Marcos 13:4 - Deus Itaumbyry

⁴ Eagonrodo naimpyra awyly umelâ sapâigueze: — Âdara kaise xypyry iwaguepa idyly xina nhutuly? Âdy kaise tâenseim Deus ety adakalagueoho odaji itybyem awyly xutuhoem? Âdara kaise awârâ adaguhoem aidyly? — kelymo.

Marcos 13:4 ပူးပေါင်းရင်းမြစ်များ

Mateus 24:3

Ilâpyryem xina idâly iwyram, Se Oliveira Ekaram. Târâ Jesus ekadyly. Iopaji idâypyem xina nhapâiguely: — Âdara kaise xypyry iwaguepa idyly, xina nhutuly? Âdy kaise inepa modopâdo odaxi itybyem awyly xina nhutuho? — xina kely.

Marcos 13:3

Ilâpyryem idâlymo iwy onwa Se Oliveira Ekaram. Târâ iwy wâgâ ekadybyem Jesus Deus ety nhesedyly iwague endaylâ. Pedro, Tiago, João, André warâ eyam idâlymo.

Marcos 13:5

Aituo Jesusram âzenomedâolymo: — Inanaynmolâ itaungâ, kodopâdo wâgâ ânguy inokubyramo itoem.

Lucas 21:7

Jesus aguehobyry tindatuomo myani tonlo modo nhapâiguelymo: — Âdara kaise xypyry iwaguepa idyly, xina nhutuly? Âdy kaise tâenseim Deus ety adakalagueoho odaji itybyem awyly xutuhoem? — kelymo.