Marcos 7:15 - Deus Itaumbyry

¹⁵ Mâimpymo mâkeba Deus agueho mankadomoem aieni; mâimpymo odaymopa tâgaseze mawânrâ. Deus izepa ato amânhedyse mawylymo mawânrâ Deus xurâem tywykeim; angahumo odaylâ mawânrâ awârâ âtugudyly.

Marcos 7:15 ပူးပေါင်းရင်းမြစ်များ

Mateus 12:34

Jesus aguely: — Âgâu ara kâmayno kulâ myaze âmaemo! Awylygue koendonro modo wâgâ amyguepa mawylymo. Kyangahu odanolâ mawânrâ aguykeho.

Mateus 15:16

Aituo Jesus aguely: — Iweâpa lelâlâ wâne yagâ mawylymo; inomedâdomo wato mâuntuba lelâ olâ âmaemo!

Marcos 7:14

Aituo Jesus kurâ domodo ingâsedondyly, eyanmo adâkehoem: — Idataungâ, xutuwâdaungâ xirâ augueho.

Marcos 7:16

[Xirâ unâ koendâ mâuntudyze mataymo, koendâ angahumo odaji ietaungâ] — kely.

Atos 10:28

Aituo myani eyanmo aguely: — Urâ, asaemo yagonrodo warâ, judeu xina, tutuzelâ âmaemo. Âmaemoma judeu keba. Xina judeu domodo ezewenry eynynâ, agâmo adataen-hoem xina nipyra, etymo odaji xina nâwâmpyra warâ. Xirâ tutuze âmaemo. Deus olâ, xina anhekyly iozepa awyly wâgâ anygue. Idamudo wâgâ kulâ ânguy izepa wipyra witoem nutuen-ho warâ.

Romanos 14:17

Aguehobyry kiankabyra kydawyly, âkelo agâ kyewiâpabyra kydawyly, Deus Ispiritury kagâ awylygue kuomaru warâ, Deus kywymâryem awyly enehonri, kieinly, kienyly warâ mâkeba.

1 Coríntios 10:25

Tâwâlâ podo sanâtodâ sanâtyby sâdyly, xygatybyam egameybyem, egameybyemba warâ awyly tapâiguezebalâ.

Tito 1:15

Deus lelâ kieinwântuo, âdy tâinzenry lâpeba, âdy adyesenrylâ peba warâ. Jesus kieinwâmpyra kurâ watay olâ, âdy koendonro peba, kânanaji. Jesus eynynâbaom modo inakanhe adâidyly-ro watay, koendâ adâidyly enanajimo. Koendâ adâidyly-ro watay, inakanhe adâidyly enanajimo. Idânârâ tâpaunzedomo inakanhe awylygue, adientyby wâgâ nâjityembyramo warâ.

Hebreus 13:9

Deus itaumbyry awo wâgâ iwenihobyry araba kulâ, Jesus agueho araba kulâ warâ inomedâdomo kâzeinwântaundâ. Âdalâ kulâ unâ egatuwâni modo tyampygueni ânwa iozepaom oze sani emyenro kulâ mawânkâ. “Kieinly wâgâ, kienyly wâgâ warâ Deus ara kydawyly” tâkezemo. Kieinly, kieindânry warâ wâgâpa mawânrâ kieinwândyly imâem idyly. Kieinwândyly imâem idyly, kagâ Deus koendâ awylygue lelâ.

Hebreus 9:10

Saguhobyry modo nheinwânkyly mykâinane tâentuneim modo lelâ, tâinzeim, tâinzenry, tânyzeim, tânyzenry, todokoguely wâgâ, Deusram âdydo imeom egamely wâgâ warâ mykâinane aguelymo. Mârâ tâzezewenry kyangahu oday kunâgo wâgâ, ize kydato wâgâ, kuodano Deus wâgâ aguykeho wâgâ warâ aguepa mykâinane. Saguho tâzezewenry einwândyly myakâwâm, iwelo einwândyly adaguly ara kulâ.