João 20:21 - Deus Itaumbyry

²¹ Aituo Jesus agueondyly: — Tâseguâdâzeba itaungâ, tyanepa warâ. Pabai ugonotobyry ara lâpylâ ogonodylymo, unâry mâengatuhomoem — kely.

João 20:21 ပူးပေါင်းရင်းမြစ်များ

Mateus 10:16

Jesus aguely: — Ydataungâ. Deus xunâry egatuze ogonodylymo kâmayno modo duaxi, auwa tâwinzeim modo duaxi kaneru igonodyly ara. Âgâu ara, tonomegue itaungâ, kâmaynodâpa tâdâsemaguely mâuntuhomoem. Koendâ olâ itaungâ, papa ara, âdanimo mânhewiâpanânehomba mitomoem.

Mateus 10:40

Jesus aguely: — Koendâ nhenimo, koendâ iedyly lâpylâ. Koendâ ieni, ugononibyry Deuslâ koendâ nhekyly.

Lucas 24:36

Nhegatudaymo myani Jesus âepanâguely eyanmo. — Koendâ lelâ âmaemo — kely.

João 13:20

Kâingonotaymby modo koendâ edaenkunri, urâlâ nhedaenkuly waunlo ara lelâ. Koendâ iedaenkunri, mâkâ ugononibyrylâ koendâ nhedaenkuly. Xirâ mâuntudyzemo kuru wato — kely.

João 14:27

— Yara madahuliba âesemo. Xirâ onro anano modo toenzepa ise adahulilymo, eanumo warâ. Âmaemo olâ tadahulizeba itaungâ, tyanepa warâ.

João 20:19

Mârâ domingo, kopaelâ, âjigue âtâdyguybyem xina Jesus eynynonro modo. Pymâdo tawânehonly tytaze akâwâm xina. Awylygue pyanta modo koendâ kehoem enahunwâdybyem awyly. Pyanta enahuymby ozelâ Jesus egawândyly; âepanâguely xina ontay kehoem. Xinaram aguely: — Tâseguâdâzeba itaungâ, tyanepa warâ — kely.

João 20:22

Ilâpyryem xina onwa ÂBU kely, aguely: — Tâwâlâ Deus Ispiritury âyanmo nâedâ.

João 20:26

Tokalâ semana sakanibyryem xina âtâdyguyondyly târâ, pyanta modo enahunwâdybyem kadiadugue. Ilâ ume Tomé târâlâ xina agâ. Pyanta enahuymby ozelâ Jesus egawândyly xina ontaji lelâ. Idânârâ xinaram aguely: — Tâseguâdâzeba itaungâ, tyanepa warâ — kely.

João 3:17

Deus ugonodyly, xirâ anano modo igueduo tienagazedoem inkâba, idânârâ yeinwântaynrim modo tienmakehoem.

Atos 1:8

Deus Ispiritury âyanmo saintuo olâ, on-honrumo xuduze, unârybyry mâengatuhomoem. Waunroem kuru tarâ Jerusalémdâ ise unârybyry mâengatulymo. Ilâpyryem ise Judeiaram, Samariaram warâ mydâlymo unârybyry egatuze; ilâpyryem ise idânârâ kurâdo onro anano modo ara-ro warâ — kely myani Jesus.

2 Timóteo 2:2

Tâzenanaym inomedâdobyrygue eagonro modo enomedâgâ, xirâ ioze lelâ agueim modo. Akaemo ise eagonro kurâdoram egatuin-ro warâ. Amyguely tindatybygue ise akaemo eagonro modo nhenomedâdylymo lâpylâ-ro warâ.

Hebreus 3:1

Cristo eynynâ ypemugudo, Deus ingâsedybylâ âmaemo, aunloenlâ eagâ mitomoem. Kynynâ aguenriem Deus Ingonotyby Jesus awyly xutuwâdaungâ, târâ Jerusalémdâ Deus ety oday kurâ domodo eynynâ aguewâni modo iwymâry kuru Deus agâ agueim ara. Awylygue, Jesus wâgâ mâpaunzebyra tâiseba itaungâ.

3 João 1:14

Inepa nhedyse wawyly, âmâ, urâ warâ kydâtunâguedoem.