Lucas 22:29 - Deus Itaumbyry

²⁹ Yeinwândyly mâinmopa mawylymogue ise on-honrumo kâunduen-honly pymâem mitomoem, Pabai won-hondâdâ pymâem witoem myara.

Lucas 22:29 ပူးပေါင်းရင်းမြစ်များ

Mateus 24:47

Tâmaryam aguely ise: “Koendonro lelâ âmâ. Koendâ lelâ tâwanuneim modo medâ. Awylygue idânârâ ysejiguy modo eniem ise âmâ” kely.

Mateus 25:21

— “Koendâlâ myze amidâ!” kely myani iwymâry. “Koendonro âmâ. ‘Aiekâ’ uguehobyry amiendâ. Koendâmy awârâ âdiempa dinheru kâunduypy mewani. Âdydo imeom manâdâ, manâtyby vende miedâ warâ. Aituo, imâemba kâunduypy imâem mânhenehon-hobyry wâgâ, imâem ise âmâem kâunduly. Yagâ âzetyguegârâ” kely myani iwymâry.

Mateus 25:34

Aituo ise yahoru eynynonro modoram auguely: “Yagâ âetaungâ, Deus xurâem tywyneim âmaemo. Deus idânârâ nhugudyly iraynâlâ myakâwândy, âmaemoem koendonro nhekanâdyly. Deusgue tywymâgueim modo xurâ tâlâ mâkâ, mârâ koendonro lelâlâ.

Mateus 28:18

Aituo Jesus xinaram saindyly, aguely: — Deus kaynâ, onwâgâ alelâ pymâem witoem anygue.

Mateus 5:10

— Tuomareim kuru mâkâ Deus ize ato ara aidylygue tânagazezeim. Deus kaynonro mawânkâ ise iwymâry, eni warâ.

Mateus 5:3

Aituo Jesus aguely kurâ domodoram: — Tuomareim kuru mâkâ, Deuslâ idânârâ tâlâ tato xuduim awyly xuturim. Imâemba lelâlâ wâne, Deus kaynonro olâ iwymâry, eni warâ.

Lucas 12:32

Jesus aguely myani: — Aguipa, ton-honremba warâ wâne âmaemo, tyanepa olâ itaungâ, âmaemo ynynonro modo. Kunwym Deus âduakewânmo, yagâ pymâem mitomoem.

Lucas 19:17

— “Koendâ tâwaneinlâ myanze âmâ! ‘Aiekâ’ uguehobyry amiendâ. Koendonro amiendâ âdiempa kâunduypygue. Awylygue ise dez lelâ xidadâ anano modo eniem âduakely” kely.

1 Coríntios 9:25

Tâgaseinhe izetonro toenzepa mâkâ ohonzezedyly awylygue, aunlolâ ton-honre egatuzezedyly, waunroem saindyly-ro watay, tâjiangahu wogonro ponwarygue xygatyby inepa ilani mâkâ nhemakely. Kurâ Jesus Cristo aguehobyry einwânni modo olâ izepa ato aguiempyra kitoem kydâzeon-hondâne. Deus nhuduly adaindânry kienmakely awyly, tutuze kurâ.

2 Coríntios 1:7

Koendâ tutuze xina, Jesus einwândyly mâinmopa mawylymo. Awylygue, xina ara mâsenagazedylymo-ro watay, on-hondâzemo lelâlâ Deus, xina teon-hondâdobyry ara.

2 Timóteo 2:12

Cristo xurâ keba modo kânagazenehon-ho kienmaenzezedyly lelâ watay, eagâlâ ise pymâem kydawyly. “Cristo xurâ mâkeba urâ” kykely-ro watay, xypyry etay, “Urâ xurâ mâkeba âmaemo” keze lâpylâ mâkâ kyam.

Tiago 2:5

Idataungâ, Cristo eynynâ ypemugudo kâinwyneguyly modo. Xirâ onro anaym âdy pebaom modo Deus induakely, toenzepa tâinwântoem. Tâlâ ise akaemo târâ Deus pymâem atodâ, Deus “Ywyneni modoam xuduze urâ” kehobyry.

1 Pedro 5:4

Kâeni kuru Kywymâry Cristo odopâduo, aunlolâ ise mâzehogueolymo. Tâmakezeim iwâkuru, ehozelu adaindânry waunlo emakeze âmaemo.

Apocalipse 21:14

Doze tuhu imâsedo modo wâgâ keankâ mârâ sahodâdo saunâtybyem awyly. Doze lelâ tuhu mododâ keankâ doze “Kordeiru tunâry egatuze ingonotaymby modo” ezedy iwenibyem awyly lâpylâ.