João 4:29 - Deus Itaumbyry

²⁹ — Paru ese watay, uguondo âdykâ kâentyby keba xiotai. Idânârâ agânhetaymby modo wâgâ agueanry olâ. Etaungârâ. Messiaslâ keanra mâkâ — kely.

João 4:29 ပူးပေါင်းရင်းမြစ်များ

Mateus 12:23

Awârâ tientuo, tonlo modo toenzepa âsewânilymo. Âjigue aguelymo: — Davi kydamudo iwymâryem awyly myakâwândy myara keanra ise Jesus kywymâryem awyly — kelymo.

João 4:25

Pekodo aguely: — Tutuzelâ urâ, âdaralâ Messias, Deus Ingonotyby, saindyly awyly. Âewyly-ro watay, idânârâ kehoem ise Deus wâgâ kiuntudyze ato aguely — kely.

João 4:28

Aituo pekodo idâly, tywalu etary târâlâ nhânly. Xidadâam odopâdyly. Tonlo modoram aguely:

João 4:30

Aituo agui kurâdo xidadâ odaypa egaselymo. Idâlymo Jesus eydâ atoam.

João 4:39

Samaria eynynonro, âtâ anary Sicar donro modo ewy agui myani Jesus Messiaslâ awyly einwânni modo, “Uguondo âdykâ kâentânry xiotai. Idânârâ agânhetaymby modo wâgâ agueanry olâ” pekodo keduo.

João 7:26

Etaungâ! Notoendaymba awâkâ. Tarâlâ idânârâam aguely. Ânguy etadâze kewâpyra. Kywymârydo nutumo keanra Deus Ingonotyby Messiaslâ awâkâ awyly.

João 7:31

Tonlo modo ewy agui Jesus tâinwânsemo myakâwâm. Aguelymo: — Messias âewyly-ro watay, adyesenry kehoem ise anhekyly, tâkezemo inanry. Awâkâ anhekyly takaze ânguy anientaymba. Arâ atayma Messiaslâ awâkâ-ro — kelymo.

Apocalipse 22:17

Deus Ispiritury, Kordeiru Iwydyem Inigue tâzekeim modo warâ Jesusram agueim. — Odopâgâ, Jesus! — kerim. Idânârâ xirâ kâinweniby itainrim modo, idataynrim modo warâ, — Odopâgâ, Jesus! — nyguemo lâpylâ. Âmaemo Jesus eagonroem midysedonro modo, iweâ lelâlâ einwântaungâ. Eyam idâwâtaungâ, toenzepa tatuanzeim paru enyze idâly wâne myara. Tâbyguepa ise imakelymo. Aunloenlâ ise eagâ mawylymo.