Marcos 9:17 - Deus Itaumbyry

¹⁷ Uguondo kurâ domodo duay in-hoguly myani: — Pymâ, ymery senetai âyam; kadopâgue tase merâ, âjitain-hoemba-ro warâ.

Marcos 9:17 ပူးပေါင်းရင်းမြစ်များ

Mateus 12:22

Ilâpygueduo ani Jesusram uguondo nhadylymo, tytaremba, kâempyra warâ âiehoyby kadopâram. Jesus mâkâ kua nhedyly. Kadopâ egaseduo uguondo koendâ âjitainly idyly, epyemba idyly warâ.

Mateus 17:15

— Pymâ, ymery wao ityengâ! Kua iekâ! Tokomaze inanry merâ; toenzepa inanry âsenagazedyly. Tokomaduo, peto onwanji tyihugueze inanry, paikaji atay warâ.

Mateus 9:32

Azagâ epy kua ityby idâpygueduomo, kurâ domodo ewy uguondo tytarenry nhadylymo. Nâjitaimba mâkâ uguondo, kadopâram nâjitaimba âiehoybyem awylygue.

Marcos 10:13

Ilâpygueduo tâjiunwyndo tymeom nhadylymo Jesusram. — Asaemo nhangahu onwa imary iekâ. Deusram koendâ âzehohomoem ekagâ asaemo xurâem — kelymo Jesusram. Jesus eynynonro modo olâ myani akaemo iamimeom sanipyry modo tâuse: — Jesus kâdynanâdaundâ — kelymo myani.

Marcos 5:23

Jesusram aguely: — Inoro wao ietyram. Iexiry iguely mârâ. Ytyengâ wao — kely. — Nhonwa imary MÂʼ ietâ wao, kua itoem, niguepa itoem — kely.

Marcos 7:26

Âkelo anano myani mâkâ; Judá donro keba. Feniciadâ egaseyby, âtâ anary Síria eynynâ. Enado âzeguhoam itybyem aguely: — Pymâ, iexiry odayba kadopâ nhânkygâ — kely.

Marcos 9:16

Aituo Jesusram adapâigueolymo: — Âdy wâgâka enra amyguelymo? — kely.

Marcos 9:18

Kadopâ ymery odaji idyly watay, onro onwa tameze lelâ inanry, itabigonzely, tyery nhaguly warâ inanry ton-honremba nhedyly. Âynynonro modoram sekadai wâne, kua nhetomoem. Kua niepyramo olâ enra — kely salokuzenomo nhunwym.

Marcos 9:25

Aituo Jesus toenzepa kurâdo tuopay âtâdyguyly nhedyly. Tientuomo, ton-honre kehoem kadopâram aguely: — Igasegâ iweâ lelâlâ merâ salokuzenomo odaypa, kadopâ! Nidapyra itoem, aguepa itoem warâ akâiedâ. Tâwântonzeba ikâ iodaxi! — kely Jesus.

Lucas 11:14

Tâlâ myani uguondo kadopâram tytaremba âiehoyby. Aituo myani idâly Jesusram, kadopâ nhâkyhoem. — Merâ uguondo odaypa igasegâ; todopâzebane ikâ iodaxi — kely Jesus. Kadopâ egaseduo, uguondo koendâ âjitainly idyly. Toenzepa tonlo modo mâkâ uguondo tytarenrybyry âjitainduo, âsewânilymo.

Lucas 9:38

Aituo myani uguondo kurâdo duay adaenkely: — Ymery tokaleom kua iekâ wao, Pymâ! Kadopâ ymery odano nhâkygâ.

João 4:47

“Judeiadâpa Jesus naindâ; Galileiadâ iwerâ” kely tindatuo myani pymâ emary Canánra idâly Jesus agâ agueze: — Toenzepa ymery ewânu târâ Cafarnaumdâ. Yagâ wao inoro, kua mânhetoem — kely.