João 6:32 - Deus Itaumbyry

³² Aituo Jesus aguely: — Kaynâpa Deus ingonotyby maná kehogue, kydamudo xuamâmy Moisés. Pabai Deus lelâ mawânkâ pyni kuolanâni emyenro xudunri. Xirâ mâuntudyzemo kuru wato.

João 6:32 ပူးပေါင်းရင်းမြစ်များ

João 1:9

Jesus xirâ onro anaxi âewyly myakâwâm, Deus kyam xutuen-honze. Mâkâ wâgâ mawânrâ âdara mâkâ xurâem kydawyly xutuly.

João 15:1

Jesus xinaram aguely: — Uva ipery emyenro urâ. Pabai pylâ uva eni emyenro-ro warâ. Se tywindyen-ro watay, iwatary modo niguewâpyra, arâ lâpylâ urâ, ynynonro modo niguepa itoem aienehonrim wawyly.

João 6:31

Iweâpa kydamudo Egitodâba egaseday, âji âdy peba ato einkâ adakobâdaymo, maná myakâwândy ipynirymo. Iwenibyem Deus itaumbyry awo wâgâ: “Pão kaynâpa eyanmo ingonokyly nhedawyn-homoem” — kelymo Jesusram.

João 6:33

Deus, kydamudo tâwindygue niguepa itoem maná kau odaypa tingonotobyry, ara lâpylâ mâkâ ugonodyly xarâ onro anaxi. Pyni ize kurâ kyiguepa kitoem, arâ lâpylâ yeinwântaungâ, aunloenlâ Deus agâ mitomoem, âdaunloenlâ eagâpa mipyra mitomoem — kely.

João 6:35

— Urâlâ mawânrâ mârâ pyni emyenro. Urâlâ ise yeinwânni modo aunloenlâ Deus agâ ienehonri, eagâpa ienehondânry warâ. Ynynonro modo nâsewinzedondaymba natuandondaymba warâ ise.

João 6:41

Judeu domodo ewy nehoguebyra Jesus tywâgâlâ aguely: “Urâlâ Deus tydâpa ingonotyby pyni emyenro” kehobyry.

João 6:50

Deusdâ âetyby einwânni modo, iguezemo lelâlâ wâne, nadaimpamo olâ ise. Idâzemo aunloenlâ Deus agâ tâitomoem. Pyni emyenro mawânkâ Deus Ingonotyby.

João 6:55

Jesus aguely: — Pyni lelâlâ wodo, tânyzeim lelâlâ unu warâ.

João 6:58

Waunlo urâ pyni emyenro Deus eydâ atodâ igonotyby. Kydamudo ipynirybyry maná emyenro keba urâ. Maná tâinzemo lelâlâ wâne myakâwândy kydamudo, iguewâm olâ. Deus ezaypa xytâguybylâ urâ. Wodo sâni, unu enyim warâ yagâpa nâiehowâbyramo ise. Tyigueduo, idâzemo aunloenlâ Deus agâ tâitomoem — kely Jesus.

Gálatas 4:4

Adâkehobyry odaxi ituo, tymerylâ akâwâm Deus ingonokyly, Maria oday iazehoem. Idânârâ judeu domodo ezewenry iweniby ara lelâ aidyly, judeuem tawylygue. Mâkâ iguely myakâwâm xina emakeze, xina Moisés inweniby tâzezewenry tyeinwântuo, tâsemaguely inwânwânipyry modo. “Xina” ugueondyly, ypemugudo wâgâ auguely awylygue, judeu domodo. Deus, tymery ingonodyly myakâwâm tâinwânni modo nhemakehoem, Deus imeryem kitoem lâpylâ.

1 João 5:20

Deus imery onro anaxi âemâ; awârâ tutuze kurâ. Mâkâ lelâ Deus wâgâ koendâ kiuntuhoem konomedâni. Aituo Deus agâpa tyetuneba kurâ, imery Jesus Cristo agâpa tyetuneba lâpylâ warâ. Kunwym Deus tokalelâ, ipa eagonro. Mâkâ mawânkâ iweloem kyetoni, kyigueduo typygueba eagâ kitoem.