João 6:11 - Deus Itaumbyry

¹¹ Aituo Jesus cinco pão sanânibyryem, Deus agâ aguely: — Koendonro lelâlâ âmâ, Pabai; awylygue xinaem xirâ pão mâunduly — kely. Arâ agueypyem, pão nhepajiwâdyly; xina nhepâdoem nhuduly. Xina nhepâdaynly umelâ kehoem Jesus pão epajiwâdyby agui nhenehonly. Ilâpygueduo, Jesus azagâ kanra âjihuyby nhanâdyly, Deus agâ aguely: — Koendonro lelâlâ âmâ, Pabai; awylygue xinaem merâ kanra mâunduly — kely. Arâ agueypyem, kanra nhepajiwâdyly, xina nhepâdoem nhuduly. Xina nhepâdaynly umelâ kehoem, kanra agui nhenehonly.

João 6:11 ပူးပေါင်းရင်းမြစ်များ

Mateus 15:36

Mârâ sete pão, kanra âjihuwâdyby warâ nhanâdyly. Tianâpygueduo Deus agâ aguely: — Koendonro lelâlâ âmâ, Pabai. Awylygue xirâ pão, merâ kanra âjihuyby warâ mâunduly — kely. Deus agâ agueypyem nhepajiwâdyly. Xinaram nhuduly, kurâdoram xina nhepâdoem. Xina nhepâdyly umelâ kehoem Jesus pão, kanra âjihuyby warâ agui nhenehonly.

Lucas 24:30

Âwinduase ekadylymo myani. Jesus pão nhanâdyly. Deus agâ aguely myani: — Tuomare xina, pão mâunduhobyry wâgâ, Pabai — kely. Deus agâ agueypyem myani pão nhepajiwâdyly; mâkânra, mâkânra warâ nhuduly.

João 21:10

Aituo xinaram Jesus aguely: — Awâkâ kanra manwâtybymo ewy âenetaungâ — kely.

João 21:13

Aituo Jesus iopaji xina saindyly. Pão nhanâdyly. Xina ara nhepajiwâdyly. Xina ara lâpylâ kanra âjihuyby nhepajiwâdyly.

João 21:9

Pepi odayba âzetybyem, peto ehoru kanra pylâ nhangatay âjihuly-ro warâ xina nhedyly. Pãobe lâpylâ akâwâm peto opay.

João 6:23

Aguelymo ume, xidadâ Tiberíadesdâpa âetyby modo paru nhekuâdylymo. Tywepiry odaypa âzetywâdylymo, Jesus kurâ domodo tuantoem, “Koendonro lelâlâ âmâ, awylygue xina ipyniry mâunduly” kehobyry iwaguepa. Xuize idâwânmomy, nepyramo olâ myakâwâm.

João 6:9

— Tâlâ tarâ iamudo cinco pão cevadagueto, azagâ kanra âjihuyby warâpeom. Nudupa olâ ise toenzepa kurâ domodo xuatoem — kely.

Atos 27:35

Agueypyem ani Paulo pão nhanâdyly. — Tuomare urâ, xirâ pyni mâunduhobyry wâgâ, Pabai — kely ani Deusram, idânârâ kurâdo enanaym. Adâkebygueduo ani pão nhepâdyly, nhedawynly lâpylâ warâ.

Romanos 14:6

“Tâlâ iguanto tynrenseim kuru Deus ehoguedo” kewâni modo, awârâ umelâ Kywymâry Jesus koendâ kehoem nhehoguedo lâpylâ. MON alelâ typynigueim, tâzewilygue lelâ typynigueim modo warâ. Kywymâry Jesus tyeinwândyse tawylygue arâ aidylymo. Tâwinduadylymo iray, “Kunwym Deus, koendonro lelâlâ âmâ, merâ podo xina nhânkyly mâundulygue” tâkezemo Deusram. Alâpylâ podo sâtânry modo aguely: “Kunwym Deus, koendonro lelâlâ âmâ, xirâ tâzewily kain-hoem mâunduhobyry wâgâ” tâkezemo lâpylâ Deusram warâ.

1 Coríntios 10:31

Âkealâ. Mâwinduadylymo, madakuilymo, âdylâ amânhedylymo warâ watay olâ Deus ehoguedoem lelâ aitaungâ.

1 Tessalonicenses 5:18

Deusram aguewâtaungâ: “Deus, koendonro âmâ” kewâtaungâ, âmaemoem koendâ atay, koendâpa atay alelâ. Arâ amyguelymo mawânkâ Deus ize ato, Cristo Jesus eynynonro mawylymogue.