João 6:28 - Deus Itaumbyry

²⁸ Aituo Jesus nhapâiguelymo: — Âdyka Deus xina anhedyse ato awârâ amyguehobyry xina nhemakehoem, awârâ pyni emyenro? — kelymo.

João 6:28 ပူးပေါင်းရင်းမြစ်များ

Mateus 19:16

Alâ ani uguondo Jesusram saintybyem, aguely: — Pymâ koendonro, âdyka ise koendonro enday agânhekyly, Deusram udâhoem, aunloenlâ eagâ witoem warâ? — kely.

Lucas 10:25

Aituo myani Moisés inweniby wâgâ enomedâni saindyly Jesus iopaji. Jesus nhapâiguely myani, tâzewenrymo eynynâ, eynynâba warâ Jesus in-hoguly awyly tiuntuhoem kulâ. — Âdaraka awidyly, Deus eydâ atoram udâhoem, aunloenlâ eagâ witoem, Konomedâni? — kely.

João 6:27

Pyni inepa adainrim, inakanhe ini warâ wâgâ inkâba âpaunzedaungâ. Tâlâ ise pyni emyenro âmaemoem, âdaunloenlâ inakanhe itânry. Emakewâni modo aunloenlâ Deus agâpa tyetuneba ise. Igueduo, aunloenlâ eagâ tâitoem eyam idâzemo. Âzeon-hondâdaungâ, xirâ augueho tâlâ mitomoem. Urâ, Uguondo Kaynâpa Âetyby kelygue tâzekeim, xuduze urâ âyanmo, yeinwândylymo-ro watay. Awârâ agânhetoem kâewyly awyly nutuen-ho Pabai Deus — kely Jesus.

João 6:29

Aituo Jesus in-hoguly: — Âdaunlo âwanu mâkeba ise amânhekylymo. Yeinwândylymo kulâ Deus ize ato, urâ mâkâ ingonotyby — kely.

Atos 16:30

Ilâpyryem myani kadeia odayba nhetaguelymo. Eyanmo aguely myani: — Âdaka ise awidyly, kâsemaguehoem, inakanhe awitobyry xygakehoem warâ? — kely.

Atos 2:37

Arâ Pedro aguely tindatuo myani idânârâ kehoem itywandylymo, Jesus tienagazenehon-hobyry wâgâ. Aituo myani Pedro domodoram aguelymo: — Âdaraka ise xina aidyly iwerâ? — kelymo.

Atos 9:6

Aukâ. Idâ âtâ anaxi. Târâ ise mâduruholy amânhekyly wâgâ — kely myani Pymâ Jesus.