João 16:23 - Deus Itaumbyry

²³ — Âurunimo âetuo, inomedâzemo mâkâ. Agâmopa lelâlâ wâne ise urâ, mâkâ olâ ise agâmolâ. Tâwâlâ mapâiguelymo mâuntudânrymo wâgâ. Idataungâ auguely. Iezedy wâgâ Pabai uguehoam mâenkadylymo-ro watay, xuduze mâkâ âyanmo.

João 16:23 ပူးပေါင်းရင်းမြစ်များ

Mateus 21:22

Emakeze mawylymo mâinwântuomo, mâenkadybymo âyanmo xuduze Deus. Xirâ mâuntudyzemo kuru wato — kely Jesus.

Mateus 7:7

Jesus aguely: — Ekadaungâ. Mâenkaduomo, emakeze lelâ âmaemo. Xuiwâtaungâ. Mâwinduomo, soenkeze lelâ âmaemo. Pyantaylâ âtâ sodo igâsedaungâ, enahungueze lelâ mawânkâ.

João 14:20

Kurâem witonduo ise mâuntulymo, Pabai agâpa wipyra wawyly. Yagâpa mipyra mawylymo, agâpamo wipyra wawyly warâ mâuntulymo.

João 14:22

Aituo Judas, Jesus nhapâiguely, Queriote donro keba olâ, eagonro: — Âdaituoka ise xinaram kulelâ mâenehonly; Deus eynynâbaom modo pylâ nepyramo-ro warâ awyly? — kely.

João 14:5

Aituo Tomé aguely: — Xina nutuwâbyra âdyam mydâly awyly, Pymâ. Tutuzeinhe inkâba awârâ ânwa âyam tâdâtâho — kely.

João 15:7

— Yagâpa mipyra âmaemo, âyanmo auguehobyry mâinwânsezedylymo lelâ watay, emakeze lelâ âmaemo idânârâ Pabairam mâenkadybymo.

João 16:19

Agueho koendâ xina nutuba awyly, tutuzelâ olâ Jesus. Awylygue aguely: — Idataungâ auguely. Adâkeonze urâ warâ. “Iweâ lelâlâ iepyra ise âmaemo. Inepa olâ ise ietondylymo.” Xirâ kebaka agonromo agâ madapâiguehomo?

João 16:26

Mârâ ume, Deus agâ amyguedaymo, “Xina xirâ nhekadyly Jesus ezedy wâgâ” keze âmaemo. Âmaemoem auguezesedyly witaymba ise urâ. Âmaemolâma ise eagâ agueim.

João 16:30

Idânârâ tutuze mawyly, tutuze xina. Xina apâiguely iraynâlâ, tutuze âmâ, xina adâkedyze ato. Awylygue Deuslâ ogononi awyly xina nhutuly — xina kely.

Efésios 2:18

Cristo iguehobyry wâgâ, Deus Ispiritury kadyly, Kunwym Deus ezaxi eagâ aguykehoem.

1 João 2:1

Âmaemo ymery ara kehoem kâinwyneguyly modoram xirâ kâinwenily, âurutomoem, Deus izepa ato amânhepyra mitomoem warâ. Deus aguehobyry kiankadyly watay, Jesus lelâ kynynâ agueze ton-honreim, “Pabai, merâ inakanhe aitobyry xygakegâ” keze, âdaunloenlâ inakanhe aityby keba awylygue.