Marcos 16:14 - Deus Itaumbyry

¹⁴ Kopae onze lelâ uguondo modo Jesus eynynonro âjigue âwinduadylymo ume, Jesus âepanâguely eyanmo. Aituo aguely: — “Jesus kurâem nitondai. Xina netai kurâem itondyby” kehonduolâ mâinwâmpyra lâgâlâ âmaemo. Tâegane kehoem âmaemo, mâindatybymo mâinwântomoem — kely.

Marcos 16:14 ပူးပေါင်းရင်းမြစ်များ

Mateus 11:20

Xidadâ Corazimdâ, Betsaidadâ, Cafarnaumdâ warâ Jesus Deus eon-honrugue toenzepa adyesenry modo aiemâ. Tâenselâ wâne akaemo Jesus aidyly; alâ olâ neinwâmpyra awylymo. Inakanhe adâidylymogue nâjityembyramo lâgâlâ. Adâidyly timodyzebamo. Aituo Jesus ton-honre kehoem iwâgâmo aguely adaguly:

Mateus 17:20

Aituo Jesus in-hoguly: — Deus koendâ mâinwâmpyra mawylymogue enra mâkâ kadopâ mâingonopyra mawylymo. Mostarda ewy imeimbyry aralâ âdiempalâ yeinwântâ âmaemo watay, adyesenry adyese lelâ tâise âmaemo. Xirâ mâuntudyzemo kuru wato. Yeinwântâ lelâlâ âmaemo-ro watay, xirâ iwyram “Âxiguegâ; tarâpa ikâ” myguelymo-ro watay, tâxigueze tâise. Adyesenry amânhetomoem ton-honre lelâ tâise âmaemo.

Mateus 28:17

Târâ Jesus tientuo, toenzepa kehoem xina iomazely. Enado xina âzeguhoam idyly. Koendâ awyly wâgâ xina aguely warâ. Tâlâ olâ ani xina ewy Jesuslâ awyly einwântânry.

Marcos 7:18

Aituo Jesus aguely: — Iweâpa wâne yagâ mawylymo; kurâdo ara lâpylâ olâ mâuntuba mawylymo! Auguely wâne mâindadysemo wato. Âpynirymo mâkeba Deus izepa ato aienehoim. Eimpy mawânrâ kuwe odaxi idâly, ilâpyryem pylâ kokomiry odaxi-ro warâ. Awârâ modo odakâ sakadybyenma egasely lelâ-ro warâ — kely.

Lucas 24:11

Pekodo modo aguely indadylymo. Neinwâmpyramo olâ myani, kewâdylymo kulâ waunlo ara awylygue.

Lucas 24:25

Aituo myani Jesus aguely eyanmo: — Tahule âdy einwânni kebalâ mataunaze! Saguho Deus itaumbyry egatuwânibyry modo aguehobyry mâinwândylymo-ro watay, akaemo pekodo modo aguehobyry tâinwânse tâise âmaemo.

João 20:25

Ilâpygueduo, saimpygueduo, eyam xina aguely: — Kywymâry Jesus kurâem itondyby xina netai — xina kely. Xina neinwâmpyra olâ mâkâ. — Mâkâ kurâem itondybyem awyly kâinwântaymba urâ. Kâinwândyly ise, pregugue emarydâ sakâjihobyry kâendyly, iemarygue MÂʼ kânhedyly, sodadu tylançarygue eledydâ in-hoguyhobyry iemarygue MÂN kânhedyly warâ watay lelâ ise kâinwândyly — kely.

João 20:26

Tokalâ semana sakanibyryem xina âtâdyguyondyly târâ, pyanta modo enahunwâdybyem kadiadugue. Ilâ ume Tomé târâlâ xina agâ. Pyanta enahuymby ozelâ Jesus egawândyly xina ontaji lelâ. Idânârâ xinaram aguely: — Tâseguâdâzeba itaungâ, tyanepa warâ — kely.

João 20:27

Ilâpyryem Toméram aguely: — Egâ iemary ihoguyhobyry; imary nhonwa iekâ. Iwâry saunâkâ, ieledydâ ihoguyhobyry onwa imary iekâ. Mâinwâmpyra mawyly imogâ. Kurâem itondybyem wawyly einwânkâ — kely.

João 21:1

Awârâpygueduo, Jesus âepanâguely tynynonro modoram. Saimu imâsedo Tiberíades emelay xina awyly ume Jesus âepanâgueondyly xinaram. (“Saimu Galiléia” kelygue lâpylâ mârâ ezeku.) Aityby ise âyanmo kâengatuly.

João 21:14

Jesus kurâem itondybyem, azagâ tokalâ warâ âepanâguely idyly akâwâm xina tynynonro modoram.

Atos 1:3

Kurâem tâitombygueduo, quarenta emedyly ara tâepanâguezezelâ myani tunâry egatuwâni modoram. Toenzepa adyesenry modo Deus eon-honrugue adyese myani, igueypyemba tawyly tienehon-hoem. Âdara Deus pymâem kuru idyly awyly wâgâ myani eagâmo aguely.

1 Coríntios 15:5

Kurâem itondybyem myakâwâm Pedroam âepanâguely. Ilâpyryem doze lelâ tywâgâ aguenriem tinduakeyby modoram âepanâguely.

Apocalipse 3:19

Idânârâ kâinwyneguyly modo turuse, tagâikeze warâ urâ, inakanhe adâidyly imohomoem. Tâjityenzelâ itaungâ inakanhe amidylymogue. Imowâdaungâ lelâlâ inakanhe amidylymo; imoze myguelymo kulâ mâkeba nidâ.