Gálatas 4:4 - Deus Itaumbyry

^4-5 Adâkehobyry odaxi ituo, tymerylâ akâwâm Deus ingonokyly, Maria oday iazehoem. Idânârâ judeu domodo ezewenry iweniby ara lelâ aidyly, judeuem tawylygue. Mâkâ iguely myakâwâm xina emakeze, xina Moisés inweniby tâzezewenry tyeinwântuo, tâsemaguely inwânwânipyry modo. “Xina” ugueondyly, ypemugudo wâgâ auguely awylygue, judeu domodo. Deus, tymery ingonodyly myakâwâm tâinwânni modo nhemakehoem, Deus imeryem kitoem lâpylâ.

Gálatas 4:4 ပူးပေါင်းရင်းမြစ်များ

Mateus 3:15

Warâ olâ Jesus aguely: — Ize wato aralâ nidâ. Batiza yekâ. Ara ise Deus ize ato aguiendyly — kely. Aituo João âkeá kely. Jesus batiza âieholy myani, Deus eynynonroem tawyly tienehon-hoem.

Mateus 5:17

Jesus aguely: — “Jesus aguehobyry lelâ iwerâ kyzeinwâne, âdaitoem saguhoem Moisés agâ, tunâry egatuwâni modo agâ warâ, Deus aguehobyry kieinwântaymba kurâ” tâkezeba itaungâ. Deus Moisésram kâzewenry inwenien-hoymby koendâ kuru mâuntuhomoem xirâ kâewyly, mâinmohomoem inkâba.

Marcos 1:15

Aguely myani: — Inepa ise idânârâ mâuntulymo Deus pymâ ton-honreim awyly. Âjityendaungâ, inakanhe amitomobyry wâgâ. Inakanhe adâjidyly imowâdaungâ warâ. Deus itaumbyry iwâkuru einwântaungâ — kely.

Lucas 1:31

— Adamyze âmâ. Jesus kelygue ise âmery mâenzetâdyly.

Lucas 1:35

Aituo anju aguely: — Deus Ispiriturygue ise madamyly. Deus tâgareim Ispiritury onwa âese âmezehoem. Awylygue ise iamudo iazeim “Kywymâry Deus Imery” kelygue ezeku. Deus imery tawylygue ise, Deus ize ato lelâ anhekyly — kely.

Lucas 2:7

Toenzepa myakâwâm târâ kurâdo awyly. Âtâ âxidâdomo peba myakâwâm. Awylygue myakâwâm tapirâ xykyhodâlâ âxidâdylymo. Târâ Maria imebyary uguondo imeimbyry iazely. Tymery ikowendânibyryem myakâwâm Maria nheguetunâdyly tapirâ xuato odaji.

Lucas 20:44

Davilâ myakâwândy Messias tywymâryem awyly agueim. Awylygue kiuntuly âdaunlo kulâ uguondo keba awyly. Messias tynrenseim kuru awyly xutuwâdaungâ, Davi takaze — kely Jesus.

João 1:14

Deus kyam Xutuen-hoim Jesus Cristo karalâ akâwâm kurâem awyly. Kuduaylâ akâwâm xirâ onro anaym awyly. Kagâ koendonro lelâlâ mâkâ. Mâkâlâ mawânkâ âkealâ kuru âdaunlo Deus awyly xutuen-hoim. Deus imery tokaleom tawylygue, koendâ, ton-honre warâ mâkâ. Tâense kurâ koendonro kehoem awyly, ton-honre awyly warâ.

João 10:36

Deuslâ xirâ onro anaxi ugononi, aguehobyry aiese. “Deus imery urâ” ugueduo kulâ, “Deus nhunâguedyly awâkâ” myguelymo.

João 3:16

Idânârâ Deus kywynedyly. Awylygue urâ tymery tokaleom ugonodyly. Idânârâ yeinwântaynrim modo eyam âzemakeoze. Deus agâpa tyetunebamo ise, aunlolâ ise eagâ awylymo.

João 6:38

— Deusdâpa ani kâewyly, ize ato agânhetoem, ize wato aiese inkâba.

João 8:42

Aituo Jesus aguely: — Deuslâ unwânmo-ro watay, ywynedâ tâise âmaemo, Deus ingonotybyenlâ mawânrâ tarâ wawyly. Âwâlâ kulâ inkâba kâewyly. Deuslâ mawânkâ ugononi.

Atos 1:7

Aituo myani Jesus in-hoguly: — Tâseguâdâzeba itaungâ awârâ wâgâ. Pabai Deus “Warâ ise aidyly” kehobyry saintuo, idânârâ aguehobyry ara aise. Mâuntulymo keba ise anhekyly modo; âdara aidyly awyly mâuntuwâbyra ise âmaemo. Pabai kulelâ xuturim.

Romanos 1:3

Jesus Cristo Deus imery kywymâryem idyly wâgâ. Onro anaynlâ iazely karalâ. Davi iwerypyry mâkâ; saguhoem judeu domodo iwymâry tynrenseim myakâwândy Davi.

Romanos 15:8

Saguhoem Deus aguewândymy xina idamudo Abraãoram, Isaquenra, Jacóram warâ: “Igonose urâ âpemugudo emawyadâni, emakeim warâ” kewândymy. Awylygue, Cristo âewyly judeu domodo emawyadâniem, emakeinhe warâ itoem, adâkehobyry adyese lelâlâ tawyly Deus nhenehon-hoem eyanmo. Âewyly myakâwâm judeu domodo xurâem koendonro aiese.

Romanos 5:6

Âwâlâ kydâsemaguehoem ton-honremba akâwâm kurâ. Awylygue Deus aitoem aguehobyry odaji ituo, Jesus Cristo kurâem iguely myakâwâm, koendonro keba kulâ aieni modoem.

Romanos 8:3

Ton-honre Moisésram inwenien-hoymby idânârâ aguientoem. Awylygue mârâ tâzezewenry wâgâ kulâ kydâsemaguehoem nudupa awyly. Deus lelâ ton-honreim, inakanhe aguitobyry xygakeze. Tymery Jesus Cristo igonomâ. Karalâ akâwâm iazely xirâ onro anaym. Kâmyenro lelâlâ wâne, âdaunloenlâ Deus izepa ato aniempyra olâ. Deus imery iguely myakâwâm, inakanhe aguitobyry xygakehoem. Inakanhe tadawyly emaym kurâ-ro waunlo ara akâwâm, mâkâ olâ inakanhe tadawyly emaymba kâmakedâ, Satanás “Aiekâ” kehobyry aguiempyra kitoem.

Romanos 9:5

Iweâpa lelâlâ Abraão, Isaque, Jacó (Israelgue tâzekeim lâpylâ) warâ umepa myakâwâm Jesus iazely judeuenlâ akaemo ewypyry awylygue. Uguondo tynrenseim modo iwerypyrylâ mâkâ. Deus mâkâ, idânârâ xuturim, eni, aunlolâ tohoguezeim warâ.

Efésios 1:10

Warâ myakâwândy xunâry: “Aitoem kâinduakeyby iume ise Cristo idânârâ tâlânro modo iwymâryem itoem agânhenehonly, iezano modo, onro wogonro modo alelâ iwymâryem itoem” kewânmy Deus.

Colossenses 2:14

Deus agâ kiempywaguylybe akâwâm kurâ, izepa ato aguiendylygue kygondagu waunlo ara. Kygondary kiempywabyra kydawylygue, aunloenlâ tâise Deusdâ iwague kydawyly. Deus olâ kygondary tainze; kagâ koendâ lelâ mâkâ iwerâ; Cristo mawânkâ iguewâm kruz wâgâ kygondary epywaze.

1 Timóteo 2:6

Jesus iguely myakâwâm, iwâgâ idânârâ kydâsemaguehoem, kieinwândyly-ro watay. Deus aguehobyry odaylâ tyiguely awyly tienehon-hoem myakâwâm iguely, Deus idânârâ kydâsemaguedyze awyly xutuhoem warâ.

1 Timóteo 3:16

Imâem kieinwânkyly Deus nhutuen-hoymby Jesus wâgâ âkealonro awyly. Xirâ mawânkâ nhutuen-honly: Jesus kurâem idyly; onro anaxi tâetoem. Deus imerylâ Jesus awyly nhenehonly Deus Ispiritury, igueypyem awyly ume kurâem nhetondobyry wâgâ. Anju domodoram eon-honru, ehogu warâ âzeholy. Mârâ anakâ lelâba eynynonro modo iwâgâ aguelymo. Mârâ anakâ lelâba iwâgâ aguely idanipyry modoram toenzepa âzeinwân-honly. Deus ezaxilâ akâwâm adaholy, pymâem kuru itoem.

Hebreus 2:14

Kurâ, Jesus “ymeombyry ara kâenkyly modo” keho, tune, tunre warâ kurâ awylygue mawânkâ karalâ iazely. Arâ tyazeduo mawânkâ kâmakeze iguely, Diabu pymâem awyly, eon-honru warâ tyain-hoem. Diabu mawânkâ kyiguehoem aienehoim.

Hebreus 9:10

Saguhobyry modo nheinwânkyly mykâinane tâentuneim modo lelâ, tâinzeim, tâinzenry, tânyzeim, tânyzenry, todokoguely wâgâ, Deusram âdydo imeom egamely wâgâ warâ mykâinane aguelymo. Mârâ tâzezewenry kyangahu oday kunâgo wâgâ, ize kydato wâgâ, kuodano Deus wâgâ aguykeho wâgâ warâ aguepa mykâinane. Saguho tâzezewenry einwândyly myakâwâm, iwelo einwândyly adaguly ara kulâ.

1 João 4:14

Xina Jesus agonropyry modo tutuze xina, einwânni modo emakeze Kunwym Deus tymery ingonodyly awyly. Xina emâ, iwâgâ egatuly xina nimoba-ro warâ.

1 João 4:2

“Jesuslâ Messias, Deus Ingonotyby. Karalâ mâkâ kurâem awyly, tunre, tybygue warâ; egadopyry mâkeba” keim tutuze kurâ, Deus Ispirituryam aguehoymby awyly aguehoem.