Hebreus 3:11 - Deus Itaumbyry

¹¹ Awylygue eagâmo yewiâpadyly; ton-honre kehoem auguely: “Ynynonro modoram kâunduly” ugueho onroam âdaunloenlâ naintaymbamo, negawântaymbamo warâ ise; auguehobyry ara âdaunloenlâ târâ nekobyzeguebamo ise warâ’ ” kewândymy Deus kydamudo wâgâ, warâ iwenibyem awyly Deus itaumbyry awo wâgâ.

Hebreus 3:11 ပူးပေါင်းရင်းမြစ်များ

Hebreus 4:3

Kurâ mâkâ einwânni modo olâ, Deus ezaxi idâze kurâ, einwânnipyryem kydawylygue, ekobyzegueze kurâ warâ, Deus aguehobyry ara. Mâkâlâ myakâwândy warâ agueim: “Awylygue eagâmo yewiâpadyly; ton-honre kehoem auguely: ‘Ynynonro modoram kâunduly’ ugueho onroam âdaunloenlâ naintaymbamo, negawântaymbamo warâ ise; auguehobyry ara âdaunloenlâ târâ nekobyzeguebamo ise warâ” keim. Mârâ âji kokobyzegueho nhontybyem awyly myakâwândy, onro, iwogonro modo warâ nhugudyly iraynâlâ. Onro, kau, iwogonro modo warâ xugunipyryem, tâwanu nhewanikelylâ myakâwândy.

Hebreus 4:5

Unâ tâzekobyzegueho wâgâ agueim Salmosdâ iwenibyem lâpylâ, Deus aguehobyry: “ ‘Ynynonro modoram kâunduly’ ugueho onroam âdaunloenlâ naintaymbamo, negawântaymbamo warâ ise; auguehobyry ara âdaunloenlâ târâ nekobyzeguebamo ise warâ” warâ myakâwândy Deus aguely kydamudo tâinwântânry modo wâgâ.

Hebreus 4:9

Awylygue tâlâ Deus induakewâdyby modo ekobyzegueho, idânârâ tâlânro modo xugunipyryem sete emedyly itobyry wâgâ Deus ekobyzeguehobyry ara.