Hebreus 11:23 - Deus Itaumbyry

²³ Deus tâinwânse myakâwândy Moisés nhunwym, ise warâ. Awylygue myakâwândy tymery iazeduo nhoendylymo ânguy nepyra atodâ, tyâzepa itoem. Azagâ tokalâ warâ nunâ ara myakâwândy nhoendylymo. Tywâkureim awylygue, tâwanu aieniem Deus induakeyby mâkâ iamudo awyly xutuwânmomy. Awylygue myakâwândy egípcios domodo iwymâry aguehobyry sakaze tyanepa awylymo, iamudo uguondo imeombyry modo idânârâ xyâwâdyly kehobyry.

Hebreus 11:23 ပူးပေါင်းရင်းမြစ်များ

Mateus 10:28

— Ârinmo kâdytadaundâ; igadopyrymo âdaunloenlâ adaindânry tyân-hoem ton-honremba mawânkâ. Tâwâlâ lelâlâ wâne inagazedylymo. Ton-honremba olâ Satanás eydâ tatoram ogonosemo. Deus anhekyly xytadaungâ. Awâkâ kulelâ mawânkâ âigueduomo, Satanás eydâ atoram ogonosemo ton-honreim.

Atos 7:20

Mârâ ume myakâwândy kydamu Moisés iazely. Iamudo iwâkuru kehoem myakâwândy mâkâ. Azagâ tokalâ warâ nunâ myakâwândy nhunwym, ise warâ soenseze awyly âtâ oday.

Hebreus 13:6

Awylygue tâegane lelâlâ, tâinwânse lelâlâ warâ aguykenre: “Ywymâry Deus mawânkâ idani, iemawyadâdoem kâingâsedyly watay. Awylygue tyanepa wawyly. Âwâlâ wâne urâem ânguylâ inakai aiese kely, yagâlâ olâ mâkâ Deus, ietâ-ro warâ” kykenre, itaumbyry awo wâgâ iwenihobyry ara.