Efésios 5:24 - Deus Itaumbyry

²⁴ Cristo kieinwânto ara, arâ lâpylâ tâjiwysaro modo tuso neinwândâmo.

Efésios 5:24 ပူးပေါင်းရင်းမြစ်များ

Lucas 10:17

Deus xunâry egatuze idâypyem myani setenta e dois uguondo modo odopâdylymo; Jesusram aguelymo: — Tuomare kehoem xina. Toenzepa kurâ domodo kadopâbeom xina kua niedâ. Kadopâ modo egasewâdyly keankâ, Jesus ezedy xina agueduo, “Jesus eon-honrugue xina aidyly” xina keduo — kelymo.

Efésios 5:23

Tâjiso mawânkâ tywydy xuturim, Cristo tynynonro modo nhutuho ara. Kâmakeim mâkâ Cristo, kieinwântuo. Kyangahu mâkâ Cristo, sodo emyenro pylâ kurâ-ro warâ.

Efésios 5:25

Tâjiso modo, âwydymo koendâ etaungâ, iwynedaungâ, Cristo kywynedo ara. Kywynedylyguelâ myakâwâm iguely kâmakeze.

Efésios 5:33

Cristo agâ tokalelâ kydawyly wâgâ auguelâ wâne, xirâ auguely olâ ohogüinwâdyby modoram, tokalelâ mawânkâ ohogüimby modo. Awylygue, tâjisodo, âwydymo nhontaungâ, tâwâlâ mohondomo ara. Tâjiwysarodoam xirâ augueondyly. Osomo xyrentaungâ, pymâ mâynrentomo ara.

Colossenses 3:20

Tâjimeombyry modo, unwânmo, âzemo warâ einwântaungâ. Awârâ mawânrâ Deus ize ato, Kywymâry Jesus xurâem mawylymogue.

Colossenses 3:22

Tâwanuneim modo, pymâ xirâ anano modo aguehobyry kadakadaundâ. Inuagaendylymo ume lelâ inkâba âsewaniwâdaungâ, koendâ amyguehon-hoem kulâ waypa. Koendâ lelâ âsewaniwâdaungâ, Kywymâry Jesus einwânni mawylymogue. Aiedyse ato mankadylymo tytazema âmaemo.

Tito 2:7

Tito, âmâlâ koendâ lelâ aikâ lâpylâ, amito ara lelâ Jesus einwânni modo aitoem. Jesus wâgâ unâ mâengatuday, koendâ lelâ aguekâ, tâwankunremba warâ.

Tito 2:9

Tâwanuneim modo xurukâ: “Eagâ iwanomo âwankuem kâietaundâ, einwântaungâ warâ. ‘Aiekâ’ kehobyry aietaungâ, tylahureba.