Atos 9:6 - Deus Itaumbyry

⁶ Aukâ. Idâ âtâ anaxi. Târâ ise mâduruholy amânhekyly wâgâ — kely myani Pymâ Jesus.

Atos 9:6 ပူးပေါင်းရင်းမြစ်များ

Mateus 19:30

Iwerâ waunropyry modo, ilâem âgânâynra ise. Âgânonrobyry modo, ilâem waunroem ise warâ — kely Jesus.

Lucas 3:10

Aituo myani kurâdo aguely: — Âdaraka Deus xina aidyse awyly? — kelymo.

Atos 10:22

Aituo myani aguelymo: — Xina iwymâry Cornélio xina igononi. Uguondo tynrenseim mâkâ, cem lelâ sodadu domodo iwymâry. Koendonro mâkâ. Âmaemo judeu domodo mâinwânkylymo, Deuslâ mâkâ nheinwânkyly. Koendâ lelâ mâkâ aidyly, idânârâ judeu xina ijidadâry anano modo enanaji. Iweâ kulâ mykeankâ anju eyam âewyly. “Cornélio, Pedro igâsegâ. Itynra mâkâ nâedâ, âda midyly awyly aguehoem” kely mykeankâ — kelymo Pedroram.

Atos 10:32

Uguondo modo ewy âtâ anary Jope kehoram igonokâ, uguondo Simão Pedro igâseze. Ânguydo imeom itubygue âdydo imeom xygahudâni Simão ety oday mâkâ âxidâdybyem awyly. Parutabâ iwaguepa mâkâ ety” kely keankâ yam.

Atos 10:6

Ânguydo imeom itubygue âdydo imeom xygahudâni Simão ety oday mâkâ âxidâdybyem awyly. Parutabâ iwaguepa mâkâ ety — kely.

Atos 2:37

Arâ Pedro aguely tindatuo myani idânârâ kehoem itywandylymo, Jesus tienagazenehon-hobyry wâgâ. Aituo myani Pedro domodoram aguelymo: — Âdaraka ise xina aidyly iwerâ? — kelymo.

Atos 22:10

Aituo ani kampâiguely: “Âdyka agânhedyse mato, Pymâ?” uguely. — “Aukâ. Idâ âtâ anary Damascoram. Târâ ise mâduruholy amânhekyly wâgâ, Deus amânhedyse ato wâgâ” kely ani yam.

Atos 26:16

Aukâ. XYDYK ikâ. Iemaryem mitoem âduakely. Ywâgâ egaturin-em âduakely. Iwerâ mâentyby wâgâ egatugâ, waunroem aini wâgâ âyam kâengatuly wâgâ warâ.

Atos 9:5

— Ânguyka âmâ, aguenri? — kely myani Saulo. — Jesus urâ, toenzepa mâenagazeguyly.

Romanos 10:20

Iweâpa itybyem awyly ume, tyanepa myakâwândy Isaías, Deus aguehobyry egatuze: “ ‘Uidânrypyry modo woenkezemo, mâkâ tiuinly keba kulâ soenkenri ara. Ygâsedânry modoram âepanâgueze urâ’ Deus kehobyry” Isaías inwenibybe.

Romanos 10:3

Tâmakehoem âdara Deus itaumbyry awyly nhutuhomobe wâne, awârâ tiuntudyzebamo olâ. Jesus kieinwântuo lelâ kydâsemaguely awyly tiuntudyzemo inkâba. Tâzezewenry Moisés inweniby saguhobyry tyeinwândylygue âwâlâ kulâ âsemagueze kewâdylymo. Deus itaumbyry ara adâidyse inkâba akaemo, mâkâ xurâem tâwentâguezeba tâitoem.

Romanos 5:20

Adão pygueduo, iweâpa lelâlâ myakâwândy judeu domodo ezewenry Deus Moisésram inwenien-honly. Âdara Deus ize ato ara lelâ adâidyly awyly inwenien-honly. Deus aguehobyry takazezemolâ olâ myakâwândy. Arâlâ olâ Deus koendâ awyly; imâem isezedyly tâmakezein-emba tutuzeim modo agâ.

Romanos 7:9

Deus xurâem uguondo koendonro urâ-ro waunlo ara ani ienanaji saguhoem. Tâzezewenry iweniby kâuntuduo olâ ani Deus izepa ato ara kulâ awidyly awyly kâuntuly. Deus aguehobyry takaze wawylygue, xurâem koendâpa wawyly tutuze ani urâ.

Filipenses 2:12

Yataen-hodo kâinwyneguyly modo, atârâ agâmo wawyly ume, inomedâdomo ara amipyra waypa akâwâm âmaemo. Iwerâ agâmopa wawyly ume, inomedâdomobyry aiedyly kâjimowâdaundâ. Idânârâ xurâem koendâ lelâ amânhetomoem âzeon-hondâdaungâ. Deus xyrentaungâ; aguehobyry mankadylymo xytadaungâ warâ.

Tiago 4:6

Deus koendonroem awyly olâ ton-honreim kuru, inakanhe aguipyra kitoem. Awylygue Deus itaumbyry awo wâgâ warâ iwenibyem awyly: “Tadaloenly kewâni modo ize inkâba Deus; ‘Âdy mâkeba urâ’ kewâni modo tâmawyadâze, eon-honrumo tuduze warâ olâ.”