Colossenses 4:5 - Deus Itaumbyry

⁵ Cristo wâgâ tâdâsemaguely amyguedaymo, Deus inomerymo nhuduhobyry ara einwântânry modo agâ itaungâ. Arâ ise Cristo wâgâ mâengatulymo mâindanehonlymo mâuntuen-honlymo warâ.

Colossenses 4:5 ပူးပေါင်းရင်းမြစ်များ

Mateus 10:16

Jesus aguely: — Ydataungâ. Deus xunâry egatuze ogonodylymo kâmayno modo duaxi, auwa tâwinzeim modo duaxi kaneru igonodyly ara. Âgâu ara, tonomegue itaungâ, kâmaynodâpa tâdâsemaguely mâuntuhomoem. Koendâ olâ itaungâ, papa ara, âdanimo mânhewiâpanânehomba mitomoem.

Marcos 4:11

Aituo Jesus in-hoguly: — Saguhoem mykâinane Deus nutuen-homba âdara idânârâ iwymâryem tâidyly. Urâlâ olâ xutuen-hoim âyanmo, âmaemoma mâindadysedonromo. Koendâ ise âyanmo kâuntuen-honly. Deus koendâ tiuntudyzebaom modo olâ unâ tâgatuzeingue lelâ kâenomedâdyly.

Romanos 16:19

Âkelo anaym einwânni modo adâkezemo: “Jesus xurâ Roma donro modo Jesus aguehobyry aniempyra nipyramo” tâkezemo. Âmaemo Roma donro modo Jesus einwânni modo arâ igarymo kâindadylygue, toenzepa womaru. Koendonro modo lelâ olâ koendâ mâuntudyzemo wato, amânhekylymoem. Inakai amânhedysebamo urâ, eagonro modoram akâienehonwâdaundâ lâpylâ warâ.

Colossenses 3:16

Aunlolâ Cristo xunâry odaymope nidâ, idânârâ amânhekylymo, âtaumbyrymo warâ Cristo aguehobyry ara lelâ itoem. Agonromo enomedâdaungâ, xurutaungâ warâ, idânârâ tâzenomery Deusdâpa âeni mâuntuybymogue. Deus itaumbyry awo wâgâ iwenibygue âgâtudaungâ, livru Salmos wogonrogue. Deus wâgâ agueingue âgâtudaungâ, kurâem anhetybygue warâ. Deus Ispiritury tâjigâky nhuduypygue âgâtudaungâ. Tuomare kehoem Deus xurâem âgâtudaungâ, ânguyem awyly wâgâ agueingue, anhekyly wâgâ agueingue warâ.

1 Tessalonicenses 4:12

Arâ lelâ amisezedylymo-ro watay, âwâgâmo koendâ agueze Jesus eynynâbaom modo: “Etaungâ asaemo Jesus einwânni modo. Typynirymo, tâty tywogonro warâpe tâitoem âsewanirim asaemo. Koendonro asaemo” kezemo. Ize matomobe lelâ ise âmaemo; ânguyram tâkaremba ise âmaemo warâ.

1 Timóteo 3:7

Jesus einwânni modo iwymâry anhekyly wâgâ koendâ nâzeho, Jesus xurâ keba modoram, xurâ modoram alelâ. Inakai anhedyly watay, Jesus xurâ keba modo inakanhe iwâgâ aguezemo lâpylâ. Diabu iwyndyry odaji ihuguelylâ ise mârâ. Jesus einwânni modo iwymâry Deus izepa ato anhedyly mawânkâ Diabu ize ato, Deus xurâem ewano âdyem nipyra itoem.

Tiago 1:5

Âda midylymo mâuntuba âmaemo watay, Deusram ekadaungâ. Kienkaduo, âdiempa kulâ xudunri mâkeba mâkâ; kienkadobyry wâgâ kagâ tyewiâtuneba ise mâkâ.

Tiago 3:13

Âduaymo tâlâ âdy iozeno, âdy iozepaom warâ awyly xutuim watay, koendâ adâidylyguelâ awârâ nenehomo. Koendâ adâidylygue, sawoem nipyra tiuntuyby aniendâmo.

Tiago 3:17

Konomery Deusdâba âenibe kurâ-ro watay olâ aguidyly, âdygue kâwentânehomba. Ânguy kieumpyra kurâ; kintoguyba kurâ. Koendâ lelâ ize kydawyly. Idânârâ agâ kataen-honu. Toenzepa kinwynedyly lelâ. Koendonro modo aguienkylygue âdaunlo modolâ kienmawyadâguyly. Aguykehogue, aguienkylygue warâ ânguy kienokubyra kurâ warâ.

1 Pedro 3:1

Tâjiwydy modo, osomo einwântaungâ. Deus aguehobyry neinwâmpyramo lelâlâ wâne, amidylymo koendâ awyly tientuolâ ise tyeinwândyse idylymo, Jesus wâgâ unâ eyanmo amyguezesebyramolâ.