Marcos 9:10 - Deus Itaumbyry

¹⁰ Aguely einwânmâmomy. Âjigue olâ warâ aguelymo: — Âdaituoka awâkâ arâ aguely? Deus Ingonotyby awâkâ. Âdaraka ise iguely, kurâem itondyly warâ? — kelymo.

Marcos 9:10 ပူးပေါင်းရင်းမြစ်များ

Mateus 16:22

Pedro olâ neinwâmpyra arâ Deus Ingonotyby âdyoly awyly. Awylygue nhejikely, eagâ adâkehoem: — Pymâ, arâ adâkezeba ikâ. Âtyenze Deus. Inagazenehonwâbyra ise warâ — kely.

Marcos 9:11

Aituo Jesus nhapâiguelymo: — Moisés inweniby wâgâ enomedâni modo adâkeze: “Elias âese, Messias Deus Ingonotyby iraynâ” tâkezemo. Âdaituoka arâ aguelymo? — kelymo.

Marcos 9:32

Âdaituo Jesus tyiguely wâgâ aguely awyly nutuba olâ myani eynynonro modo. Eyam “Âdaituoka arâ amyguely?” keze tywypazemo myani. Nutuba lelâ tawylymogue, tâudylymo ytaze.

Marcos 9:9

Aituo xytâguylymo iwy wâgâpa. Tytâguylymo ume, Jesus aguely Pedro, Tiago, João warâam: — Mâentybymone iweâ kuru ânguyram kâzegatuwâdaundâ. Yiguely, kurâem witondyly wituo maise tâwâlâ mâengatulymo — kely.

João 12:16

Jesus agâ tatay tâense, tydase warâ ani xina awârâ modo aidyly; âdakeze aguely awyly xina nutuba olâ. Igueypyem, Jesus kurâem itombygueduo, Deus eydâ atoam odopâduo warâ lelâlâ ani xina nhenanâguely, aise Deus kehobyry ara aituo.

Atos 17:18

Agui myani kurâdo tonomeguneim modo mârâ âtâ anaym, imâem âsenomedâdaymby modo warâ. Akaemo tonomeguneim modo ewylâ myani “epicureus” keho modo, “estóicos” keho modo warâ. Aunlolâ myani akaemo ewy Paulo agâ Jesus wâgâ xunâgumo. — Jesus tâigueze lelâlâ myani, iwerâ olâ kurâem itondybyem — tâkeze myani Paulo eyanmo. Arâ Paulo aguely tindatuo myani akaemo ewy aguely: — Ânguydo kulâ awâkâ Jesus wâgâ aguenri. Iozepa kulâ, nutuba kulâ warâ awâkâ aguely — kelymo. Tâlâ pylâ olâ, — Kewâdyly kulâ mâkeba. Âkelo âtâ anano modo iDeusry wâgâ awâkâ aguely, kiuntudânry modo wâgâ — keim modo.