João 8:37 - Deus Itaumbyry

³⁷ Abraão iweompyry lelâlâ wâne âmaemo. Arâlâ olâ, yâdyse mawylymo, inomedâdomo mâinwândyseba mawylymogue.

João 8:37 ပူးပေါင်းရင်းမြစ်များ

Mateus 13:15

Auguely mâindadyseba, yeinwândyseba warâ âmaemo. Mâpaunzebyramo itybyem, âzenuahuymbyem, âjiwantahuybyem waunlo ara lelâ âmaemo, inomedâdomo mâuntuba mawylymogue. Ywâgâ mâuntudyze lelâlâ âmaemo watay, auguely tydase, tâinwânse warâ tâise âmaemo. Tâpaunzeze tâise âmaemo, âjiwantahudânry ara, âzenuahudânry ara warâ. Inakanhe amitomobyry tygakeze tâise urâ, ynynonroem mitomoem’ nygue Deus” kely myakâwândy Isaías inwenily — kely Jesus.

Mateus 3:9

“Deus kânagazenehonwâbyra ise, Abraão iweonma kurâ” tâkezeba itaungâ. Abraão iweryem tadawyly mâkeba mârâ kuru. Âdy mâkeba awârâ! Auguely xirâ âyanmo. Ton-honre Deus, xirâ tuhu modo Abraão iweryem ienehonze.

João 10:31

Jesus aguely tindatuo, iopano modo tuhu nhanâtondylymo Jesus tyân-homoem.

João 11:53

Ilâ umelâ myani judeu domodo iwymârydo Jesus xyâhoem aguelymo.

João 5:44

Ataen-homo âwâgâmo koendâ aguely ize matomo. Deus tokaleom âwâgâmo koendâ aguehoem, koendâ lelâ amidylymo mipyra olâ âmaemo. Awylygue mawânrâ nudupa awyly yeinwântomoem.

João 7:1

Arâ adâkely ewanikeimbyryem, Galiléia eynynâ Jesus adakobâdyly. Judéia eynynâ nadakobâbyra awyly, tonlo pymâ domodo mawânkâ tyândyse.

João 7:19

Moisés myakâwândy Deus aguiendyse ato kâzewenry iweninri. Âmaemo olâ kâzewenry agueho mâinwâmpyramo. Yâze myguelymo, âdawipyralâ — kely.

João 7:25

Aituo târâ Jerusalémdâ aguelymo: — Kywymârydo tyândyse atolâ awâkâ uguondo.

João 8:33

Aituo aguelymo: — Abraão iweompyrylâ xina. Âdykâ ânguyam xina nâdutuoba, xina tawâseba warâ. Âdaituoka “Mâkâ âuturimo emaymba âzemakeoze âmaemo” myguely? — kelymo.

João 8:43

Âyanmo augueho tydase lelâlâ wâne âmaemo, inomedâdyzemo wato mâuntudyzeba olâ âmaemo.

João 8:56

Kydamu Abraão toenzepa iomazewâm, tarâ xirâ onro anaym wawyly tientuo — kely.

João 8:59

Jesus aguely tindatuomo, tyândyse idylymo. Tuhu nhanâdylymo, nhonwa tiamehomoem. Totoenze olâ ani. Aituo Deus etydâba egasely.

João 8:6

Awârâ arâ nhapâiguelymo, Jesus âdalâ kulâ in-hoguly-ro watay tienwentâdomoem. “Tyâzepa awâkâ pekodo nidâ” kely-ro watay, “Kâzewenry neinwântaymba awâkâ Jesus” tâkezemo tâise. (“Xyâly lelâ awâkâ pekodo” kely-ro watay, “Nityendaymba awâkâ” tâkezemo tâise warâ.) Nhapâiguehomo nihoguba Jesus; enagozely lelâ, tâmary ewilygue onro wâgâ inwenily lelâ warâ.

Atos 13:26

Aituo myani Paulo agueondyly: — Ypemugudo, Abraão iweom, âmaemo, judeu keba modo Deus xyrentaynrim modo warâ ydataungâ. Âdara kydâsemaguely awyly wâgâ kiuntudyze Deus.

Romanos 9:7

Agui myakâwândy Abraão iweom, idânârâpa olâ Abraão iweompyry Deus xurâem awyly. Warâ myakâwândy Deus aguely: “Âpemugu ewy enday, âmery Isaque iweompyry lelâ ise kâenmawyadâguyly, kâenkyly warâ, âmeombyry eagonrodo iweompyry mâkeba” kewândymy Deus, Abraãoram.

1 Coríntios 2:14

Mâkâ Deus Ispiritury pebaom, Deus Ispiritury agueho tindadyse inkâba, xurâmo keba mawânrâ, âdy mâkeba xurâem. Deus Ispiritury lelâ iwâgâ kiuntuhoem konomedâni.

1 João 2:14

Iamimeom, augueondyly âyanmo. Deus tutuze âmaemo, unwânmo koendâ mâuntuhomo ara. Tâjiunwyndo modo, âyanmo augueondyly, Deus tutuze mawylymogue. Kaudyly iraynâlâ tâlâ myakâwândy mâkâ. Salokuzenomo modo, âwynsaundo modo warâ, âyanmo augueondyly, Jesus tâinwânse lelâlâ mawylymogue. Deus itaumbyry mawânrâ angahumo oday âunâgomo, Awylygue ton-honre âmaemo, Satanás amânhedysemo ato amânhepyra mitomoem.