Marcos 10:49 - Deus Itaumbyry

⁴⁹ Jesus epagudyly. Aguely tonlo modoram: — Epy yam enetaungâ — kely. Epynra aguelymo: — Tyanepa ikâ! Aukâ. Âgâsedyly mâkâ — kelymo eyam.

Marcos 10:49 ပူးပေါင်းရင်းမြစ်များ

Mateus 9:2

Tonlo modo ewy uguondo adakobâdânry nhadylymo sawo wâgâ, Jesus kua nhetoem. Kua nhedyly tâinwânsemo awyly tiuntuduo myani Jesus aguely tâwâneinra: — Ton-honre ikâ. Idânârâ inakanhe amitobyry modo xygakeagui — kely.

Marcos 10:50

Aituo Bartimeu tâty BOH waunlo tâmaegoze kehoem nhetyly, nhamely, saudyly, Jesus iopaji adaholy.

Lucas 18:40

Aituo myani Jesus epagudyly. Aguely tonlo modoram: — Epy yam enetaungâ — kely. Tuopaji saintuo myani Jesus nhapâiguely:

João 11:28

Agueypyem Marta idâly tywidyam agueze. Tydawere aguely, ânguy nidapyra itoem. — Idy, Jesus naintai. Âgâsedyly-ro warâ — kely.

Hebreus 2:17

Kâmakezelâ âewyly awyly kiuntuduo, âdaituo Jesus karalâ kurâem idyly awyly tutuze kurâ. Arâ aidyly, Deus aguehobyry ara adâitoem, koendâ kitoem warâ. Jesus ewanu, kurâ domodo xurâem Deus agâ aguely, Deus aguehobyry kurâ domodoram egatuly warâ. Deus ety oday kurâ domodo eynynâ aguewâni modo iwymâry kuru aito ara aidyly. Âwâlâ Jesus âtuly kynynâ tyiguehoem; arâ awylygue mawânkâ Deus idânârâ ekanibyry modo inakanhe aito nhygakely.

Hebreus 4:15

Jesus Deus enado tatay, kytyendâ mâkâ, ton-honremba kydawyly ume, kytynru ume, tugüiguepa kydawyly ume, kyanu ume, kydadahulily ume, kydâsenagazedyly ume warâ. Karalâ mawânkâ Jesus kurâem awyly. Kydâsenagazedo aralâ âsenagazemâ. Jesus, Deus neinwâmpyra itoem aienehonze kewânmy Satanás, Jesus kieinwâmpyra kitoem aienehonze keho ara. Jesus olâ âdaunloenlâ Deus izepa ato aniempyra.