypalâ iguely-ro watay, iukonobyrylâ nohogüim iwydypyry agâ, imezeândoem. Aituo, iamudo iazeypy, igueypy imeryenlâ âdutuoly” kelype.

Lucas 20:33

— Xirâ xina apâiguedyze ato. Âkealâ kuru igueypy kurâem itondyly-ro watay, âdaunlo uguondo akaemo sete ewy iwydyenka ise mâkâ, kurâem itonduomo? Idânârâ akaemo sete lelâ iwydyem ityby mawânkâ! — kelymo.

Lucas 6:46

Jesus eyanmo aguely: — “Pymâ, Pymâ” myguelymo kulâ yam, auguehobyry mâinwâmpyra olâ âmaemo. Koendâpa awârâ.