João 17:11 - Deus Itaumbyry

¹¹ — Inepa ise udâly eydâ matoam. Xirâ anaymba ise urâ; asaemo olâ ise tarâlâ, yeinwântânry modo duaymo ise-ro warâ. Pabai, koendonro lelâlâ âmâ; inakanhe amitaymba âmâ. Toenzepa ton-honreim lâpylâ âmâ, on-honrugue awitoem yam amygue. Asaemo ynynonro modo egâ on-honrugue, tokaleom ara lelâ itomoem, urâ, âmâ warâ tokaleoem kydawyly ara.

João 17:11 ပူးပေါင်းရင်းမြစ်များ

Mateus 10:16

Jesus aguely: — Ydataungâ. Deus xunâry egatuze ogonodylymo kâmayno modo duaxi, auwa tâwinzeim modo duaxi kaneru igonodyly ara. Âgâu ara, tonomegue itaungâ, kâmaynodâpa tâdâsemaguely mâuntuhomoem. Koendâ olâ itaungâ, papa ara, âdanimo mânhewiâpanânehomba mitomoem.

Mateus 5:48

Koendâ lelâ idânârâ kurâ domodo agâ itaungâ, Kunwym kaynonro ara, mâkâ idânârâ koendâ eni ara — kely Jesus.

Mateus 6:9

Deus agâ amyguedaymo, warâ aguewâtaungâ: “Pabai kaynonro, tynrenseim lelâlâ mawyly, izedy awyly warâ idânârâ nhutudyzemo xina. Ânguy âwankuem âepyra nidâ.

João 13:1

Tokalâ iguandyly kulelâ, Páscoa etyry adaguhoem. Tutuze myani Jesus tyigueho saindyly awyly, xirâ onro anaymba tâito, tunwynram todopâdo. Toenzepa xina inwynedyly tânehonze kâinane, tyigueho odaxi kehoem.

João 13:3

Idânârâ adienkyly modo adientoem Tunwym ton-honru tuduze awyly, tutuze akâwâm Jesus. Deusdâpa tâewyly, eyam todopâdyly warâ, tutuze myani.

João 14:20

Kurâem witonduo ise mâuntulymo, Pabai agâpa wipyra wawyly. Yagâpa mipyra mawylymo, agâpamo wipyra wawyly warâ mâuntulymo.

João 16:28

Xirâ anaxi kâetoem, Deus ingonotyby urâ. Inepa ise tarâpa widyly. Pabairam ise udâly — kely Jesus.

João 16:33

Xirâ modo wâgâ auguely aidyly iraynâlâ, âtywambyra mitomoem. Yeinwântâ mawylymogue, koendâ lelâ itaungâ, tâseguâdâzeba. Xirâ anaym mawylymo ara ton-honre ise âmaemoem; âsenagazeze âmaemo. Tâegane olâ itaungâ. Won-honruma ynynâbaom modo iwymâry Diabu eon-honru takazeno kuru — kely Jesus.

João 17:23

Augueondyly, Pabai. Tokaleom waunlo ara eagâmo wawyly; tokaleon-ro waunlo ara yagâ mawyly. Aituo tokaleom ara lelâ kagâ awylymo. Arâ tientuo, ynynâbaom modo xutuzemo, âmâ ugononi awyly, ywynedo ara lâpylâ mâinwynedylymo warâ.

João 17:25

Pabai, âdykâ inakanhe amitaymba âmâ. Yeinwântânry modo âutuwâbyra. Urâ olâ âutudâ. Akaemo yeinwântoem amânhenehoymby modo tutuzemo âmâ ugononi awyly.

João 17:6

— Pabai, ynynonroem mânhenehonwâdyby modoram ânguy mawyly senen-ho. Âmâ xurâ lâpylâ asaemo. Âmâlâ ynynonroem ienehoinmo. Amygueho tâinwânse asaemo.

João 7:33

Arâ âturudaymo, Jesus aguely tonlo modoram: — Âdiempa kulâ ise agâmo wawyly. Inepa ise kodopâdyly mâkâ ugononibyryanlâ.

Atos 3:21

— Iwerâ Jesus târâ Deus eydâ atodâ. Tytaumbyry egatuim modo aguehoem aguewânlâmy Deus: “Auguehobyry saintuo, idânârâ iweloem iese urâ” kewânmy. Adâkehobyry saintuo, Jesus igonotonze mâkâ.

Romanos 12:5

Arâ lâpylâ kurâ Jesus einwânni modo, agui lelâlâ wâne kurâ, tokaleom ara lelâ olâ kurâ, Jesus Cristo agâ on-hoam kydawylygue.

Romanos 9:17

Deus itaumbyry awo wâgâ iwenibyem mâkâ lelâlâ Faraóram aguehobyry: “Urâlâ akâwâm âduakenri, tarâ Egitodâ pymâem mitoem, aitaynrim modo wâgâ won-honru kâenehohoem. Arâ awidyly, tâinkâ lelâba urâ lelâ Deus awyly nhutuhomoem” kewândymy Deus.

1 Coríntios 1:10

Cristo eynynâ ypemugudo, Kywymâry Jesus Cristo aguehobyryem wawylygue, ton-honre kehoem âurudylymo. Cloé ipemugudo ewy âwâgâmo yam negatumo. “Corintodâ Jesus einwânni modo tuduekemo, nâseinwândaymbamo warâ” nyguemo. Awylygue, koendâ lelâ itaungâ; agonromo agâ koendâ lelâ âseinwândaungâ; tokalelâ angahumo oday âunârymo nidâ warâ.

Gálatas 3:28

Tâwâlâ judeu, judeu keba; tâwâlânro, tâpywazenry; uguondo, pekodo warâ mawylymo, Deus xurâem olâ âzekiba lelâ âmaemo.

Efésios 4:4

Mârâ, mârâ warâ wâne kodo wogonro, tokalelâ olâ, arâ lâpylâ tokaleoem kydawyly, kurâ Jesus einwânni modo toenzepa kydawyly umelâ. Tokalâ kulâ Ispíritu idânârâ kagonro olâ Deus Ispiritury lelâ. Tokalelâ kydâsenuendo, Deus koendonro adâkehobyry ara kyam nhuduly lelâ.

Filipenses 2:9

Jesus igueduo, kurâem tyetonze lelâ myakâwâm Deus, tâzaxilâ odopâdoem. Saguhoem xyrentobyry takaze kehoem xyrentoem anhenehonly; idânârâ kurâdo xyrento takaze mâkâ xyrendyly iwerâ. Jesus ezedy xyrentoem aienehonwânmy nhunwym, idânârâ pymâ enday tynrenseinhe kuru itoem, âdaunlolâ kurâ ezedy takaze kehoem.

Hebreus 1:3

Deus eon-honru, iwâkuru, pymâem awyly warâ etolâ imery, Deus agâ âzekiba awylygue. Mâkâ imery itanru ton-honreingue idânârâ âdydo imeom eon-honwanâdybyem awyly. Mâkâlâ mawânkâ igueim, inakanhe aguitobyry xygakehoem, Deus xurâem tywykenryem kitoem. Igueypyem, kurâem itondybyem, Deus ton-honreim kuru eydâ atoam odopâmâ. Eahoru eynynâ ekadybyem awyly pymâ ekadodâ.

Hebreus 9:24

Igueypyem, Cristo, Deus ezaxi lelâlâ egawânmâmy, âtâ uguondo kulâ intâdyby odaxiba myakâwâm egawândyly. Deus ety kaynonro ekudo kulâ mykâinane mârâ Deus ety kehomo taunlo. Jesus Deus ezaxi egawândyly myakâwâm, kynynâ aguenriem. Iwerâ kynynâ mâkâ aguely târâ.

Tiago 4:4

Deus aguehobyry mâinwâmpyra mawylymogue, ize ato aiedyly mâinmolymo, ize matomo amânhetomoem kulâ. Tutuzelâ âmaemo, Deus ize ato agâ âseinwândânry modo ize matomo watay, Deus idueryem midylymolâ awyly. Augueondyly, Deus izepa ato ara kulâ xirâ onro anaym amidylymo watay, Deus idueryem midylymolâ lâpylâ.

1 Pedro 1:5

Koendonro modo mâenmakelymo nhontybyem târâ. Jesus tâinwânse mawylymogue, nhetâmolâ Deus, eydâ atoram mydâlymo. Xypyry etay Deus xutuen-honze, kienmakely tienkanâdyby âdaunloenlâ eagâpa kipyra kito.

1 João 3:12

Caim ara inkâba kine. Diabu xurâem tawylygue myakâwândy tukono Abel nhâly. Abel olâ myakâwândy koendâ lelâ aini. Awylygue myakâwândy Deusram koendâ lelâ âzeholy. Caim pylâ myakâwândy Deus aguehobyry sakani-ro warâ. Tâsewânilygue kulâ myakâwândy tukono nhâly.

1 João 5:19

Deus xurâem kydawyly tâdutuzelâ kurâ. Tutuze lâpylâ olâ kurâ, mâkâ eynynâbaom modo Satanás emaym awyly.

Judas 1:1

Urâ Judas, xirâ kata iweninri, Jesus Cristo emary, Tiago iukono. Âmaemo Deus tynynonroem induakeyby modoram xirâ kata kâinwenily. Tywyneim âmaemo Kunwym Deus xurâem, Jesus Cristolâ nhenimo warâ.

Judas 1:24

Warâ inanry auguely, Deus agâ augueday: “Koendonro lelâlâ âmâ xina agâ. Tâenselâ âmâ, Satanás xinaram ‘Aiekâ’ keho xina aniempyra awyly. Toenzepa ise xina iomaru, xina mâenkaunâduo. Eydâ matoam xina idâhoem amiendâ, tâwentâzeba âyam xina saintoem. Âwâkuru, on-honru warâ ese xina.

Apocalipse 15:4

Idânârâam tâdyren-honze âmâ, Pymâ. “Deus kywymâry, ton-honreim kuru” kezemo idânârâ. Âmâ kulelâ inakai aietânry. Idânârâ kurâ domodo amânhekyly esemo. “Idânârâ amânhekyly koendonro lelâ” kezemo âyam. “Deus, ton-honreim âmâ” kezemo âyam. Tientuomo, xutuzemo idânârâ koendâ lelâ, ioze lelâ warâ amidyly awyly — kelymo keankâ Deusram.

Apocalipse 19:12

Peto iatygu ara kehoem keankâ enu ehozelu. Agui keankâ koroa nhangahu wâgâ awyly, pymâ tynrenseim tyangahu onwa nhekyly ara. Tâzezedy keankâ iwâgâ iweniby. Mâkâ lelâ keankâ mârâ tâzezedy âdakely awyly xutuim. Ânguy eagonro nutuwâbyra âdakeze aguely awyly.

Apocalipse 4:8

Akaemo quatro ânguydo imeom seis, seis, seis, seis warâ sawâry. Sawârymo wâgâ kehoem keankâ akaemo enu, MON warâ kehoem. Deus wâgâ tygâky nimopamo keankâ: — Âdalâ inakanhe aityby mâkeba âmâ, Pymâ Deus. Inakai aieni mâkeba âmâ, koendonro lelâ aieni. Idânârâ takaze on-honru. Igueim mâkeba âmâ; tâlâ mykâinane âmâ saguhoem. Iwerâ tâlâ âmâ. Aunlolâ ise tâlâ mawyly warâ — kely keankâ igâkymo.