Marcos 9:12 - Deus Itaumbyry

¹² Aituo in-hoguly: — Âkealâ aguelymo; Eliaslâ mawânkâ Messias saindyly wâgâ agueim. Iwenibyem Deus itaumbyry awo wâgâ: “Uguondo Kaynâpa Âetyby âzenagazeoze. Agueho tindadyse inkâbamo ise” kely iwenibyem. Awârâpe angahumo oday?

Marcos 9:12 ပူးပေါင်းရင်းမြစ်များ

Mateus 16:21

Ilâenlâ Jesus nhegatuly xinaram âda tyedyly awyly. — Jerusalémram idâze urâ. Kywymâry modo toenzepa târâ ienagazenehonzemo. Kurâdo eynynâ Deus agâ aguewâni modo iwymârydo, Moisés inweniby wâgâ enomedâni modo warâ ienagazenehonzemo. Akaemo ise yiguehoem aienehonrim. Yigueduo, azagâ emedyly idyly wâgâ olâ ise kurâem witondyly — kely.

Mateus 26:24

Deus itaumbyry egatuwâni modo iweniwânmy ywâgâ: “Uguondo Kaynâpa Âetyby âdyoze” kely myakâwâm inwenilymo. Aguehomobyry ara ise awidyly. Toenzepa âsenagazeze olâ yizepanro modo emaxi iegamerimbyry. Niazepa wânkâ nidyse! — kely.

Marcos 10:33

— Idataungâ wao auguely. Jerusalémram xirâ kytâly. Yizepaom modoram adawâhoze urâ Uguondo Kaynâpa Âetyby. Kurâdo eynynâ Deus agâ aguewâni modo iwymârydo, Moisés inweniby wâgâ enomedâni modo warâ iegamezemo. “Nigue awâkâ” kezemo. Judeu keba modo emaxi iegamezemo.

Marcos 9:13

“Elias ara ini nâedâ” uguely. Deus eynynâbaom modo olâ nenagazedâ, Deus itaumbyry awo wâgâ agueho ara — kely.

Marcos 9:31

tynynonro modo lelâ tienomedâdyze ato awylygue. Aituo aguely: — Urâ Uguondo Kaynâpa Âetyby yizepaom modo emaxi âzegameoze urâ. Akaemo ise yâen-honri. Yigueduo, azagâ emedyly idyly wâgâ olâ ise kurâem witondyly — kely.

Lucas 1:76

Ilâpygueduo, Zacarias tymeryram aguely: — Ymery, Deus Ton-honreim xunâry aguenri ise âmâ. Pymâ tâgareim iray todohondyly wâne saintodâ, myara ise Kywymâry saindyly iray kurâ domodo mâunrudyly.

Lucas 23:11

Herodes, izodadury modolâ warâ Jesus âwankuem nhedylymo myani. Izepa tawylygue lelâlâ anhedylymo. Âwankuem tiendylymo umelâ myani iwâkuru kehoem âtâ pymâ ety emyenro nhonwa nhedylymo. Ilâpyryem myani Herodes nhopânehonly Pilatos enadoranlâ.

Lucas 23:39

Tokalâ inakanhe aityby ewy kruz wâgâ sakâjiby Jesusram aguely myani: — “Cristo urâ, Deus Ingonotyby” mygueanse. Kâinwâmpyra olâ urâ. Cristo matay pylâ, tâwâlâ âsemaguegâ. Kruz wâgâpa adakâjiguegâ, âytâguygâ warâ. Xina emakegâ lâpylâ-ro warâ — kely.

Atos 1:6

Tunâry egaturin-em tinduakeyby modo agâ âtâdyguybyem myani Jesus. Aituo myani akaemoram adapâigueoly: — Pymâ, anri ise iweâma kypemugudo israelita domodo eon-honru mâunduly, âjiguelâ kywymâgoem, Roma donro modo keba kywymâry itoem? — kelymo.

Atos 4:11

Jesus izepa keankâ âmaemo. Tâlâ âwâgâmo Deus aguehobyry iweniby. Warâ aguely: “Tâlâ myani tuhu imeâgâkeba, âtâ itâdo. Idânârâ itâdaynrim modo mârâ tuhu tâensemo, mârâgue âtâ tintâdyzebamo olâ. Deus xurâem olâ mârâ tuhu tywyneim kuru!” warâ iwenibyem awyly. Âtâ itâni modo tuhu âtâ saunâto kuru izepa atomobyry ara ise mâkâ imakerinmo izepa mawylymo.