Hebreus 4:7 - Deus Itaumbyry

⁷ Eagonro umenoem iduakerimbyryem Deus, “Iwerâ” kelygue nhezetâdyby, tâdâsemaguely wâgâ agueim, mâkânra tadaintoem. Iweâpa kydamudo Deus neinwâmpyra atobyry sakadybyem awyly ume, Davi aguehoem aguewânmy Deus: “Iwerâ âyanmo Deus agueho mâindadylymo-ro watay, tâeganepa itaungâ” kely.

Hebreus 4:7 ပူးပေါင်းရင်းမြစ်များ

Mateus 22:43

— Iozepa kulâ amyguelymo. Tutuzelâ myakâwândy Davi, âdaunlolâ kurâ takaze kehoem ton-honreim Messias awyly. Awylygue “Ywymâry” kewândy Davi Messiasram, niazepa awyly umelâ. Deus Ispiriturylâ mawânkâ eyam xutuen-hoim. Tutuzelâ âmaemo Davi inweniby:

Marcos 12:36

Tutuzelâ myakâwândy Davi, âdaunlolâ kurâ takaze kehoem ton-honreim Messias awyly. Awylygue “Ywymâry” kewândymy Davi Messiasram, niazepa awyly umelâ. Deus Ispiriturylâ mawânkâ eyam xutuen-hoim. Tutuzelâ âmaemo Davi inweniby: “Deus aguely myakâwâm Ywymâryram: ‘Yahoru eynynâ ikagâ tynrenseim ekadodâ, âduery modo eon-honru kainly ara, âdydo ara kulâ âhuru iaxi kânhedylymo ara’ kewândymy Deus” kely myakâwândy Davi inwenily, Deus Ingonotyby wâgâ.

Lucas 20:42

— Tutuzelâ myakâwândy Davi, âdaunlolâ kurâ takaze kehoem ton-honreim Messias awyly. Messias wâgâ Davi tywenize myakâwândy pape Salmos wâgâ: “Deus aguely myakâwâm Ywymâryram: ‘Yahoru eynynâ ikagâ tynrenseim ekadodâ,

Atos 2:29

Aituo myani Pedro agueondyly: — Ypemugudo, koendâ mâuntuhomoem awârâ Davi inweniby wâgâ agueze urâ. Tywâgâ inkâba myakâwândy aguely. Iweâpa mawânkâ myakâwândy kydamu Davi iguely. Eguepybyry sadyly myakâwândy, tâtagueim esagueyby tuhu imâsedo odaji. Târâ myakâwândy inwânzely. Iwague inkâba mâkâ Davi eguepybyry etadâdobyry tâtagueim tarâ awyly.

Atos 2:31

Awylygue myakâwândy Davi tutuze lelâ awyly Deus ingonokylybe awyly. Deus Ingonotyby igueypyem, kurâem itondyly Deus eon-honrugue awyly tutuze myakâwândy. Awylygue myakâwândy, “Igueypyem lelâ mânhenehomba, eguepybyry mâinwânzeânehomba warâ ise âmâ” kely.

Atos 28:25

Aituo idânârâ idâlymo, âjigue tâtunâgueze. Egasedaymo myani Paulo eyanmo aguely: — Kydamudoam Deus Ispiritury aguehobyry Isaías inweniby enanâguewâdaungâ:

Hebreus 3:15

Xirâ mawânrâ Deus itaumbyry awo wâgâ agueho: “Iwerâ âyanmo Deus agueho mâindatuomo, âdamudomo ara tâeganepa itaungâ. ‘Deus wâgâ kydâtynanâdaymba kine’ kewânmomy.”