Hebreus 5:8 - Deus Itaumbyry

⁸ Toenzepa kruz wâgâ tâsenagazeduo myakâwâm Jesus idânârâ Deus aguehobyry tâinwânseim lelâlâ awyly nhutuly kuru, Deus imery tawyly umelâ.

Hebreus 5:8 ပူးပေါင်းရင်းမြစ်များ

Mateus 3:15

Warâ olâ Jesus aguely: — Ize wato aralâ nidâ. Batiza yekâ. Ara ise Deus ize ato aguiendyly — kely. Aituo João âkeá kely. Jesus batiza âieholy myani, Deus eynynonroem tawyly tienehon-hoem.

João 10:18

Ynynonro modo emakezelâ ise yiguely, awidyse wawylyguelâ. Aypa-ro watay, ânguy yâwâpyra tâise. “Igueze âmâ, kurâem itonze âmâ warâ” Pabai kehobyry aralâ ise awidyly — kely.

João 15:10

Pabai agânhedyse ato agânhepyra witaymba urâ. Awylygue kadahuliba wawyly, ywynedâ awyly tutuze urâ. Arâ lâpylâ, “Aietaungâ” ugueho mâinmopa âmaemo-ro watay, madahuliwâbyra ise âmaemo, âwynedâmo wawyly enanâgueze âmaemo.

João 4:34

— Ânguy ypyniry nenetaymba. Mâkâ ugononibyry agânhetoem aguehobyry aiedylylâ ypyniry. Idânârâ ize ato agânhetuo, âdy izetonze inkâba urâ, tuomare lelâ, âwinduatybyen-ro waunlo ara lelâ.

João 6:38

— Deusdâpa ani kâewyly, ize ato agânhetoem, ize wato aiese inkâba.

Filipenses 2:8

Âdaunloenlâ Tunwym Deus aguehobyry nakadaymba, ize ato ara lelâ idânârâ anhesezedyly. Kâtaybyay myakâwâm mâkâ iguely kruz wâgâ, Deusdâpa kipyra kitoem. Arâ myakâwâm Jesus âwâlâ âewyly kâmakeze.

Hebreus 1:2

Xirâ ume, xypyry iwaguepa idyly iray olâ mâkâ imerylâ Deus kiuntudyze ato agueim. Tymery agâlâ myakâwândy Deus idânârâ nhugudyly. Idânârâ tiungutyby modo sodoem itoem tymeryam aguewânmy.

Hebreus 1:5

Deus myakâwândy anju domodo ewyram: “Ymery âmâ, unwâm urâ warâ; kurâdoram ymery mawyly kâenehonly warâ” kepa, tymeryam adâkehobyry ara, warâ iwenibyem awyly. Deus itaumbyry awo wâgâ iwenibyem âdaunlo anjuam wakewâpyra: “Nhunwym ise urâ; ymery ise mâkâ” kewâpyra; tymeryam lelâ myakâwândy arâ aguely.

Hebreus 1:8

Kunwym Deus tymeryam aguewânmy: “ ‘Âdaunloenlâ nadainwâpyra ise pymâem mawyly. Koendâ lelâ ise âynynonro modo mâendyly.

Hebreus 3:6

Cristo Jesus olâ âtâ sodo imery kuru emyenro, Deus imery lelâlâ awylygue. Cristolâ âtâ oday xutuim kuru, Deus aguehobyry ara kehoem anhedyly. Kurâ Jesus einwânni modo, Kunwym Deus ety kurâ, ton-honre Jesus kieinwântuo, “Xuduze urâ” Deus kehobyry kinwânwânsezeduo warâ.