João 20:16 - Deus Itaumbyry

¹⁶ — Maria! — kely Jesus eyam. Tâzedy wâgâ tygâseduo, Jesus lelâlâ awyly nhutuly, aguely: — Rabôni! — kely. (Hebraiku-em, “Ywymâry” keze awârâ aguely.)

João 20:16 ပူးပေါင်းရင်းမြစ်များ

Mateus 14:27

Warâ olâ ani Jesus aguely xinaram: — Âzeon-hondâdaungâ! Tâseanezeba itaungâ! Jesuslâ urâ! — kely.

Marcos 10:51

Aituo Jesusram adapâigueoly: — Âdyka âmâem agânhedyse mato? — kely. — Kâentondyze urâ, Pymâ — kely in-hoguly.

Lucas 10:41

Aituo myani Jesus eyam aguely: — Iozepa kulâ awârâ amyguely, Marta. Toenzepa kuru âtâ oday iwanogue mâtynanâdyly.

João 1:38

Aituo Jesus MYK idyly tykayam. Tyampygue idâlymo awyly tientuo, aguely: — Âdaituoka yampyguedylymo? — kely. — Konomedâni, âdykâka mâxidâdyly? — kelymo.

João 1:49

Natanael inwauntudyly, aguely: — Konomedâni, Deus imery âmâ! Israelita domodo iwymâry kehobyry! — kely.

João 10:3

Egawântoem pyanta tâzenahugueoze. Ezedy wâgâ sodo tâguy ingâsedaynly. Todo itanru tydase kaneru. Kura odaypa nhetaguewâdyly. Poji nhaguhomoem nhadyly.

João 11:28

Agueypyem Marta idâly tywidyam agueze. Tydawere aguely, ânguy nidapyra itoem. — Idy, Jesus naintai. Âgâsedyly-ro warâ — kely.

João 13:13

“Xina iwymâry”, tâkeze, “xina enomedâni” tâkeze warâ âmaemo yam. Âkealâ amyguelymo.

João 20:28

Aituo Tomé eyam aguely: — Ywymâry, yDeusry warâ âmâlâ! — kely.

João 3:2

Kopae idâly Jesus agâ agueze. — Tutuze xina, konomedâni mawyly, Deus ingonotyby. Agâpa Deus watay, adyesenry kehoem amânhetaymba tâise âmâ — kely.

João 5:2

Jerusalémdâ, Ovelha Modo Iwyantary keho iwaguepa tâlâ mawânrâ paru etary. Hebraiku-em, “Betezata” mârâ paru etary ezedy. Cinco lelâ varanda modo, târâ mawânkâ tâwânuneim modo emynru eguetunu warâ.

João 6:25

Paru ekuânibyryem, Cafarnaumram saintybyem, Jesus agâ oxiodylymo. Eyam aguelymo: — Âmâ enra xina nhuinly, Jesus. Âdaraka xarâ aindyly? — kelymo.

Atos 10:3

Aituo myani três horas awârâem kogoneyam Deus agâ aguely. Tânu oday âtygaduo myani koendâ kehoem anju nhedyly. Eyam saintybyem myani aguely: — Âdara, Cornélio? — kely.

Atos 9:4

Mârâ iatygugue toenzepa kehoem myani Saulo âseanedyly. Tâseaneduo myani Saulo onro onwa ihuguely. Tâjitanru idamâmy. — Saulo! Saulo! Âdaituoka ienagazedyly? — kely.