João 14:13 - Deus Itaumbyry

¹³ Agânhetoem mâenkadybymo aiese urâ, iezedy wâgâ idânârâ kehoem agânhetoem amyguehomobyry. Pabai ton-honreim, koendonro warâ awyly kâenehohoem ise awidyly.

João 14:13 ပူးပေါင်းရင်းမြစ်များ

Mateus 21:22

Emakeze mawylymo mâinwântuomo, mâenkadybymo âyanmo xuduze Deus. Xirâ mâuntudyzemo kuru wato — kely Jesus.

Mateus 7:7

Jesus aguely: — Ekadaungâ. Mâenkaduomo, emakeze lelâ âmaemo. Xuiwâtaungâ. Mâwinduomo, soenkeze lelâ âmaemo. Pyantaylâ âtâ sodo igâsedaungâ, enahungueze lelâ mawânkâ.

Marcos 11:24

Deus agâ amyguelymo, tâinwânse kehoem amyguelymo watay, xuduze lelâ. Arâ amyguelymo watay, mâenkadybymo aiese lelâ. Xirâ mâuntudyzemo kuru wato.

Lucas 11:9

— Ekadaungâ. Mâenkaduomo, emakeze lelâ âmaemo. Xuiwâtaungâ. Mâwinduomo, soenkeze lelâ âmaemo. Pyantaylâ âtâ sodo igâsedaungâ, enahungueze lelâ mawânkâ. Xirâ mâuntudyzemo kuru wato.

João 10:30

Tokalelâ xina Pabai agâ — kely Jesus.

João 12:44

Ton-honre kehoem Jesus aguely: — Urâ kulelâ inkâba yeinwânni modo nheinwânkyly, mâkâ ugononibyry lâpylâ warâ.

João 13:31

Judas âxiguebygueduo Jesus xinaram aguely: — Iwaguepa urâ Uguondo Kaynâpa Âetyby yigueho. Yigueday ise won-honru, koendâ wawyly, Deus koendâ awyly, eon-honru warâ kâenehonly.

João 14:14

Idânârâ iezedy wâgâ mâenkadybymo aiese urâ — kely Jesus.

João 14:6

Aituo Jesus aguely: — Ânwa Pabairam tâdâtâholâ urâ. Yagâ lelâ âdy iozeno awyly âdutuoly. Ywâgâ lelâ Deus eydâ atoam tadaindyly. Yeinwânni modo lelâ ise Pabairam idâim. Yeinwâmpyra âmaemo-ro watay, Pabairam aintaymba âmaemo. Yeinwântuomo lelâ eyam aindylymo.

João 15:16

— Âmaemo mâkeba keankâ atâen-homoem witoem uduakeim; urâlâ keankâ âduakenrimo, Deus ize ato amânhetomoem, yeinwândyly mâinmopa mitomoem. Arâ ise uva iwatary tâwiseim ara mawylymo, ewily inakanhe itânry. Ywâgâ mâenkadylymo-ro watay, idânârâ mâenkadybymo xuduze lelâ Pabai.

João 15:7

— Yagâpa mipyra âmaemo, âyanmo auguehobyry mâinwânsezedylymo lelâ watay, emakeze lelâ âmaemo idânârâ Pabairam mâenkadybymo.

João 16:23

— Âurunimo âetuo, inomedâzemo mâkâ. Agâmopa lelâlâ wâne ise urâ, mâkâ olâ ise agâmolâ. Tâwâlâ mapâiguelymo mâuntudânrymo wâgâ. Idataungâ auguely. Iezedy wâgâ Pabai uguehoam mâenkadylymo-ro watay, xuduze mâkâ âyanmo.

João 16:26

Mârâ ume, Deus agâ amyguedaymo, “Xina xirâ nhekadyly Jesus ezedy wâgâ” keze âmaemo. Âmaemoem auguezesedyly witaymba ise urâ. Âmaemolâma ise eagâ agueim.

João 16:7

— Idataungâ auguely. Udâly lakuru âmaemoem koendonro. Udâpa urâ-ro watay, Âurunimo nâetaymba ise. Udâduo olâ, âyanmo igonose urâ.

João 4:10

Aituo Jesus aguely: — Deus âmâem nhuduly mâuntuly ânguy paru ekani awyly warâ mâuntuly watay, yam paru tâkaze tâise âmâ mâenyhoem. Yam mâenkaduo, âyam tuduze tâise urâ. Mâenyly-ro watay, iweloem tâiehoze tâise âmâ; âigueduo, aunloenlâ Deus agâ mitoem eyam tâtâze tâise âmâ — kely Jesus.

João 4:14

Paru kâunduypy enywânibyry modo olâ ise natuandombyra. Inatagâdo oze aunlolâ paru egasely myara xirâ paru iwâgâ augueho. Deus agâpa nipyra tyenehonzemo mawânrâ kâunduypy. Iguelymo-ro watay, Deusram idâzemo, aunloenlâ eagâ tâitomoem — kely.

João 5:19

Jesus aguely: — Deus imery lelâlâ wâne urâ, won-honrugueba olâ âdydo imeom agânhedyly. Pabailâ agânhetoem agueim. Pabai anhedyly kâenkyly lelâ agânhekyly. Mâkâ anhekyly, adyese urâ, imery wawylygue. Xirâ mâuntudyzemo kuru wato.

João 7:37

Âty xypyry tohoguezeim kuru ume Jesus saudyly. Kaynâ kehoem aguely: — Yeinwântaungâ, âmaemo kâunduly mâenmakedyze donro modo. Yam âetaungâ, tatuanzeim paru enyze âeto ara.

1 Coríntios 14:13

Âkelo tâjitanru Deus Ispiriturydâba âenigue adâkeze âmaemo-ro watay, Deusram ekadaungâ; “Pabai, ienomedâgâ, tâjitanru tutuzenry auguehobyry âdakeze aguely awyly auguehoem” kewâtaungâ.

Efésios 2:18

Cristo iguehobyry wâgâ, Deus Ispiritury kadyly, Kunwym Deus ezaxi eagâ aguykehoem.

Efésios 3:12

Cristo kieinwândylygue, xurâem kydawylygue warâ, tyanepa kurâ, Deus agâ aguykehoem enado. Tutuze kurâ, mâkâ kydatâ awyly, aguykeho tywantagueze awyly warâ.

Efésios 3:14

Deus anhetyby modo wâgâ kâpaunzeduo, Kunwym enado âzeguhoam tâise urâ, eagâ auguehoem.

Filipenses 4:13

Idânârâ emaenze lelâ urâ, yagâlâ mawânkâ Cristo. Won-honru xuduze kâenmaen-hoem.

Colossenses 3:17

Kywymâry Jesus emary mawylymogue, mâkâ amyguedysemo ato ara aguewâtaungâ, mâkâ amânhedysemo ato ara aietaungâ warâ. “Koendonro âmâ, xinaem amânhetyby wâgâ” kewâtaungâ Kunwym Deusram. Jesuslâ mawânkâ aguykehobyry Deusram sani.

Hebreus 13:15

Awylygue Deus koendâ awyly wâgâ, eon-honru wâgâ warâ aguykely kinmoba kine, kurâem anhetyby wâgâ, Jesus Cristo iguehobyry wâgâ. “Jesus Cristo kâmakerim, kywymâry warâ” tâkeze kurâ. Arâ aguykeduo, Jesus tâinwânse kydawyly tânehonze kurâ. Mâkâem kygâtudo, mâkâ agâ aguykeday kytaumbyry warâ iwerâ eyam kiunduly, ânguydo imeom xyâypy iunu keba.

Hebreus 4:15

Jesus Deus enado tatay, kytyendâ mâkâ, ton-honremba kydawyly ume, kytynru ume, tugüiguepa kydawyly ume, kyanu ume, kydadahulily ume, kydâsenagazedyly ume warâ. Karalâ mawânkâ Jesus kurâem awyly. Kydâsenagazedo aralâ âsenagazemâ. Jesus, Deus neinwâmpyra itoem aienehonze kewânmy Satanás, Jesus kieinwâmpyra kitoem aienehonze keho ara. Jesus olâ âdaunloenlâ Deus izepa ato aniempyra.

Hebreus 7:25

Awylygue mâkâ kâmakeim iwerâ, aunloenlâ Deusram kytâhoem, kâmakeze iguehobyry wâgâ. Tâlâ mawânkâ Jesus iwerâ, aunloenlâ ise tâlâ awyly; Deus ezay mâkâ, tâinwântaynrim modo eynynâ Deus agâ adâkehoem.

Tiago 1:5

Âda midylymo mâuntuba âmaemo watay, Deusram ekadaungâ. Kienkaduo, âdiempa kulâ xudunri mâkeba mâkâ; kienkadobyry wâgâ kagâ tyewiâtuneba ise mâkâ.

Tiago 5:16

Deus izepa ato amânhedylymo-ro watay, agonromo agâ âkaduwâdaungâ. Deusram ekadaungâ, inakanhe amitomobyry nhygakehoem, kua âetomoem lâpylâ warâ. Deus ize ato lelâ aieni nhekadyby ton-honre lelâlâ, Deus ize ato aienehonze.

1 Pedro 2:5

Âtâ saunâtoem tuhu angatoam iedyly myara lâpylâ Deus on-hoam âedylymo, Ispiritury etyem mitomoem. Kurâ domodo eynynâ Deus agâ agueim lâpylâ âmaemo. Deus Ispiritury aguehobyry aralâ, Deus tuomaenze, eagâ adâkeze warâ âmaemo, Deusram ânguylâ mâundulymo waunlo ara. Amyguehomo tydase Deus, Jesus Cristo iguehobyry wâgâ.

1 João 3:22

Kienkadyby xuduze lelâ, aguehobyry kiankabyra kydawylygue, ize ato aguiendylygue warâ.

1 João 5:14

Awylygue Deus agâ agueze tyanepa kydawyly. Ize ato ara kienkadyly-ro watay, tutuze kurâ kydatâ awyly.