Marcos 13:34 - Deus Itaumbyry

³⁴ — Unâ ise âyanmo kâengatuly, mâuntuhomoem. Alâ myani uguondo adakobâze idâly. Tâgasely iraynâ tagâ tâwanuneim modoram aguely: “Iegasely ise. Âdara kodopâdyly kâuntuba olâ urâ. Iwanumone aietaungâ. Auguehobyry aietaungâ” kely myani. Pyanta eniram aguely myani: “Inanaynlâne ikâ, pyanta mâenahunguehoem kodopâduo” kely.

Marcos 13:34 ပူးပေါင်းရင်းမြစ်များ

Mateus 16:19

Ynynonro modo mâentoem aiese urâ, pymâ âtâ ijawerygue tâmaseim wâne, âtâ tânahungueze, tânahunze warâ myara ise âmâ. Tarâ onro anaym aiedyseba matobe watay, Deus anienehonwâbyra ise. Tarâ onro anaym aiedyse matobe watay, Deus aienehonze warâ — kely Pedroram.

João 10:3

Egawântoem pyanta tâzenahugueoze. Ezedy wâgâ sodo tâguy ingâsedaynly. Todo itanru tydase kaneru. Kura odaypa nhetaguewâdyly. Poji nhaguhomoem nhadyly.

Romanos 13:6

Deuslâ pymâdo xuruni, kurâdo edylyem âsewanihomoem. Awylygue impostu mâempywadomoem nhekadylymo-ro watay, epywadaungâ lelâ, tâwanu anhetomoem lâpylâ.

1 Coríntios 15:58

Ypemugudo Cristo eynynâ kâinwyneguyly modo, Jesus toenzepa einwândyly kâjimowâdaundâ. Deus kodo iweloem ietonze awyly einwândyly kâjimowâdaundâ. Kywymâry Jesus amânhetomoem aguehobyry, amânhepyra tâiseba itaungâ. Alâ kulâ inkâba ise xurâem amitomobyry, amyguehomobyry warâ, eagâ kydawyly ume.

Colossenses 3:24

Mâkâlâ ipywanimo awyly enanâguewâdaungâ. Tâinwânni modo xurâem kaynâ tienkanâguyly koendonro ise mâkâ âyanmo nhuduly. Cristo mawânkâ âwymârymo kuru.

Colossenses 4:1

Pymâ domodo, koendâ âmaemoem tâwanuneim modo etaungâ. Kâzenokudaundâmo. Koendâ lelâ epywadaungâ. Târâ kaynâ tywymâgue mawylymo enanâguewâdaungâ lâpylâ.

Apocalipse 3:7

Aituo keankâ Jesus agueondyly: — Xirâ iwenigâ Filadelfiadâ ynynonro modoram unâry egaturin-am. “Deus izepa ato âdykâ aieni keba urâ. ‘Aiese urâ’ uguehobyry aieni urâ. Tako Davi Deus eynynonro modo iwymâryem awyly myakâwândy, myara pymâem witoem aguehoymbyem urâ. Agueze urâ, ânguy Deus eydâ atoam idâim awyly, ânguy idâdânry awyly warâ, xave kâenahungueho, kâenahun-ho warâgue iematu-ro waunlo ara. Kâenahungueyby, ânguy nenahunwâbyra. Kâenahuymby, ânguy nenahungueba warâ. Urâ kulelâ ise enahuim, enahungueim warâ. Ytaumbyry xirâ âmaemo Filadélfia donro modoram: