João 11:52 - Deus Itaumbyry

⁵² Kurâ judeu domodoem kulelâ inkâba Jesus iguely, idânârâ kurâdo onro anano modoem. Mâkâ iguely, idânârâ tâinwânni modo tâinkonro lelâba, mâkâ nheinwântomoem, tokaleom ara lelâ itoem.

João 11:52 ပူးပေါင်းရင်းမြစ်များ

Lucas 15:8

Jesus aguely myani, enomedâzemo: — Tokalâ pekodo dez moedapeom, tokalâ tiamehonduo, tiamehoymby tuize myani. Lamparina tohobanâze, âtâ tawinkoenze warâ.

Lucas 2:32

Judeu keba modoram xutuen-honze âdara Deus ize awyly, iajinu wâne kydadakobâdo nhesagonly myara. Mâkâ wâgâ, judeu domodo koendâ aguehonze, kurâ domodo mâinduakeyby — kely myakâwâm Simeão Deusram.

João 1:12

Tâlâ olâ myani einwânni lâpylâ, awylygue akaemo Deus xurâem nhenehonly.

João 1:29

Kopaelâgâem João, Jesus nhedyly. Tyam idâly tientuo tonlo modoram aguely: — Etaungâ Deus Ingonotyby. Awâkâ wâgâ ise Deus inakanhe aguitobyry nhygakely. Saguhoem, kordeiru tyâze, tyaduânse warâ mykâinane kurâdo eynynâ Deus agâ aguewâni modo. Awârâ tientuo mykâinane Deus, inakanhe aguitobyry nhygakely. Arâ lâpylâ ise awâkâ âeni kâtaybyay iguely. Awâkâ iguehobyry wâgâ ise, inakanhe aguitobyry Deus nhygakely.

João 10:16

Tâinkâ lelâba ynynonro modobe awyly. Utuzemo, yeinwânsemo warâ. Tokalâ âjiam lelâ ise ynynonro modo kâindâtyguyly, kâentomoem, kaneru odo koendonro, tientoanlâ tâguy indâtyguyho ara.

João 12:32

Kruz wâgâ sakâjibyem kadaunâhonduo, eon-honru sainze urâ. Idânârâ ynynonro modo igâseze urâ, yeinwântomoem — kely Jesus.

Atos 18:10

Agâlâ urâ, nhetâlâ, ânguy âda âepyra itoem. Xirâ âtâ anaym agui kurâdo yeinwânse, amyguely tindatuo — kely myani.

Romanos 3:29

Judeu domodo iDeusry kulelâ mâkeba Deus, judeu keba modo iDeusry alelâ.

Romanos 4:17

Abraão wâgâ iwenibyem Deus itaumbyry awo wâgâ: “Toenzepa kurâdo âkelo modo ‘Tako’ keze âyam” kely iwenibyem. Deus, aunlolâ adâkehobyry ara lelâ aidyly. Deuslâ myakâwândy Abraão nheinwânkyly kuru. Mâkâ mawânkâ igueypy modo kurâem ietoni, saguhoem ipaombyry modo tâlâ ienehoimbyry warâ.

Efésios 1:5

Kywynedylygue myakâwândy Deus, tymeryem kuduakely, Jesus Cristo kurâem anhetyby wâgâ. Arâ Deus aidyly myakâwândy, arâlâ mawânkâ myakâwândy aidyse awyly, adiendyse tato aralâ.

Efésios 3:11

Deus âpaunzedyly myakâwândy, kaudyly iraynâlâ, “Mâkâ tâdâsemaguehoem kâingonokyly einwânni modo urâem ietaynze urâ” kely. Awârâ mawânkâ mâkâ anhekyly iwerâ. Mâkâ kâmakely Cristo Jesus kieinwântuo lelâ.

Tiago 1:1

Urâ Tiago xirâ iweninri. Deus, Kywymâry Jesus Cristo warâ emary urâ. Idânârâ Deus eynynonro modo kâendaenkuly tâinkonro modo lelâba.

1 Pedro 1:1

Urâ Pedro, tywâgâ aguenriem Jesus Cristo ingonotyby. Âmaemo Deus turâem iduakewâdyby modo wayam wayam ityby modoram xirâ kata kâinwenily, Ponto eynynonro modoram Galácia eynynonro modoram, Capadócia eynynonro modoram, Ásia eynynonro modoram, Bitínia eynynonro modoram warâ.

1 João 2:2

Mâkâ lelâ mawânkâ inakanhe aguitobyry epywaze igueypy. Awylygue kieinwândyly-ro watay, tygakeze Deus. Inakanhe aguitobyry kulelâ mâkeba nhygakely; idânârâ mâkâ inakanhe adâitobyry nhygakehoem ekani modo inakanhe aitobyry tygakeze lâpylâ.

1 João 3:1

Angahumo odaylâ Kunwym Deus toenzepa kywynedyly awyly nidâ. Toenzepa kywynedylygue “Ymeombyry” kely kyam. Mâkâ imeom lelâlâ kurâ. Deus eynynâbaom modo olâ nutubamo Deus imeryem kydawyly, eynynonro keba tawylymogue.

1 João 3:10

Tutuzelâ âmaemo, ânguy Deus xurâ, ânguy Diabu xurâ warâ awyly. Koendonro aietânry modo, Cristo eynynâ typemugu iwynedânry modo Deus imeom mâkeba.

1 João 3:2

Iweâma tuomare kurâ, Deus imeryem kydawylygue. Kuomaru kuru olâ ise, eydâ atoram kytâduo. Kiuntuba olâ kurâ, mârâ ume âdara kidyly awyly. Cristo âetonduo olâ xutuze kurâ, eara kitoem aiese mâkâ-ro warâ.

Apocalipse 5:9

Akaemo âzeguhoam ityby modo igâky keankâ mâkâ Kordeiruram. Tâjigâky iwelogue igâtudylymo: — Âmâ lelâ pape sakâjihobyry sakâjigueim, ituwymby ituwyngueim warâ kehobyry. Âmâlâma kruz wâgâ igueypy, âunu iapânibyry warâ. Idânârâ kehoem kurâdo onro anano modo Deus eynynonroem mânhetoem myakâwâm âiguely.