João 6:33 - Deus Itaumbyry

³³ Deus, kydamudo tâwindygue niguepa itoem maná kau odaypa tingonotobyry, ara lâpylâ mâkâ ugonodyly xarâ onro anaxi. Pyni ize kurâ kyiguepa kitoem, arâ lâpylâ yeinwântaungâ, aunloenlâ Deus agâ mitomoem, âdaunloenlâ eagâpa mipyra mitomoem — kely.

João 6:33 ပူးပေါင်းရင်းမြစ်များ

João 13:3

Idânârâ adienkyly modo adientoem Tunwym ton-honru tuduze awyly, tutuze akâwâm Jesus. Deusdâpa tâewyly, eyam todopâdyly warâ, tutuze myani.

João 16:28

Xirâ anaxi kâetoem, Deus ingonotyby urâ. Inepa ise tarâpa widyly. Pabairam ise udâly — kely Jesus.

João 17:8

Unâ eyanmo kâengatuhoem amyguehobyry segatu. Auguehobyry neinwândâmo. Eydâ matodâlâ mâingonotybyenlâ kâewyly awyly, tutuze asaemo.

João 3:13

Ânguy xirâ anano kulâ Deus ezaxi nâkuwâbyra, iwâgâ egatuze nodopâbyra warâ. Urâ, Uguondo Kaynâpa Âetyby lelâ târâpa xytâguyby. Urâ lelâ Deus wâgâ aguenriem xurutyby — kely Jesus.

João 6:32

Aituo Jesus aguely: — Kaynâpa Deus ingonotyby maná kehogue, kydamudo xuamâmy Moisés. Pabai Deus lelâ mawânkâ pyni kuolanâni emyenro xudunri. Xirâ mâuntudyzemo kuru wato.

João 6:38

— Deusdâpa ani kâewyly, ize ato agânhetoem, ize wato aiese inkâba.

João 6:41

Judeu domodo ewy nehoguebyra Jesus tywâgâlâ aguely: “Urâlâ Deus tydâpa ingonotyby pyni emyenro” kehobyry.

João 6:48

Pyni emyenro urâ. Urâlâ ise yeinwântaynrim modo aunloenlâ Deus agâ ienehoim.

João 6:50

Deusdâ âetyby einwânni modo, iguezemo lelâlâ wâne, nadaimpamo olâ ise. Idâzemo aunloenlâ Deus agâ tâitomoem. Pyni emyenro mawânkâ Deus Ingonotyby.

João 6:58

Waunlo urâ pyni emyenro Deus eydâ atodâ igonotyby. Kydamudo ipynirybyry maná emyenro keba urâ. Maná tâinzemo lelâlâ wâne myakâwândy kydamudo, iguewâm olâ. Deus ezaypa xytâguybylâ urâ. Wodo sâni, unu enyim warâ yagâpa nâiehowâbyramo ise. Tyigueduo, idâzemo aunloenlâ Deus agâ tâitomoem — kely Jesus.

João 8:42

Aituo Jesus aguely: — Deuslâ unwânmo-ro watay, ywynedâ tâise âmaemo, Deus ingonotybyenlâ mawânrâ tarâ wawyly. Âwâlâ kulâ inkâba kâewyly. Deuslâ mawânkâ ugononi.

1 Timóteo 1:15

Deus izepa ato aieni modo emakeze Cristo Jesus xirâ onro anaxi âewyly. Âkealâ xirâ, ton-honre lelâ idânârâ kyzeinwâne. Âkealâ awyly tutuze urâ, iemakewâm mawânkâ, urâ eagonro modo takaze kehoem inakanhe aityby.