Marcos 3:5 - Deus Itaumbyry

⁵ Jesus tyewiâpaze, tytywanze warâ myani. Saguho tâzewenrylâ ize atomo kuru awylygue, mâkâ uguondo nityembyramo myani. Aituo Jesus uguondoram aguely: — Âzemapiluguegâ — kely. Jesus agueduo, uguondo âzemapiluguely, emary kua ienipyryem awylygue.

Marcos 3:5 ပူးပေါင်းရင်းမြစ်များ

Mateus 12:13

Aituo Jesus uguondo âzemapiluguedânryram aguely: — Âzemapiluguegâ — kely. Jesus agueduo, uguondo âzemapiluguely, emary kua ienipyryem awylygue. Koendâ idyly; emaduno ara idyly.

Marcos 3:4

Mâkâ tuopaji idâduo Jesus âtâdyguyby modo nhapâiguely: — Âdaraka Moisés inweniby aguely, koendâ aguidyly, inakanhe aguidyly tâzekobyzegueho oday? Ânguylâ tâzekobyzegueho oday kâmaynoem watay, kienmakely? Tâwâlâ kingueânehonly? — kely Jesus. Ânguy olâ aguely nihoguba.

Lucas 13:15

Aituo myani Kywymâry Jesus aguely: — Koendonroem wâne mâdutulymo, koendonro keba olâ âmaemo. Tâdâzekobyzegueho oday tâsewanize lâpylâ âmaemo! Iguymo tapirâ, jumentu warâ paru nhenyhoem tywykâjigueze tâzekobyzegueho odaylâ.

Lucas 17:14

Tientuomo myani Jesus aguely: — Kurâdo eynynâ Deus agâ aguewâni modoram âzehowâdaunda, kua ietybyem mawylymo nhutuhomoem — kely Jesus. Aituo myani mâkâ dez uguondo modo ânwa oze idâlymo umelâ, kua idylymo Jesus eon-honrugue.

Lucas 6:10

Aituo Jesus idânârâ kehoem kurâdo tydonro modo nhenuagaendyly. Aguely uguondo âzemapiluguedânryram: — Âzemapiluguegâ — kely. Jesus agueduo, uguondo âzemapiluguely myani, emary kua ienipyryem awylygue.

João 9:7

Aguely: — Idâ, Siloé donro paru etaryam âzemelagoguera — kely. (“Mâkâ igonotyby” keze Siloé kely.) Epy idâly âzemelagogueze. Odopâdyly, tâense lelâ, Jesus kua nhetybyem.

Romanos 11:25

Cristo eynynâ ypemugudo, koendâ idataungâ. Deus induakeyby modo wâgâ saguhoem tâgatuzenry modo mâuntudyzemo wato. Judeu domodo ewy Jesus kâmakeim awyly neinwântaymbamo ise. Arâlâ ise aisezedyly, judeu keba modo Jesus einwânni modo agui idyly ara, Deus turâem ize ato ara. Judeu domodo aunloenlâ eganumo nipyramo olâ ise. Iweâpa lelâlâ Deusmy judeu keba modo ewy iduakewâm turâ xurâem itomoem. Idânârâ akaemo judeu keba modo Deus induakeyby Jesus nheinwântuo, agui judeu domodo Jesus neinwâmpyra tawyly imozemo, einwânsemo-ro warâ. Xirâ mâuntulymo watay, judeu domodo takaze koendâ mawylymo angahumo odaji mânhetaymba ise âmaemo.

2 Coríntios 3:14

Deus ezewenrymoem inwenien-hoymby tiuntudyzebamo myakâwândy. Nutuba itomoem, nhangahumo oday xuahuhobe ietybyen-ro waunlo aramo myakâwândy. Alâpylâ iwerâ Deus itaumbyry itainduo, nhutuhomoem nudupa awyly. Nhangahumo oday xuahuybyenlâ-ro waunlo ara mawânrâ. Koendâ nhutulymo ise Cristo nheinwântuomo lelâ.

Efésios 4:18

Deus âdaunlo awyly, aguehobyry warâ nutuwâbyramo; nhangahumo oday tyame. Eganumo; Deus agueho tindadysebamo warâ. Awylygue nutuba awylymo, Deus tygâsedyly Jesus tyeinwântoem, tâsemaguehomoem.

Efésios 4:26

Âewiâpadylymo-ro watay, Deus izepa ato amânhedylymo tâiseba itaungâ, âewiâpaduomo kulâ. Inepa âewiâkymo nadaim, iguandyly ara kehoem waypa.

Efésios 4:30

Tyispiriturylâ ani Deus ingonokyly, agâmo itoem, xurâ mawylymo âdutuohoem. Deus Ispiritury agâmo awylygue, tutuze âmaemo, Cristo odopâduo, âsemagueze mawylymo; âigueompyramo, iwâmapyramo, mâjityembyramo warâ ise. Awylygue Deus Ispiritury izepa ato akâiedaundâ; kâjitywanânehonwâdaundâ.

Hebreus 3:10

Aituo eagâmo yewiâpadyly, eyanmo auguehobyry adiendyseba awylymogue. Tâeganemo akâwâm. Auguehobyry tutuzelâ akâwâm, izepa wato anhedylymo. Mâkâ tani neinwâmpyra tawylymogue, ânwa oze xuzani emyenro akaemo.

Hebreus 3:17

Ânguy agâka myakâwândy Deus quarenta anu lelâ iewiâky? Izepa ato aienibyry modo agâ myakâwândy iewiâky. Awylygue myakâwândy mârâ âji âdy peba atodâ iguelymo.

Hebreus 5:9

Idânârâ Deus ize ato aienibyryem myakâwâm, kâmakerin-em idyly. Jesus mawânkâ aunloenlâ Deus agâ kitoem aienehoim, idânârâ kurâ einwânni modo, Deus agâpa kyenehonwâbyra.

Apocalipse 6:16

Aguelymo keankâ iwy modoram, tuhu imâsedo modoram warâ: — Xina onwa âihuguegâ, xina moentomoem, mâkâ Pymâ Deus xina nepyra itoem, mâkâ Kordeiru xina agâ tyewiâseba itoem warâ — kelymo.