Hebreus 12:3 - Deus Itaumbyry

³ Koendâ mâkâ wâgâ âpaunzedaungâ. Toenzepa âsenagazemâ, Deus ize ato aietânry modo âdalâ kulâ adyedyly emaenwâm warâ. Awylygue Deus ize ato aiedyly nimoba atobyry enanâguewâdaungâ; tuomareba tâiseba lâpylâ itaungâ; einwândyly kâjimowâdaundâ warâ.

Hebreus 12:3 ပူးပေါင်းရင်းမြစ်များ

Mateus 11:19

Aguitobyry, aguykehobyry warâ wâgâlâ Deus nhutuly xurâem, xurâempa warâ kydâzeholy — kely Jesus.

Mateus 12:24

Awârâ tindatuo fariseu domodo aguely: — Kadopâ modo iwymâry Belzebu eon-honrugue kulâ awâkâ kadopâ modo nhânkyly — kelymo; kewâdylymo kulâ olâ.

Mateus 15:2

— Kydamudo ezewenrypyry ara inkâba âynynonro modo aidyly. Tâwinduatomoem nâzemaunguewâbyramo, kâzewenry ara. Kâzewenry nhakadylymo. Koendâpa akaemo awârâ modo inmoly — kelymo.

Mateus 21:23

Jerusalémram saintybyem, Jesus idâly Deus ety odaji. Târâ kurâdo nhenomedâdyly ume, kurâdo eynynâ Deus agâ aguewâni modo iwymârydo, eagonro pymâ modo warâ eyam idâlymo. Aituo nhapâiguelymo: — Ânguyka tarâ Deus etydâ arâ amitoem agueim? — kelymo.

Mateus 21:46

Awylygue Jesus tientadânehondyze idylymo, tyâen-hon-hoem. Âjigue aguelymo: — Iweâ lelâlâ kianwânehonly watay, kurâdo kagâ iewiâpaze Xurâmoem, koendonro lelâlâ awâkâ Jesus, Deus eynynâ aguenri awâkâ — kelymo. Awylygue Jesus âdara niepyra awylymo ilâenlâ.

Mateus 22:15

Jesus aguely tindatuo myani fariseu domodo âxiguely âtunâgueze, Jesus tienwentâdomoem. Warâ aguelymo: — Moisés inweniby wâgâpa kulâ aguehoem aguyjiene — kelymo.

Lucas 14:1

Tâzekobyzegueho oday myani fariseu domodo iwymâry ewy Jesus tâtyram âwinduase idâhoem ingâsedyly. Aituo Jesus idâly. Idânârâ tonlo modo Jesus nhenuagaendylymo, âdylâ anhedyly tientomoem, “Âdylâ adyesenry aiese lelâlâ enra tâzekobyzegueho oday” tâkeduomo.

Lucas 15:2

Fariseu domodo, Moisés inweniby wâgâ enomedâni modo warâ myani Jesus nhunâguedylymo. Aguelymo: — Kurâdo inakai modo agâ tadawyly keduonro. Eagâmo tâdâwinduadyly keduonro warâ merâ uguondo — kelymo.

Lucas 16:14

Toenze kulâ dinheru izetonro mâkeba fariseu domodo. Aituo, “Deus ize ato amânhekylymo atay, toenzepa âdype midylymo wâgâ mâpaunzedylymo atay warâ iduakewâdaungâ” Jesus kely tindatuomo, aguehobyry wâgâ âwankuem nhedylymo.

Lucas 2:34

Simeão agueondyly myakâwâm eyanmo: — Deus agâmolâ ise, nhenimoem — kely. Aituo myakâwâm Jesus isenra aguely: — Deus induakeyby wâne merâ iamudo, kypemugudo judeu domodo ewy âmery neinwâmpyramo olâ ise. Awylygue ise Deus agâpa âieholymo. Igueduomo âji tâdâsenagazedoram ise idâlymo. Tâlâ pylâ olâ ise âmery einwânni modo. Deus eydâpa nâiehobamo ise-ro warâ. Igueduomo eydâ atoram ise idâlymo. Âmerylâ ise kurâ domodoram âdara âsemaguelymo wâgâ aguenri. Toenzepa olâ ise izepanro modo.

Lucas 5:21

Moisés inweniby wâgâ enomedâni modo, fariseu domodo warâ Jesus aguely tindatuo, tâpaunzezemo myani. — Koendâpa awâkâ Jesus aguely! Deus nhunâguedyly kulâ awâkâ! Deus agâ âzekiba tâidyse awyly kulâ! Âdaunlo uguondo nhygakehonly mâkeba awârâ inakanhe adâjitobyry modo! Deus lelâ awârâ xygakerim — kelymo.

João 10:20

— Kadopâbe itybyem awâkâ! Awylygue âindâ kulâ awyly! Aguely kâjiwantaguedaundâ — kelymo. Tâlâ olâ warâ aguewâni modo:

João 18:22

Arâ Jesus agueduo, Deus ety iguardary ewy eydâ iwaguepaom inwapagainly, aguely warâ: — Arâ adâkezeba ikâ kurâdo eynynâ Deus agâ aguewâni modo iwymârybyryam! — kely Jesusram.

João 5:16

Jesus nhewiâsedylymo nhenuagaendylymo warâmo myani, tâzekobyzegueho oday kua nhedyly awylygue. Awylygue eynynâ inakanhe aguelymo:

João 7:12

Toenzepa iwâgâ aguewâni modo. Aguelymo: — Koendonro lelâlâ mâkâ — keim. Tâlâ, — Koendonro mâkeba mâkâ, konokuni kulâ — kewâni modo warâ.

João 8:13

Fariseu domodo eyam aguely: — Âwâgâlâ awârâ amyguely. Ânguy âkealâ amyguely awyly eon-hondâni lâpeba. Awylygue amygueho âdyem nipyra awyly — kelymo.

João 8:52

Arâ Jesus aguely tintaduo, judeu domodo iwymârydo, aguelymo: — Iweâma tutuze xina, kadopâ agâ kulâ mawyly! Iweâpa myakâwândy kydamu Abraão iguely. Idânârâ saguhoem Deus eynynâ agueim modo lâpylâ iguewânmo. Warâ olâ amyguely: “Idânârâ auguehobyry einwântaynrim modo niguewâpyramo ise” myguely.

João 8:59

Jesus aguely tindatuomo, tyândyse idylymo. Tuhu nhanâdylymo, nhonwa tiamehomoem. Totoenze olâ ani. Aituo Deus etydâba egasely.

João 9:40

Fariseu domodo ewy eydâ iwaguepalâ. Aituo aguely indadylymo. — “Epy ara” mygueduo, xinaranlâ enra amyguely? — kelymo.

1 Coríntios 15:58

Ypemugudo Cristo eynynâ kâinwyneguyly modo, Jesus toenzepa einwândyly kâjimowâdaundâ. Deus kodo iweloem ietonze awyly einwândyly kâjimowâdaundâ. Kywymâry Jesus amânhetomoem aguehobyry, amânhepyra tâiseba itaungâ. Alâ kulâ inkâba ise xurâem amitomobyry, amyguehomobyry warâ, eagâ kydawyly ume.

2 Coríntios 4:1

Kytyeni tawylygue ani Deus xina induakely itaumbyry egaturin-em. Awylygue xina tugüiguepa nipyra awyly, toenzepa eon-honru umelâ, tâsenagazedyly umelâ warâ.

2 Coríntios 4:16

Awylygue xina tâegane lelâ awyly. Kopaelâgâembaba lelâlâ wâne xina iduadyly, ton-honremba xina idyly warâ, xina egadopyry olâ xina oday kopaelâgâembaba iweloem isezedyly lakuru, Deus xurâem adâjidyly xina nimopa itoem.

Gálatas 6:9

Awylygue koendonro Deus ize ato aiese kokozeba kine. Arâlâ aguisezedyly watay, Deus “Warâ ise” kehobyry odaxi ituo, koendonro kyam xuduze Deus, âpa ezay tâwaneim koendâ pyni ekaunâni ara.

2 Tessalonicenses 3:13

Âyanmo olâ warâ auguely: “Cristo eynynâ ypemugudo, koendâ amisezedylymo kâjimowâdaundâ” uguely.

Hebreus 12:2

Jesus lelâ kânanano nidâ, mâkâ tâgaseim, tâzegaky xypyryam taindyly lelâ enanano myara. Jesus wâgâ mawânrâ Deus einwândyly adaguly; Jesuslâ kieinwânsezedoem aienehoin-ro warâ. Kywypado kruz wâgâ tâjiguely awyly umelâ myakâwâm Jesus iguely kâjipyay. Tutuze mawânkâ Deus aguehobyry adiendyly-ro watay, tuomare lelâ tawyly. Awylygue arâ adâieholy nhemaenly lelâ. Iwerâ Deus ekadodâ eahoru eynynâ ekadybyem awyly, Deus eyam aguehobyry ara.

Hebreus 12:5

Deus on-honwanâdomoem aguehobyry mâenanâguebaka âmaemo, tâjiunwym tymery eon-hondâze agueho ara aguehobyry? “Mery, âDeusry agueim, idakâ wao auguely. Amânhedyseba wato amânhedyly watay, ton-honre kehoem ise âyam auguely. Âurudyly watay, idakâ. Agâikeduo, tâjityenzeba ikâ, inakanhe amidylyguema âurudyly.

Hebreus 3:1

Cristo eynynâ ypemugudo, Deus ingâsedybylâ âmaemo, aunloenlâ eagâ mitomoem. Kynynâ aguenriem Deus Ingonotyby Jesus awyly xutuwâdaungâ, târâ Jerusalémdâ Deus ety oday kurâ domodo eynynâ aguewâni modo iwymâry kuru Deus agâ agueim ara. Awylygue, Jesus wâgâ mâpaunzebyra tâiseba itaungâ.

1 Pedro 2:23

Tâjiwykeoduo, koendâ lelâ aguely, ânguy niwykeba. Kruz wâgâ tâsenagazeduo, “Inagazezemo lâpylâ urâ ayetomobyry wâgâ” kepa akâwâm. Warâ akâwâm aguely: “Deus emaxilâ kâtuly” kely. Tutuze Jesus, Deus koendonro, iozeno lelâ warâ awyly, tânagazeni modo âdanhedyly tutuze warâ.

Apocalipse 2:3

Ynynonro keba modo inagazedâmo, yeinwândylymogue. Mâzenagazeolymogue kulâ yeinwâmpyra mipyra olâ keankâ âmaemo. Toenzepa wâne mâzenagazeomo, tuomareba mipyra olâ mataunaguynre.