Marcos 4:10 - Deus Itaumbyry

¹⁰ Ilâpygueduo kurâ domodo idâwâdyly, Jesus aguely idanipyryem. Jesus eynynonro modo, târâ âxiânwâdyby modo warâ Jesus nhapâiguelymo: — Âdaituoka mâenomedâday unâ mâengatuly, ago lelâ amyguepa mawyly? — kelymo Jesusram.

Marcos 4:10 ပူးပေါင်းရင်းမြစ်များ

Mateus 13:3

Unâ ani nhegatuly, kurâ domodo tienomedâdoem. Aguely: — Xirâ idataungâ. Tâlâ myani uguondo trigu tamuinze etâni typi ezay.

Mateus 13:36

Agueypyem Jesus kurâ domodo nhodokely. Xina agâ âtânra idâly. Saintybyem iopaji xina idâly, sapâigueze: — Kurâ domodo agâ kydatay, joiu trigu duano wâgâ amygueaki. Âdyka enra awârâ unâgue mâenomedâdyzemo mato? — xina kely.

Marcos 4:11

Aituo Jesus in-hoguly: — Saguhoem mykâinane Deus nutuen-homba âdara idânârâ iwymâryem tâidyly. Urâlâ olâ xutuen-hoim âyanmo, âmaemoma mâindadysedonromo. Koendâ ise âyanmo kâuntuen-honly. Deus koendâ tiuntudyzebaom modo olâ unâ tâgatuzeingue lelâ kâenomedâdyly.

Marcos 4:34

Kurâdo nhenomedâdyly watay, âdylâ wâgâ mykâinane unâ nhegatuly. Tynynonro modo koendâ tonomedâze olâ mykâinane âdara keze mârâ unâ aguely awyly wâgâ.

Marcos 4:9

Warâ Jesus nhegatuly eyanmo. — Xirâ unâ aguely koendâ mâuntudyze mataymo, koendâne angahumo odaji ietaungâ — kely Jesus.

Marcos 7:17

Eyanmo aguenripyryem Jesus kurâdodâpa âxiguely. Egawândyly âtâ odaji tynynonro modo agâ. Tâgawâmpygueduomo nhapâiguelymo: — Âdara kezeka enra mârâ amyguely? — kelymo.