Hebreus 7:14 - Deus Itaumbyry

¹⁴ Tutuze kurâ, Kywymâry Jesus, Judá iwery awyly. Moisés olâ myakâwândy âdaunloenlâ Judá iweom wâgâ aguepa Deus ety oday kurâ domodo eynynâ aguewâni modo wâgâ, tinweniday.

Hebreus 7:14 ပူးပေါင်းရင်းမြစ်များ

Mateus 2:6

“ ‘Kydamu Judáram xuduypy onro odaylâ myakâwâm awârâ xidadâ imeimbyry, Belém. Tâwâlâ lelâlâ wâne mârâ xidadâ imeimbyry awyly. Alâ olâ ise mârâ xidadâ egary, târâ pymâ ton-honreim iazely awylygue. Israelita domodo iwymâry ise mâkâ. Kaneru eni modo tâguy nhedyly ara ise tynynonro modo nhedyly’ nygue Deus” kewânmy Miquéias tinweniby wâgâ — kely judeu domodo iwymârydo Herodesram.

Lucas 1:43

Odaypa iazeim iamudo ise ton-honreim kuru, ymery takaze kehoem. Tuomare olâ urâ, âmâ Kâmakerim ise ietyram mâetobyry wâgâ.

Lucas 3:33

Aminadabe imery, Nasom. Admim imery, Aminadabe. Arni imery, Admim. Esrom imery, Arni. Peres imery, Esrom. Judá imery, Peres.

João 20:13

Anju domodo pekodo nhapâiguelymo: — Âdaituoka ogunru? — kelymo. Aituo pekodo in-hoguly: — Ywymâry eguepybyry nadâmomy. Âdyam nhetomobyry kâuntuba olâ urâ-ro warâ — kely.

João 20:28

Aituo Tomé eyam aguely: — Ywymâry, yDeusry warâ âmâlâ! — kely.

Romanos 1:3

Jesus Cristo Deus imery kywymâryem idyly wâgâ. Onro anaynlâ iazely karalâ. Davi iwerypyry mâkâ; saguhoem judeu domodo iwymâry tynrenseim myakâwândy Davi.

Romanos 2:3

“Akaemo inakanhe aito ara ini modo akaemo alelâ ise Deus nhewentâguyly. Urâma ise kâsenagazebyra” tâkeze âmaemo. Tâdâsenagazedo amaymba mâsemagueba olâ ise âmaemo, Deus mâinwâmpyra matomobyry wâgâ.

Efésios 1:3

Deus kyzehoguene. Kywymâry Jesus Cristo iDeusry, nhunwym warâ mâkâ. Cristo agâ tokalelâ kydawylygue, kagâ koendâ lelâlâ mâkâ. Kydâsemaguehoem, inakanhe aguitobyry xygakehoem warâ toenzepa aienibyryem Deus.

Filipenses 3:8

Iwerâ Cristo lelâ kâinwânkyly, Deus xurâem, koendâ witoem. Cristo kâinwândyly iraynâ Deus iomazeânze uguewâtay, idânârâ agânhetaymby modo kâendyly iwerâ saxium tamuinzeim ara kulâ. Iwerâ urâem Kywymâry Cristo Jesus xurâem tâjidyly, iwâgâ koendâ xutuly warâ koendonro kuru, saguhoem agânhetaymby modo takaze kehoem.

Hebreus 7:13

Deus itaumbyry awo wâgâ tâjitainhoze, kâmakerin-em ingonokyly wâgâ, Kywymâry Jesus wâgâ. Judá iwery mâkâ, Levi iwery keba. Kâzewenry Moisés inweniby ara, Judá iweompyry ewy kydamudo eynynâ Deus enado aguewâpyramo myakâwândy. Judá domodo ewy âdaunloenlâ ânguydo imeom kurâ domodo nhatyby nemakewâbyramo, nyâmpamo, niaduâmpyramo warâ mârâ mesa tuhugueto Deus ety odano wâgâ.

Hebreus 7:15

Iwerâma tâzehoze saguho tâzezewenry xugukerimbyryem Deus awyly, tâlâ mawânkâ kynynâ Deusram agueim Melquisedeque emyenro, Levi, Arão warâ iweompyry emyenro keba.

Apocalipse 22:16

Aituo keankâ Jesus agueondyly: — Jesus urâ. Anju xigonotai, idânârâ âmaemo ywâgâ âsenomedâze âtâdyguywâni modoram xirâ unâ egatuze. Davi iwerypyry urâ. “Ximukâ Emedyly Umeno” urâ — kely.

Apocalipse 5:5

Aituo keankâ akaemo agaityom tynrenseim modo ewy yam aguely: — Tuogunrepa ikâ. Egâ mâkâ, Judá domodo ewy, pymâ Davi iwerypyry leão ara ton-honreim mâkâ. Deus iduery eon-honru idânârâ sainwâm mâkâ. Mâkâ lelâ ise pape sakâjihobyry etyim, ituwyngueim, itainrim warâ — kely keankâ.